Neodimi

Neodimi (Neodymium) ni elementi na metali ya udongo adimu yenye namba atomia 60 kwenye jedwali la elementi maana yake kuna protoni 60 katika kiini cha atomu yake. Ina uzani atomia 144.242. Alama yake ni Nd.

Neodimi
Jina la Elementi	Neodimi
Alama	Nd
Namba atomia	60
Mfululizo safu	Lanthanidi
Uzani atomia	144.242
Valensi	2, 8, 18, 22, 8, 2
Densiti	7.01 g/cm3
Kiwango cha kuyeyuka	1297 K (1024 °C)
Kiwango cha kuchemka	3347 K ​(3074 °C)

Sumaku ya aloi ya neodimi inayotumiwa ndani ya diski kuu ya kompyuta

Tabia

Neodimi inaitwa "metali ya udongo adimu", hata hivyo si elementi haba Duniani. Kama metali zote inang'aa lakini hewani inaoksidishwa haraka na kupata ganda la oksidi. Kutokana na kuoksidisha haraka inaanza kuwaka ikifikia sentigredi 150 na kuwa oksidi ya Nd₂O₃.

Aloi ya Nd₂Fe₁₄B) ni sumaku yenye nguvu sana: inashinda sumaku nyingine zote. Sumaku ya neodimi inaweza kushika masi yake mara elfu.

Matumizi

Kwa hiyo matumizi yake ni hasa pale ambako sumaku nyepesi lakini yenye uwezo inahitajika. Kwa hiyo zinatafutwa kwa ajili ya kompyuta, vinasasauti au vipazasauti.

Katika karne ya 21 uhandisi wa injini mpya za umeme kwa ajili ya magari na eropleni ulipanua matumizi ya neodimi. Kwa mfano injini za umeme za gari la Toyota Prius zinahitaji kilogramu moja ya neodimi kwa kila gari. ^[1] Mwaka 2018 kampuni ya Tesla ilihamia pia matumizi ya neodimi ^[2].