கிளிஞ்சல்கள்
துரை இயக்கத்தில் 1981 ஆம் ஆண்டு வெளிவந்த தமிழ்த் திரைப்படம் From Wikipedia, the free encyclopedia
Remove ads
கிளிஞ்சல்கள் 1981 ஆம் ஆண்டு வெளிவந்த இந்தியத் தமிழ்த் திரைப்படமாகும். துரை இயக்கத்தில் வெளிவந்த இத்திரைப்படத்தில் மோகன், பூர்ணிமா ஜெயராம் ஆகியோர் நடித்திருந்தனர்.
கதைக்களம்
இந்து சமயத்தைச் சேர்ந்த இளைஞன் பாபு, கிறித்தவப் பெண்ணான ஜூலியைக் காதலிக்கிறார். ஆனால், சமய வேறுபாடு காரணமாக இரு வீட்டாரும் காதலுக்கு எதிர்ப்பு தெரிவிக்கின்றனர். கடும் எதிர்ப்பையும் மீறி, பாபு, ஜூலி இருவரும் தங்கள் முடிவில் உறுதியாக இருக்கின்றனர். ஜூலியின் தந்தை சுடீபன் அவரை ஓர் அறையில் பூட்டி வைக்கிறார். அதே நேரத்தில் பாபுவின் தந்தை மாணிக்கமும் அவரை வீட்டை விட்டு வெளியேற அனுமதிக்கவில்லை. அனைவரையும் அதிர்ச்சியில் ஆழ்த்தும் விதமாக ஜூலி தற்கொலை செய்து கொள்கிறார். இதைக் கேட்ட பாபு சுடுகாட்டிற்கு விரைந்து சென்று ஜூலியின் உடலைத் தகனம் செய்யும் போதே இறந்து விடுகிறார்.
Remove ads
நடிகர், நடிகையர்
- மோகன் - பாபு
- பூர்ணிமா பாக்கியராஜ் - ஜூலி
- திலீப் - ஜனா
- வி. கே. ராமசாமி
- வி. கோபாலகிருட்டிணன் - ஸ்டீபன்
- பயில்வான் ரங்கநாதன்
- ஜி. சீனிவாசன் - மாணிக்கம்
- கோகுல்நாத் - தேவாலயத் தந்தை
- இராஜவேலு- ஆய்வாளர்
- சுகுமாரி - ஸ்டெல்லா
- எஸ். என். பார்வதி - உமாவின் தாய்
- வஞ்சியூர் இராதா - பாபுவின் தாய்
- பூர்ணிமா ராவ் (சுதா) - உஷா
- செந்தில்
- ஜாலி ஆபிரகாம் - விருந்தினர் தோற்றம்
பாடல்கள்
இத்திரைப்படத்திற்கு டி. ராஜேந்தர் பாடல்களை எழுதி இசையமைத்திருந்தார்.[1][2] "விழிகள் மேடையாம்" என்ற பாடல் ரேவதி இராகத்தில் அமையப்பெற்றது.[3]
வெளியீடும் வரவேற்பும்
இத்திரைப்படம் 1981 திசம்பர் 25 அன்று திரைக்கு வந்தது.[4][5] கல்கி இதழின் விமர்சகர் நளினி இத்திரைப்படத்தின் கதை மிகவும் பழையது என்றும் காலத்திற்கேற்றதல்ல என்றும் விமர்சித்திருந்தார்.[6] இத்திரைப்படம் வசூல்ரீதியாக மாபெரும் வெற்றிப்படமாக அமைந்ததோடு 175 நாள்கள் வெற்றிகரமாக ஓடியது.[7][8]
மேற்கோள்கள்
வெளி இணைப்புகள்
Wikiwand - on
Seamless Wikipedia browsing. On steroids.
Remove ads