Mikoa ya Mali

Mikoa ya Mali ni magatuzi ya nchi ya Mali kwenye ngazi ya juu. Tangu mwaka 2016 Mali imegawanywa katika mikoa kumi na eneo la pekee la mji mkuu.

Ramani ya Mali (ugawaji kabla ya mwaka 2016)

Mnamo mwaka 2012 sheria ilitangaza kugawiwa upya kwa nchi katika mikoa 19 kutoka ile 8 ya awali^[1]. Hadi mwaka 2021 kuna mikoa miwili mipya pekee iliyoanzishwa, ambayo ni Taoudenit (iliyomegwa kutoka Mkoa wa Timbuktu) na Menaka (zamani kwenye Mkoa wa Gao).^{[2] [3]}

Kila mkoa unaitwa jina la mji mkuu wake. Mikoa imegawanywa katika wilaya (cercles) 56. Wilaya zote zimegawanywa katika manispaa (communes) 703. ^[4]

Jiografia

Mikoa 5 ni hasa jangwa, na mikoa hiyo ina nusu ya eneo lote la nchi.

Mkoa mkubwa zaidi ni Taoudenit, mdogo zaidi ni Segou.

Demografia

Mkoa wenye watu wengi zaidi ni Sikasso wenye watu milioni 2.6, na ule wenye watu wachache zaidi una watu 68,000 pekee.

Mikoa

Mikoa imepewa namba kwa kutumia namba za Kiroma.^[5] Mji mkuu wa Bamako unasimamiwa kama eneo la pekee.

Mikoa kumi na eneo la Bamako vimeorodheshwa hapa chini. Idadi ya wakazi ni kutokana na sensa za 1998 na 2009. ^[6]

Mikoa ya Mali (mnamo 2016)

Jina la mkoa	Nambari ya mkoa	Eneo (km2)	Idadi ya watu Sensa ya 1998	Idadi ya watu Sensa ya 2009
Kayes	01 I	119,743	1,374,316	1,993,615
Koulikoro	02 II	95,848	1,570,507	2,422,108
Bamako	(bila namba)	252	1,016,296	1,810,366
Sikasso	03 III	70,280	1,782,157	2,643,179
Segou	04 IV	64,821	1,675,357	2,338,349
Mopti	05 V	79,017	1,484,601	2,036,209
Timbuktu[7]	06 VI	496,611	442,619	674,793
Gao	07 VII	89,532	341,542	542,304
Kidal	08 VIII	151,430	38,774	67,739
Taoudénit	09 IX	-	-	-
Ménaka	10 X	81,040	-	-