From Wikipedia, the free encyclopedia
பைதான் புரோஜெர்சுமாய் (Python brongersmai) என்பது பைத்தோனிடே குடும்பத்தில் உள்ள விடமற்ற பாம்பு மலைப்பாம்பு சிற்றினம் ஆகும். இந்த சிற்றினம் தென்கிழக்காசியாவைச் சேர்ந்தது.[1]
புரோஞ்செர்சுமாய் மலைப்பாம்பு | |
---|---|
உயிரியல் வகைப்பாடு | |
உலகம்: | |
திணை: | |
பிரிவு: | |
வகுப்பு: | |
வரிசை: | |
குடும்பம்: | பைதானிடே |
பேரினம்: | |
இனம்: | பை. கியாக்தியோ |
இருசொற் பெயரீடு | |
பைதான் கியாக்தியோ இசுடல், 1938 | |
வேறு பெயர்கள் [2] | |
|
பைதான் புரோஜெர்சுமாய் இரத்த மலைப்பாம்பு,[2] புரோஜெர்சுமா குட்டை வால் மலைப்பாம்பு,[1] மலேசிய இரத்த மலைப்பாம்பு,[2] செங்குருதி மலைப்பாம்பு,[2] சிவப்பு குட்டை வால் மலைப்பாம்பு மற்றும் சுமாத்திரா குருதி மலைப்பாம்பு என்றும் அறியப்படுகிறது.[2]
பைதான் புரோஜெர்சுமாய் சிற்றினப் பெயர், இடச்சு ஊர்வனவியலாளர் லியோ புரோங்கர்சுமாவின் நினைவாக இடப்பட்டது.[3]
பைதான் புரோஜெர்சுமாய் மலேய தீபகற்பத்தில் (மேற்கு) மலேசியா, சுமத்ராவின் மத்திய மலைகளின் கிழக்கே, பாங்கா தீவு மற்றும் மலாக்கா நீரிணையில் உள்ள லிங்க தீவுகள், ரியாவ் தீவுகள் மற்றும் பினாங், தாய்லாந்து மற்றும் வியட்நாம் உள்ளிட்ட பிற தீவுகளில் காணப்படுகிறது.[1]
கடல் மட்டத்திலிருந்து 650 m (2,130 அடி) உயரத்தில் உள்ள காடுகளில் உள்ள சதுப்புநிலங்கள் மற்றும் வெப்பமண்டல சதுப்புநிலங்கள் பி. புரோங்கர்சுமாயின் விருப்பமான இயற்கை வாழ்விடமாகும்.[1]
பைதான் புரோஜெர்சுமாய் என்பது முதன்மையாக மங்கலான ஒளியில் சுறுசுறுப்பாகச் செயல்படும் சிற்றினமாகும் (பொதுவாக விடியற்காலை மற்றும் சாயங்காலத்தில் சுறுசுறுப்பாக இருக்கும்).
பைதான் புரோஜெர்சுமாயின் குஞ்சுகள் 25–43 cm (10–17 அங்) நீளம் வரை இருக்கும். முதிர்ச்சியடைந்த ஆண் பாம்புகளின் மொத்த நீளம் பொதுவாக 91–152 cm (36–60 அங்) வரை இருக்கும். பெண் பாம்புகள் 120–180 cm (48–72 அங்) நீளம் வரை காணப்படுகின்றன. இந்த பாம்புகள் பொதுவாக இவற்றின் வலுவான அமைப்பு காரணமாக அதிக எடையுடன் காணப்படும்.
பைதான் புரோஜெர்சுமாய் கொல்லைப்படுத்தப்பட்ட நிலையில் சுமார் 20 ஆண்டுகள் வரை உயிர் வாழ்கின்றன.[4]
பைதான் புரோஜெர்சுமாய்யின் வண்ண வடிவமானது செழுமையான, பிரகாசமான சிவப்பு முதல் ஆரஞ்சு வரை மந்தமான துருப்பிடித்த சிவப்பு தரை நிறத்தைக் கொண்டுள்ளது. இருப்பினும் இதன் எண்ணிக்கையின் அடிப்படையில் மஞ்சள் மற்றும் பழுப்பு நிறத்துடன் அறியப்படுகிறது. இது மஞ்சள் மற்றும் பழுப்பு நிறப் புள்ளிகள் மற்றும் உடலின் நீளம் முழுவதும் காணப்படும் கோடுகளுடன் காணப்படும். இத்துடன் பக்கவாட்டு வரை நீட்டிக்கும் பழுப்பு மற்றும் கருப்பு புள்ளிகள் ஆகியவற்றால் மூடப்பட்டிருக்கும். வெள்ளை நிறத்திலான வயிறு பெரும்பாலும் சிறிய கருப்பு அடையாளங்களுடன் காணப்படும். தலை பொதுவாகச் சாம்பல் நிறத்திலிருக்கும்.
பைதான் புரோஜெர்சுமாய் முட்டையிட்டு இனப்பெருக்கம் செய்யக்கூடியது. ஒரே நேரத்தில் 30 முட்டைகள் வரை இடும். பெண் தன் முட்டைகளைச் சுற்றி வளைத்து, தன் உடலை நடுங்கச் செய்து, முட்டைகளை முறையாக அடைகாக்க வெப்பத்தை உருவாக்குகிறது.
பொதுவாகக் கணிக்க முடியாத மற்றும் ஆக்குரோசமானதாகப் பரவலாகக் கருதப்பட்ட பைதான் புரோஜெர்சுமாய், தற்பொழுது ஊர்வன அறிஞர்களிடையே பொதுவானதாகி வருகிறது. முன்னர், கொல்லைப்படுத்தப்பட்ட பல மாதிரிகள் மலேசியா காட்டில் பிடிக்கப்பட்டவை. இவை இந்தோனேசியாவை விட (சுமாத்திரா) ஆக்குரோசமானவை என்று அறியப்படுகிறது. இவற்றில் பெரும்பாலான காட்டில் பிடிக்கப்பட்ட, காட்டு-இன மற்றும் கொல்லைப்படுத்தப்பட்டன.
பைதான் புரோஜெர்சுமாய் தோலுக்கான அதிகமாகப் பிடிக்கப்படுகின்றன.[5] இந்த வர்த்தகம் நிலையானதா என்ற கேள்விகள் உள்ளன.[6]
1938-ல் பைதான் புரோஜெர்சுமாய் சிற்றினம் முதன்முதலில் ஆலிவ் க்ரிஃபித் ஸ்டல் பைதான் கர்டசு புரோஜெர்சுமாய் என துணையினமாக விவரித்தார்.[7] இந்த உயிரலகு, 2005-ல் பாவெல்சு மற்றும் பலரால், பைதான் புரோஜெர்சுமாய் என்ற முழு சிற்றினமாக அங்கீகரிக்கப்பட்டது.[2][5]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.