Yosefu Benedikto Cottolengo

Yosefu Benedikto Cottolengo (Bra, 3 Mei 1786 - Chieri, 30 Aprili 1842) alikuwa padri wa Kanisa Katoliki huko Piemonte, leo nchini Italia, aliyetegemea kabisa Maongozi ya Mungu katika huduma zake kwa maskini, wagonjwa na wakiwa wa kila aina alizozitoa katika Nyumba Ndogo ya Maongozi ya Mungu pia kupitia mashirika matatu aliyoyaanzisha ili kuendeleza huduma hizo ^[1].

Mtakatifu Cottolengo alivyochorwa na ndugu yake Agostino.

Wafuasi wake wanatoa huduma hizo hata Dar es Salaam, Tanzania.

Alitangazwa na Papa Benedikto XV kuwa mwenye heri tarehe 29 Aprili 1917, halafu na Papa Pius XI kuwa mtakatifu tarehe 19 Machi 1934.

Sikukuu yake huadhimishwa tarehe 30 Aprili^[2].

Tazama pia

• Watakatifu wa Agano la Kale
• Orodha ya Watakatifu Wakristo
• Orodha ya Watakatifu wa Afrika
• Orodha ya Watakatifu Wafransisko