சமுனாமரத்தூர் வட்டம்

சமுனாமரத்தூர் வட்டம், தமிழ்நாட்டின் திருவண்ணாமலை மாவட்டத்தின் 12 வருவாய் வட்டங்களில் ஒன்றாகவும் மற்றும் ஆரணி வருவாய் கோட்டத்தின் கீழ் உள்ள 4 வட்டங்களில் ஒன்றாகவும் அமைந்துள்ளது.^[1] போளூர் வட்டத்தின் மேற்கு பகுதிகளையும்; செங்கம் வட்டத்தின் வடக்குப் பகுதிகளையும் கொண்டு, இவ்வட்டம் புதிதாக நிறுவப்பட்டது. இவ்வட்டத்தின் வட்டாட்சியர் அலுவலகம் சமுனாமரத்தூரில் இயங்குகிறது. இவ்வட்டத்தின் கீழ் 42 வருவாய் கிராமங்கள் உள்ளது.

சமுனாமரத்தூர்
வருவாய் வட்டம்
சமுனாமரத்தூர் Location in Tamil Nadu, India
ஆள்கூறுகள்: 12.5941995°N 78.888407°E / 12.5941995; 78.888407
நாடு	இந்தியா
மாநிலம்	தமிழ்நாடு
மாவட்டம்	திருவண்ணாமலை மாவட்டம்
அரசு
• வருவாய் கோட்டம்	ஆரணி வருவாய் கோட்டம்
மொழிகள்
• அலுவல்	தமிழ்
நேர வலயம்	ஒசநே+5:30 (இந்திய சீர் நேரம்)
அஞ்சல் சுட்டு எண்	606107
வாகனப் பதிவு	TN-97

சவ்வாது மலைப் பகுதியில் அமைந்த சமுனாமரத்தூர் வட்டத்தில் சவ்வாது மலை ஊராட்சி ஒன்றியம் உள்ளது.

இவ்வட்டத்தில் 2 உள்வட்டங்கள் உள்ளன.

அமைவிடம்

சவ்வாதுமலை வட்டத்திற்கு தெற்கில் செங்கம் வட்டமும்; வடகிழக்கில் போளூர் வட்டமும்; தென்கிழக்கில் கலசப்பாக்கம் வட்டமும்; மேற்கிலும், வடக்கிலும் வேலூர் மாவட்டமும் எல்லைகளாகக் கொண்டது.

மாவட்டத் தலைமையிடம் திருவண்ணாமலைக்கு வடமேற்கே 80 கி.மீ. தொலைவிலும், ஆரணியிலிருந்து 69 கி.மீ. தொலைவிலும், வேலூரிலிருது 87 கி.மீ. தொலைவிலும்; சென்னையிலிருந்து 222 கி.மீ. தொலைவிலும் சவ்வாது மலை உள்ளது.^[2]

வருவாய் கிராமங்கள்

சவ்வாது மலை வருவாய் வட்டம் 42 வருவாய் கிராமங்களைக் கொண்டுள்ளது.

மக்கள்தொகை பரம்பல்

2011-ஆம் ஆண்டு மக்கள் தொகை கணக்கெடுப்பின்படி இவ்வட்டத்தின் மக்கள்தொகை 47,271 ஆகும். அதில் 24636 ஆண்களும், 22,635 பெண்களும் உள்ளனர் 8500 குடும்பங்கள் கொண்ட இவ்வட்ட மக்கள்தொகையில் 90.1% கிராமப்புறங்களில் வாழ்கின்றனர்.