Albinus wa Angers

Albinus wa Angers (kwa Kifaransa: Aubin; Vannes, leo nchini Ufaransa, 496 hivi - Angers, 1 Machi 550) alikuwa kwanza mmonaki, halafu abati kwa miaka 25 na hatimaye askofu wa mji huo kuanzia mwaka 529^[1], akijitahidi kurekebisha Kanisa kufuatana na mtaguso wa tatu wa Orleans na kutetea fukara na wafungwa hata kwa kukemea vikali fahari ya matajiri^[2].

Mt. Albinus akishiriki Mtaguso wa tatu wa Orleans.

Tangu kale anaheshimiwa na Wakatoliki na Waorthodoksi kama mtakatifu^[3].

Sikukuu yake huadhimishwa tarehe 1 Machi^[4].

Tazama pia

• Watakatifu wa Agano la Kale
• Orodha ya Watakatifu Wakristo
• Orodha ya Watakatifu wa Afrika
• Orodha ya Watakatifu Wafransisko