Filogoni wa Antiokia

Filogoni wa Antiokia (alifariki Antiokia, leo nchini Uturuki, 324) alikuwa askofu mkuu wa mji huo kuanzia mwaka 314 hadi kifo chake.

Kwanza alioa na kuzaa binti; alikuwa wakili maarufu kwa kutenda haki.

Baadaye aliitwa na Mungu kushika uongozi wa jimbo na kupinga Uario akitetea imani sahihi pamoja na Aleksanda I wa Aleksandria na wengineo.

Hatimaye alifungwa kwa ajili ya imani katika dhuluma ya kaisari Licinius.

Yohane Krisostomo alimsifu kwa stahili zake katika hotuba maarufu^[1].

Tangu kale anaheshimiwa na Wakatoliki na Waorthodoksi kama mtakatifu.

Sikukuu yake ni tarehe 20 Desemba^[2].

Tazama pia

• Watakatifu wa Agano la Kale
• Orodha ya Watakatifu Wakristo
• Orodha ya Watakatifu wa Afrika
• Orodha ya Watakatifu Wafransisko