Tamasha la Kimataifa la Filamu la Zanzibar

Tamasha la Kimataifa la Filamu la Zanzibar (kwa Kiingereza: Zanzibar International Film Festival, kifupi: ZIFF, pia hujulikana kama Festival of the Dhow Countries) ni tamasha la kila mwaka la filamu linalofanyika Zanzibar, Tanzania. Imeelezwa kuwa tukio kubwa zaidi la kitamaduni katika eneo la ukanda wa Afrika ya Mashariki. ZIFF ni shirika lisilo la kiserikali lililoanzishwa mwaka wa 1997 ili kuendeleza na kukuza tasnia ya filamu na mambo mengine ya kiutamaduni kama kichocheo cha ukuaji wa kijamii na kiuchumi wa kikanda.^[1]

Tamasha la Filamu

Tamasha la kila mwaka la sanaa na tamaduni mbalimbali ni shughuli kuu ya ZIFF; tamasha hilo huadhimisha sanaa na tamaduni za bara la Afrika, Nchi za Ghuba, Iran, India, Pakistani na visiwa vya Bahari ya Hindi, kwa pamoja hujulikana kwa jina la nchi za Dhow. Sehemu kuu ya tamasha ni programu ya filamu inayojumuisha maonyesho ya ushindani na yasiyo ya ushindani. Filamu na video mbalimbali hushindania tuzo.^[2]

Ingawa filamu za ushindani ni ambazo uzalishaji wake unahusiana na nchi za Dhow tu, programu ya tamasha inajumuisha filamu na video kutoka duniani kote zinazozungumzia mada zinazoakisi mambo ya ndani ya nchi za Dhow. ^[3]Shughuli na matukio ya tamasha hili ni pamoja na makongamano, warsha, na maonyesho ya filamu bora zaidi za ndani na kimataifa. Tamasha kubwa la muziki pia hufanyika likishirikisha wasanii kutoka Tanzania pamoja na wanamuziki wa kimataifa.^[4] Programu ya tamasha pia hujumuisha vipengele maalum, warsha na semina kuhusu jukumu la filamu katika jamii za vijijini, masuala ya wanawake pamoja na watoto na maendeleo ya vijana. ^[5]

Tamasha hili bila shaka ndilo tamasha kubwa zaidi la sanaa na utamaduni barani Afrika, na linaendelea kuongoza kama tukio linalovutia watalii katika eneo hili. ZIFF sasa inatoa Tuzo 12 za Kimataifa zinazotolewa na majaji 5 wa Kimataifa. Kila mwaka ZIFF huonyesha zaidi ya filamu 150 zinazotengenezwa Afrika, Mashariki ya Kati, Ulaya, Amerika Kusini, Marekani na Asia.^[6]

Watazamaji mwaka 2013

Tamasha la ZIFF sasa linaendesha programu 15 katika siku 10 zinazojumuisha:

1. Film Competition
2. Film Workshops
3. Opening and Closing Nights
4. Film Outreach Projections
5. Women panorama
6. Children panorama
7. Village panorama
8. Festival of Festivals
9. Soko Film
10. Art and Exhibition
11. Children Film panorama
12. UNICEF Life skills Camps
13. Children Peace camps
14. Difficult Dialogues
15. Historical and Cultural Village Tours^[7]

Matukio hayo mengi hufanyika katika eneo la Ngome Kongwe na Bustani za Forodhani na huwa bure kwa umma.^{[8] [9]}

Tuzo

• Golden Dhow
• Silver Dhow
• Documentary
• Short/Animation
• East Africa Talent
• ZIFF Jury Award
• UNICEF Award
• ZIFF Life Time Achievement Award
• ZIFF Chairman Award
• Sembene Ousmane Award
• Signis Award
• East Africa Region Talent
• Signis Jury Award — Commendation
• Verona Award

Washindi wa Golden Dhow

Year	Filamu	Muongozaji	Nchi
1998	Maangamizi: The Ancient One[10]	Martin Mhando, Ron Mulvihill	Tanzania/Marekani
2000	Jinnah[11]	Jamil Dehlavi	Pakistan
2001	Bawandar (The Sand Storm)[12]	Jagmohan Mundhra	India
2004	Maargam (The Path)	Rajiv Vijay Raghavan	India (kwa Kimalayalam)
2005	Khakestar-o-Khak (Earth and Ashes)[13]	Atiq Rahimi	Afghanistan
2006	L'Appel Des Arenes (Wrestling Grounds)[14]	Cheikh Ndiaye	Senegal/Moroko/Burkina Faso/Ufaransa
2007	Juju Factory[15]	Balufu Bakupa-Kanyinda	Jamhuri ya Kidemokrasia ya Kongo
2008	Ezra[16]	Newton I. Aduaka	Nigeria/Ufaransa
2009	Jerusalema[17]	Ralph Ziman	Afrika Kusini
2010	Themba[18]	Stefanie Sycholt	Afrika Kusini
2011	The Rugged Priest[19]	Bob Nyanja	Kenya
2012	Uhlanga[19]	Ndaba Ka Ngane	Afrika Kusini
2013	Golchereh[20]	Vahid Mousaia
2014	Half of a Yellow Sun	Biyi Bandele	Marekani
2015	Wazi ?FM	Faras Cavallo	Kenya
2016	Watatu	Nick Reding	Kenya
2017	Noem My Skollie	Daryne Joshua	Afrika Kusini
2018	Supa Modo[21]	Likarion Wainaina	Kenya/Ujerumani
2019	Fatwa[22]	Mohamed Ben Mahmoud	Tunisia
2022	Vuta N’Kuvute[23]	Amil Shivji	Tanzania