சுஜாவால் மாவட்டம்
From Wikipedia, the free encyclopedia
Remove ads
சூஜாவால் மாவட்டம் (Sujawal District), பாக்கித்தான் நாட்டின் தெற்கில் உள்ள சிந்து மாகாணத்தின் 30 மாவட்டங்களில் ஒன்றாகும். சிந்து மாகாணத்தின் தென் கோடியில் அமைந்த சூஜாவால் மாவட்டத்தின் நிர்வாகத் தலைமையிடம் சூஜாவால் நகரம் ஆகும். சூஜாவால் நகரமானது, மாகாணத் தலைநகரான கராச்சிக்கு தென்கிழக்கே 130.3 கிலோமீட்டர் தொலைவிலும்; நாட்டின் தலைநகரான இசுலாமாபாத்துக்கு தெற்கே 1,385.8 கிலோமீட்டர் தொலைவிலும் அமைந்துள்ளது. இம்மாவட்டம் 12 அக்டோபர் 2013 அன்று நிறுவப்பட்டது.[5][2]
Remove ads
புவியியல்
சிந்து மாகாணத்தின் தென்கோடியில் அமைந்த சூஜாவால் மாவட்டத்தின் தெற்கில் அரபுக் கடல் உள்ளது. சிந்து ஆறு சூஜாவால் மாவட்டத்தையும், தட்டா மாவட்டத்தையும் பிரிக்கிறது.
அரசியல்
இம்மாவட்டம் சிந்து மாகாணச் சட்டமன்றத்திற்கு 2 தொகுதிகளையும், பாகிஸ்தன் நாடாளுமன்றத்திற்கு 1 தொகுதியும் கொண்டுள்ளது.
மக்கள் தொகை பரம்பல்
2023 பாக்கித்தான் மக்கள்தொகை கணக்கெடுப்பின்படி 158,854 குடியிருப்புகள் கொண்ட இம்மாவட்ட மக்கள் தொகை 839,292 ஆகும்[6]. பாலின விகிதம் 100 பெண்களுக்கு 108.71 ஆண்கள் வீதம் உள்ளனர். இதன் சராசரி எழுத்தறிவு 27.02% ஆகும். [3][7] இதன் மக்கள் தொகையில் 10 வயதிற்குட்பட்ட குழந்தைகள் 287,527 (34.26%) ஆக உள்ளனர்.[8]நகர்புறங்களில் 88,847 (10.59%) மக்கள் வாழ்கின்றனர்.[3]
சமயம்
இம்மாவட்டத்தில் இசுலாம் சமயத்தை 97.07% மக்களும், இந்து சமயத்தை 2.65% மக்களும், பிற சமயங்களை 0.28% மக்களும் பின்பற்றுகின்றனர்.[9]
மொழி
இம்மாவட்டத்தில் சிந்தி மொழியை 99.40% மக்கள் தாய் மொழியாகப் பேசுகின்றனர்.[10]
மாவட்ட நிர்வாகம்
சூஜாவால் மாவட்டம் 5 வருவாய் வட்டங்களையும், ஒன்றியக் குழுக்களையும் கொண்டுள்ளது.
Remove ads
மேற்கோள்கள்
Wikiwand - on
Seamless Wikipedia browsing. On steroids.
Remove ads