Halmashauri ya mapadri

Halmashauri ya mapadri (kwa Kiingereza: Presbyteral Council au Council of Priests^[1]) ni muundo muhimu wa majimbo yote ya Kanisa Katoliki.

Hii ni sehemu ya mfululizo kuhusu Kanisa Katoliki
Imani
Umoja wa Mungu Utatu (Baba, Mwana, Roho Mtakatifu) Umwilisho Maisha ya Yesu Msalaba Ufufuko Kupaa Historia ya Wokovu Ufunuo Biblia Mapokeo Ualimu Dogma Neema Dhambi Wokovu Sakramenti Watakatifu Bikira Maria
Muundo
Papa: Papa Leo XIV Urika wa maaskofu Mitaguso mikuu Kundi la Makardinali Kanisa la Kilatini Makanisa Katoliki ya Mashariki
Historia
Historia Ukristo Ukatoliki Mlolongo wa Kitume Sifa nne za Kanisa Utetezi Ekumeni Maisha ya kiroho Amri Kumi Utawa Sala Falsafa Teolojia Muziki Sanaa Sayansi
Ibada
Liturujia Mwaka wa Kanisa Ekaristi Liturujia ya Vipindi
Mapokeo ya liturujia
Liturujia ya Kilatini (Roma Liturujia ya Trento Milano Toledo Braga Lyon Canterbury) Liturujia ya Armenia Liturujia ya Misri Liturujia ya Ugiriki Liturujia ya Antiokia Liturujia ya Mesopotamia

Lengo lake ni kuhakikisha kwamba mapadri, kupitia wawakilishi wao, wanashiriki mamlaka ya askofu katika kuongoza jimbo lake.

Kwa Kanisa la Kilatini, kanuni 495 ya Mkusanyo wa Sheria za Kanisa imeagiza halmashauri ya namna hiyo iwepo katika majimbo yote ili kukabili masuala ya kichungaji.

Kanuni 497 inadai kama nusu wawe wamechaguliwa na mapadri wote, na waliobaki washike nafasi kutokana na vyeo walivyonavyo au kwa kuteuliwa na askofu mwenyewe.

Ni yeye atakayeamua lini akutanishe washauri wake hao, atakayeendesha kikao na kupanga masuala ya kujadiliwa ^[2].

Jimbo likibaki bila askofu, halmashauri inakoma na majukumu yake yanatimizwa na Jopo la washauri.^[3]

Sheria za namna hiyohiyo zimo katika kanuni 264 n.k. za Mkusanyo wa Kanuni za Makanisa ya Mashariki (kwa Makanisa Katoliki ya Mashariki).