ஆ. இரா. வேங்கடாசலபதி

ஆ. இரா. வேங்கடாசலபதி (A. R. Venkatachalapathy, பிறப்பு: 1967)^[1] தமிழகத்தின் குறிப்பிடத்தக்க ஆய்வாளர்களுள் ஒருவர். இவர் தில்லி ஜவகர்லால் நேரு பல்கலைக்கழகத்தில் தமிழ்ப் பதிப்பு வரலாறு பற்றிய ஆய்வில் முனைவர் பட்டம் பெற்றவர். புதுமைப்பித்தனின் எழுத்துக்களைச் செம்பதிப்பாகத் தொகுத்துள்ளார். கடந்த 30 ஆண்டுகளில் தமிழ் வரலாற்று, பண்பாட்டுத்துறைக்கு முக்கியமான 25-க்கும் மேற்பட்ட புத்தகங்களைக் கொடுத்திருக்கிறார். தற்போது சென்னை வளர்ச்சி ஆராய்ச்சி நிறுவனத்தில் பேராசிரியராகப் பணியாற்றுகிறார்.^{[2][3][4][5][6][7][8]} 2024 ஆம் ஆண்டிற்கான சாகித்திய அகாதமி விருது இவருக்கு வழங்கப்பட்டது.^[9]

ஆ. இரா. வேங்கடாசலபதி
பிறப்பு	1967
தொழில்	பேராசிரியர், சென்னை வளர்ச்சி ஆராய்ச்சி நிறுவனம்
தேசியம்	இந்தியா
குடியுரிமை	இந்தியர்
கல்வி	முனைவர்
கல்வி நிலையம்	சென்னைப் பல்கலைக்கழகம், மதுரை காமராசர் பல்கலைக்கழகம், ஜவகர்லால் நேரு பல்கலைக்கழகம்
குறிப்பிடத்தக்க படைப்புகள்	திருநெல்வேலி எழுச்சியும், வ.உ.சி.யும் 1908
குறிப்பிடத்தக்க விருதுகள்	சாகித்திய அகாதமி விருது (2024)
இணையதளம்
www.mids.ac.in/venkatachalapathy/

வாழ்க்கைக் குறிப்பு

ஆ. இரா. வேங்கடாசலபதி புதுதில்லி சவகர்லால் நேரு பல்கலைக்கழகத்தில் வரலாற்றில் முனைவர் பட்டம் பெற்றார்.^[1] திருநெல்வேலி மனோன்மணியம் சுந்தரனார் பல்கலைக்கழகம், சென்னைப் பல்கலைக்கழகம், சிக்காகோ பல்கலைக்கழகம் ஆகியவற்றில் கற்பித்தல் பணியில் ஈடுபட்டார்.^[1] பாரிசு, கேம்பிரிச்சு, இலண்டன், ஆர்வர்டு ஆகிய இடங்களில் ஆய்வுப் பணிகளை மேற்கொண்டுள்ளார். சிங்கப்பூர் தேசியப் பல்கலைக்கழகத்தில் (2011-12) இந்தியப் படிப்பில் கலாச்சார உறவுகளுக்கான இந்தியப் பேரவைத் தலைவராக இருந்துள்ளார்.^[1]

விருதுகள்

• 2021ஆம் ஆண்டிற்கான கனடா தமிழ் இலக்கியத் தோட்டத்தின் இயல் விருது^[10]
• 2021-2022ஆம் ஆண்டுகளில் பாரதியார் விருது ^[11][12]
• கோயம்புத்தூர், உலகத் தமிழ்ப் பண்பாட்டு மையம் இவருக்கு 2023 ஆண்டிற்கான டாக்டர் நல்ல பழனிசாமி பிற துறைத் தமிழ்த் தொண்டர் விருது
• சாகித்திய அகாதமி விருது, 2024 - (திருநெல்வேலி எழுச்சியும், வ.உ.சி.யும் 1908)^[9]

இவரது நூல்கள்

• பின்னி ஆலை வேலை நிறுத்தம்
• அந்தக் காலத்தில் காப்பி இல்லை
• நாவலும் வாசிப்பும்
• புதுமைப்பித்தன் கதைகள் (தொகுப்பாளர்)
• புதுமைப்பித்தன் கட்டுரைகள் (தொகுப்பாளர்)
• In Those Days There Was No Coffee
• பாரதியின் சுயசரிதைகள்
• பாரதி; கவிஞனும் காப்புரிமையும் – பாரதி படைப்புகள் நாட்டுடைமையான வரலாறு^[13][14]
• சென்றுபோன நாட்கள் - பதிப்பாசிரியர்
• Province of the Book
• இன்று துயர்மிகு வரிகளை நான் எழுதலாம் பாப்லோ நெருடா கவிதைகள் (மொழிபெயர்ப்பாளர்)
• Chennai not Madras
• திருநெல்வேலி எழுச்சியும், வ.உ.சி.யும் 1908