ஒசூர் தொடருந்து நிலையம்

ஒசூர் தொடருந்து நிலையம் (Hosur railway station, நிலையக் குறியீடு:HSRA) இந்தியாவின், தமிழகத்தின், ஒசூர் மாநகரத்தில் உள்ள தொடருந்து நிலையம் ஆகும். இது இந்திய இரயில்வேயால் நிர்வகிக்கப்படும் 7 மண்டலங்களில் ஒன்றான தென்மேற்கு தொடருந்து மண்டலத்தின் அங்கமான பெங்களூர் மண்டலத்தின் ஒரு பகுதியாக விளங்குகிறது. சேலம் - பெங்களூரு பாதை 1913-இல் போடப்பட்டது, 1941-இல் இப்பாதை மூடப்பட்டது. மீண்டும் 28 ஆண்டுகள் கழித்து பெங்களூர் - சேலம் தொடர்வண்டி பாதை மீட்டர் கேஜ் பாதையாக போடப்பட்டு, போக்குவரத்து தொடங்கியது. 1996-இல் இப்பாதை அகலப்பாதையாக மேம்படுத்தப்பட்டது.^[1] இதன் பிறகு 2017-18 ஆண்டில் ஒசூர் -பெங்களுர், தருமபுரி இடையே மின்சார தொடருந்து இயக்குவதற்காக மின்மயமாக்கும் பணிகள் தொடங்கின. இந்தப் பணிகளில் ஒசூர் -பெங்களுர் வரையிலான மின்மயமாக்கப்பணிகள் 2020 ஆண்டின் இறுதியில் முழுமையடைந்தது.^[2] இதனையடுத்து 2020 திசம்பர் 6 அன்று ஒசூர் - பெங்களுர் பயணிகளுக்கான முதல் மின்சார தொடருந்து பயணம் தொடங்கியது.^[3]

ஒசூர்
இந்திய இரயில்வே நிலையம்
ஒசூர் தொடருந்து நிலையம்
பொது தகவல்கள்
அமைவிடம்	தொடருந்து நிலைய சாலை, ஒசூர்,  இந்தியா
ஆள்கூறுகள்	12.7184°N 77.8229°E / 12.7184; 77.8229
ஏற்றம்	895 மீட்டர்
உரிமம்	இந்திய இரயில்வே
இயக்குபவர்	தென்மேற்கு தொடருந்து மண்டலம்
தடங்கள்	சேலம் - பெங்களூர் வழித்தடம், தருமபுரி வழியாக
நடைமேடை	3
இருப்புப் பாதைகள்	4
இணைப்புக்கள்	பேருந்து, வாடகையுந்து, ஆட்டோ ரிக்சா நிறுத்தம்
கட்டமைப்பு
கட்டமைப்பு வகை	தரையில் உள்ள நிலையம்
தரிப்பிடம்	உண்டு
மற்ற தகவல்கள்
நிலை	செயல்படுகிறது
நிலையக் குறியீடு	HSRA
மண்டலம்(கள்)	தென்மேற்கு தொடருந்து மண்டலம்
கோட்டம்(கள்)	பெங்களூர்
வரலாறு
மின்சாரமயம்	ஆம்
அமைவிடம் ஒசூர் தமிழக வரைபடத்தில் உள்ள இடம் Show map of தமிழ்நாடு ஒசூர் இந்திய வரைபடத்தில் உள்ள இடம் Show map of இந்தியா

திட்டங்கள் மற்றும் மேம்பாடு

இந்திய இரயில்வேயின் அமிர்த பாரத் நிலையத் திட்டத்தின் கீழ் மேம்படுத்தப்படுவதற்கு தமிழ்நாட்டிலுள்ள 532 தொடருந்து நிலையங்களில் தேர்ந்தெடுக்கப்பட்ட 77 நிலையங்களில் இதுவும் ஒன்றாகும். அம்ரித் பாரத் திட்டத்தின் கீழ் தமிழ்நாட்டிற்கென 4100கோடி நிதி ஒதுக்கீடு செய்யப்பட்டுள்ளது. மத்திய அரசின் உள்கட்டமைப்புக்கான பிரதமர் கதி சக்தி அமைப்பின் கீழ் இத்திட்டம் செயற்படுத்தப்படுகிறது. ^{[4][5][6][7][8][9][10]}

