சீலாந்தியா

40°S 170°E

சிலாந்தியாவின் அமைவிடப் படம். நியூசிலாந்திற்கு புறத்தே வடக்கு-வடகிழக்காகவும் தென்மேற்காகவும் காணப்படும் வரி முகடுகளும் ஆத்திரேலியா (மேல் இடது), பிஜி அல்லது வனுவாட்டு (மேல் மையம்) ஆகியவையும் இந்தக் கண்டத்திட்டின் அங்கங்களாகக் கருதப்படுவதில்லை.^[1]

கியூரியோ விரிகுடாவில் கல்லாகிய மரம்

சீலாந்தியா (Zealandia, /ziːˈlændiə/, மாவோரி: Te Riu-a-Māui,^[2] தாசுமான்டிசு (Tasmantis) அல்லது நியூசிலாந்து கண்டம் எனப்படுவது பெரும்பாலும் மூழ்கியுள்ள கண்டப்பகுதியாகும். இது அந்தாட்டிக்காவிலிருந்து 85 முதல் 130 மில்லியன் ஆண்டுகளுக்கு முன்னரும் தொடர்ந்து ஆத்திரேலியாவிலிருந்து 60–85 மில்லியன் ஆண்டுகளுக்கு முன்னரும் பிரிந்து நீரில் அமிழ்ந்த கண்டப்பகுதியாகும்.^[3] இது 23 மில்லியன் ஆண்டுகளுக்கு முன்னர் முழுமையாக மூழ்கியிருந்திருக்கலாம்;^[4][5] இன்றும் பெருமளவு (93%) அமைதிப் பெருங்கடலில் அமிழ்ந்துள்ளது.^[6]சதாம் தீவுகளுக்கு தெற்கேயுள்ள போல்லோன் கடல்மலை சிலாந்தியாவுடன் எவ்வளவு வலிவாகப் பிணைக்கப்பட்டுள்ளது என்பது தெரியவில்லை.

சிலாந்தியா நியூசிலாந்தின் மீன்பிடித் தொழிலுக்கு மிகவும் உதவியாக உள்ளது; நியூசிலாந்தின் இயற்கைவளிக் களம் சீலாந்தின் தரநாக்கிப் பகுதியில் உள்ளது. 2007இல் பெரும் தென் கிண்ணப் பகுதியில் எண்ணெய் முற்றாய்விற்கு அனுமதி அளிக்கப்பட்டுள்ளது.^[7] கடலுக்கடியிலான கனிமங்களாக இரும்பு, எரிமலைசார் சல்பைடுகள், பெரோமங்கனீசு கணுக்களின் படிவுகள் உள்ளன.^[8]

மக்கள்தொகை

• நியூசிலாந்து – 4,430,400
• நியூ கலிடோனியா – 252,000
• நோர்போக் தீவு – 2,302
• லோர்ட் ஹாவ் தீவு குழுமம் – 347
• எலிசபெத் மற்றும் மிடில்டன் கடலடிப் பாறைகள் – 0

மொத்த மக்கள்தொகை: 4,685,000

கண்ட வகைப்பாடு

சிலாந்தியா ஒரு புவியியல் கண்டமே என்றும், அது ஒரு கண்டத்திட்டோ அல்லது குறுங்கண்டமோ அல்ல என்றும் அமெரிக்க புவியியல் கழகம் 2017 பெப்ரவரியில் அறிக்கை ஒன்றை விடுத்துள்ளது.^{[9][10][11][12]}