சமயநல்லூர்

சமயநல்லூர் (Samayanallur) தேசிய நெடுஞ்சாலை 7இல், மதுரையிலிருந்து திண்டுக்கல் செல்லும் வழியில் வைகை ஆற்றின் கரையில் அமைந்துள்ள ஒரு சிறு நகரம் ஆகும். இது மதுரை மாவட்டத்தின் மதுரை மேற்கு ஊராட்சி ஒன்றியத்தைச் சேர்ந்த ஊராட்சியாகும்.^[4]மதுரையிலிருந்து 12 கிலோ மீட்டர் தொலைவில் அமைந்துள்ள, இவ்வூரில் தொடருந்து நிலையம் ஒன்று உள்ளது. இது தேனி மக்களவைத் தொகுதி மற்றும் சோழவந்தான் சட்டமன்றத் தொகுதியின் கீழ் உள்ளது.^[5]

சமயநல்லூர்
—  சிறுநகரம்  —
சமயநல்லூர் அமைவிடம்: சமயநல்லூர், தமிழ்நாடு , இந்தியா
ஆள்கூறு	9°58′45″N 78°02′02″E
நாடு	இந்தியா
மாநிலம்	தமிழ்நாடு
மாவட்டம்	மதுரை
ஆளுநர்	ஆர். என். ரவி[1]
முதலமைச்சர்	மு. க. ஸ்டாலின்[2]
மாவட்ட ஆட்சியர்	கெ. ஜெ. பிரவீன் குமார், இ. ஆ. ப [3]
நேர வலயம்	இந்திய சீர் நேரம் (ஒ.ச.நே + 05:30)
பரப்பளவு • உயரம்	• 177 மீட்டர்கள் (581 அடி)

அமைவிடம்

மதுரை மாவட்டத்தில், (9.9791°N 78.0339°E / 9.9791; 78.0339) என்ற புவியியல் ஆள்கூறுகள் கொண்டு சமயநல்லூர் அமைந்துள்ளது.

மதுரை

சமயநல்லூர்   

சமயநல்லூர் (Madurai)

மக்கள் வகைப்பாடு

இந்திய 2011 மக்கள்தொகை கணக்கெடுப்பின்படி 9,227 மக்கள் இங்கு வசிக்கின்றார்கள். இவர்களில் 4,589 ஆண்கள், 4,638 பெண்கள் ஆவார்கள். சமயநல்லூரில் 1000 ஆண்களுக்கு 1011 பெண்கள் உள்ளனர். இது தமிழக மாநில சராசரியான 996-யை விட அதிகமானது. சமயநல்லூர் மக்களின் சராசரி கல்வியறிவு 85.54% ஆகும், இதில் ஆண்களின் கல்வியறிவு 91.45%, பெண்களின் கல்வியறிவு 79.69% ஆகும். இது மாநில சராசரி கல்வியறிவான 80.09% விட அதிகமானது. சமயநல்லூர் மக்கள் தொகையில் 943 (10.22%) ஆறு வயதுக்குட்பட்டோர் ஆவார்கள்.

2011 ஆம் ஆண்டின் மதவாரியான கணக்கெடுப்பின் படி இந்துக்கள் அதிக எண்ணிக்கையில் உள்ளனர். மொத்த மக்கள்தொகையில் இந்துக்கள் 87.61% ஆக இருக்கின்றனர். அதையடுத்து கிருஸ்துவர்கள் 8.84%, இசுலாமியர்கள் 3.50% என்ற விகிதத்தில் இருக்கின்றனர். சமயநல்லூர் மொத்த மக்கள்தொகையில் தாழ்த்தப்பட்டோர் 13.81%, பழங்குடியினர் 0.08% ஆக உள்ளனர். சமயநல்லூரில் 2,440 வீடுகள் உள்ளன.^[6]