அமிர்த பாரத் திட்டத்தின் கீழ் பெங்களூர் கோட்டத்தில் 15 நிலையங்கள் தேர்ந்தெடுக்கப்பட்டன, ஒசூர் தொடருந்து நிலையத்தை புதுப்பிக்கும் பணிக்கு 22.35 கோடி ரூபாய் ஒதுக்கப்பட்டுள்ளது.^{[11][12][13][14]}

வசதிகள்

இந்த ரயில் நிலையத்தில் கீழ்கண்ட வசதிகள் உள்ளன.

• கணினிமயமாக்கப்பட்ட முன்பதிவு மையம்
• புத்தக விற்பனை நிலையம்
• ஐ. ஆர். சி. டி. சி தேனீரகம்
• ஆவின் பாலகம்
• பயணத் தேவைகள் அடங்கிய அங்காடி
• ரயில் இருப்பிடங்காட்டி/ ஓடும் நிலை அறியும் சேவை
• ஒலிபெருக்கி அறிவிப்பு சேவை

போக்குவரத்து

இந்த ரயில் நிலையத்தில் நின்று செல்லும் தொடர்வண்டிகள் ^[15]

விரைவுத் தொடருந்து

எண்.	தொடர்வண்டியின் எண்:	தொடக்கம்	சேரும் இடம்	வண்டியின் பெயர்	பயண முறை
1.	17235/17236	பெங்களூர்	நாகர்கோயில்	விரைவுவண்டி	தினமும்
2.	16235/16236	தூத்துக்குடி	மைசூர்	தூத்துக்குடி மைசூர் விரைவுவண்டி	தினமும்
3.	16231/16232	மயிலாடுதுறை	மைசூர்	மயிலாடுதுறை மைசூர் விரைவுவண்டி	தினமும்
4.	11013/1104	குர்லா, மும்பை	கோயம்புத்தூர்	விரைவுவண்டி	தினமும்
5.	16527/16528	யஷ்வந்த்பூர், பெங்களூர்	கண்ணூர்	விரைவுவண்டி	தினமும்
6.	12677/12678	பெங்களூர்	எர்ணாகுளம்	விரைவுவண்டி	தினமும்
7.	12257/12258	யஷ்வந்த்பூர்	கொச்சுவேலி, திருவனந்தபுரம்	கரீப் ரத் விரைவுவண்டி	வாரத்தில் மூன்று நாட்கள்
8.	11021/11022	தாதர்	திருநெல்வேலி	சாளுக்கியா விரைவுவண்டி	வாரத்தில் மூன்று நாட்கள்
9.	16573/16574	யஷ்வந்த்பூர்	புதுச்சேரி	விரைவுவண்டி	வாரமொரு முறை
10.	12647/12648	கோயம்புத்தூர்	ஹசரத் நிசாமுதீன் தொடருந்து நிலையம்	கொங்கு விரைவுவண்டி	வாரமொரு முறை
11.	20641/20642	கோயம்புத்தூர்	பெங்களூர்	கோவை வந்தே பாரத் அதிவிரைவு வண்டி	வாரத்தில் ஆறு நாட்கள்

பயணியர் தொடருந்து

எண்.	வண்டி எண்:	தொடக்கம்	சேரும் இடம்	வண்டியின் பெயர்	பயண வரத்து
1.	76553/76554	பெங்களூர்	தருமபுரி	பயணிகள் தொடருந்து	தினமும்
2.	56421/56422	சேலம்	யஷ்வந்த்பூர்	பயணிகள் தொடருந்து	தினமும்
3.	56513/56514	காரைக்கால்	பெங்களூர்	பயணிகள் தொடருந்து	தினமும்
4.	06591/06592	யஷ்வந்த்பூர்	ஓசூர்	பயணிகள் தொடருந்து	ஞாயிறு தவிர ஏனைய நாட்கள்