சம்பாய் சோரன்

சம்பாய் சோரன் (Champai Soren)^[1][2][3] ஓர் இந்திய அரசியல்வாதியும் சார்க்கண்டின் 7வது முதலமைச்சரும் ஆவார். பிப்ரவரி 2024 முதல் முன்னாள் முதல்வர் ஹேமந்த் சோரன் இந்திய அமலாக்க இயக்குநரகத்தால் கைது செய்யப்பட்ட பின்னர் இப்பதவியினை ஏற்றார்.^[4][5] இவர் சார்கண்ட் முக்தி மோர்ச்சா உறுப்பினராகவும், சராய்கேலா சட்டமன்றத் தொகுதியின் சட்டமன்ற உறுப்பினராகவும் உள்ளார். முன்னதாக இவர் 2வது ஹேமந்த் சோரன் அமைச்சரவையில் போக்குவரத்து, பழங்குடியினர் மற்றும் பட்டியல் சாதி மற்றும் பிற்படுத்தப்பட்டோர் நலன் அமைச்சராகப் பணியாற்றினார்.^[2][6]

சம்பாய் சோரன்
சம்பாய் சோரன்
சார்க்கண்டு முதலமைச்சர்
பதவியில் 02 பிப்ரவரி 2024 – 04 சூலை 2024
ஆளுநர்	கோ. போ. இராதாகிருஷ்ணன்
முன்னையவர்	ஹேமந்த் சோரன்
பின்னவர்	ஹேமந்த் சோரன்
அமைச்சர் - போக்குவரத்து, பழங்குடியினர், பட்டியல் சாதி மற்றும் பிற்படுத்தப்பட்ட வகுப்பினர் நலன், ஜார்க்கண்டு அரசு
பதவியில் 29 திசம்பர் 2019 – 31 சனவரி 2024
ஜார்க்கண்டின் சட்டமன்றம்
பதவியில் உள்ளார்
பதவியில் 2005
முன்னையவர்	ஆனந்த் ராம் துடு
தொகுதி	சராய்கேலா
தனிப்பட்ட விவரங்கள்
பிறப்பு	1 நவம்பர் 1956 (1956-11-01) (அகவை 68) சராய்கேலா, சார்க்கண்டு, இந்தியா
தேசியம்	இந்தியர்
அரசியல் கட்சி	பாரதிய ஜனதா கட்சி

வகித்தப் பதவிகள்

சம்பாய் சோரன் ஜார்க்கண்ட் சட்டமன்றத்தில் 4 முறை சட்டமன்ற உறுப்பினராகப் பதவியிலிருந்தவர்.

ஆண்டு	பதவி
1995 - 2000	11வது பீகார் சட்டசபையில் சராய்கேலா சட்டமன்றத் தொகுதி உறுப்பினர்
2005 - 2009	2வது சார்க்கண்டு சட்டசபையில் சராய்கேலா சட்டமன்ற உறுப்பினர்
2009 - 2014	3வது சார்க்கண்டு சட்டசபையில் சராய்கேலா சட்டமன்ற உறுப்பினர் அமைச்சர் - அறிவியல் மற்றும் தொழில்நுட்பம், தொழிலாளர் மற்றும் வீட்டுவசதி (11 செப்டம்பர் 2010 – 18 சனவரி 2013) அமைச்சர் - உணவு மற்றும் குடிமைப் பொருள் வழங்கல் போக்குவரத்து (13 சூலை 2013 – 28 திசம்பர் 2014)
2014 - 2019	4வது சார்க்கண்டு சட்டசபையில் சராய்கேலா சட்டமன்ற உறுப்பினர்
2019 - 2024	5வது சார்க்கண்டு சட்டசபையில் சராய்கேலா சட்டமன்ற உறுப்பினர் அமைச்சர் - போக்குவரத்து, பழங்குடியினர், பட்டியல் சாதி மற்றும் பிற்படுத்தப்பட்ட வகுப்பினர் நலன்
2024 - பிப்ரவரி 1 முதல்	சார்கண்டு மாநிலத்தின் 7வது முதலமைச்சர் (நியமிக்கப்பட்டவர்)