கவரா

கவரா (Gavara) என்பது தென்னிந்தியாவில் வாழும் நான்கு வெவ்வேறான, வேறுபட்ட மற்றும் முற்றிலும் தொடர்பில்லாத சமூகங்களைக் குறிக்கப் பயன்படுத்தப்படும் சொல்லாகும்.

கவரா பலிஜா

கவரா எனப்படுவோர் தமிழகத்தில் வாழுகின்ற ஒர் இனக்குழுவினர் ஆவர். இச்சமூகத்தினர் பலிஜா சமூகத்தின் உட்பிரிவினராக உள்ளனர்.^[1] பலிஜா என்ற சொல்லுக்கு இணையான தமிழ் சொல் கவரை என்பதாகும்.^[2] தமிழ்நாடு அரசு இடவொதுக்கீட்டுப் பட்டியலில், இவர்கள் பிற்படுத்தப்பட்ட பிரிவில் உள்ளனர்.^[3] கவரைகள், வீர வளஞ்சியர் தர்மத்தின் பாதுகாவலர்களாக இருந்தனர் என கல்வெட்டுகள் குறிப்பிடுகின்றன.^[4] சோழன் பூர்வ பட்டயம் எனும் வரலாற்று நூலின்படி, சோழர் காலத்தில் செட்டிமையான பல குடிகளுக்கு தலைவர்களாக கவரை வளஞ்சியர்கள் நியமிக்கப்பட்டனர் என்பதை குறிப்பிடுகிறது.^[5] வளஞ்சியர்கள், சிவபெருமானை கவரேசுவரன் என்ற பெயரில் வழிபட்டதன் காரணமாக கவரைகள் என்ற பெயரைப் பெற்றதாக வரலாற்றாளர்கள்‎ குறிப்பிடுகிறார்கள்.^[6] வளஞ்சியர் என்பது தற்கால பலிஜா என்ற வணிக மக்களைக் குறிப்பதாகும்.^[7] கவரைகள், பலிஜா சமூகத்துடன் திருமண உறவுகளை கொண்டுள்ளார்.^[8] இவ்விரு சமூகத்தவர்களும் கௌரி விரதத்தைக் கடைபிடிப்பது வருகின்றனர்.^[9]

கவரா கோமதி

கவரா என்பது கோமதி சமூகத்தின் உட்பிரிவின் பெயராகும்.^[10] இம்மக்கள் கடற்கரையோர ஆந்திராவில் கணிசமான அளவில் வாழ்கின்றனர்.^[11] தமிழ்நாட்டில் கோமதி சமூகத்தினர் கோமுட்டி செட்டியார் மற்றும் ஆரிய வைசியர் என்ற பெயரில் அறியப்படுகின்றனர்.

கவரா (அனகாபள்ளி)

கவரா எனப்படுவோர் ஆந்திர மாநில விசாகப்பட்டினம் அருகே உள்ள அனகாபள்ளியில் காணப்படும் மிக சிறிய எண்ணிக்கையிலான சமூகமாகும்.^[12] இவர்கள் கவரா பலிஜா சமூகத்துடன் தொடர்புடையவர்கள் அல்ல.

கவரா (கேரளம்)

கவரா எனப்படுவோர் கேரளாவின் எர்ணாகுளம், பாலக்காடு மற்றும் திருச்சூர் மாவட்டங்களில் காணப்படும் துளு பேசும் சமூகமாகும்.^[13] இவர்கள் கேரளா மற்றும் தமிழ்நாட்டின் அரசு இடவொதுக்கீட்டு பட்டியலில், பட்டியல் பிரிவில் உள்ளனர்.^[14] இவர்கள் கவரா பலிஜா சமூகத்துடன் தொடர்புடையவர்கள் அல்ல.