டாக்கா கோட்டம்

டாக்கா கோட்டம் (Dhaka Division) (Bengali: ঢাকা বিভাগ, தெற்காசியாவின் வங்காளதேச நாட்டின் எட்டு நிர்வாகக் கோட்டங்களில் ஒன்றாகும்.^[1] வங்காளதேசத்தின் தலைநகரான டாக்கா நகரமே இக்கோட்டத்தின் நிர்வாகத் தலைமையிடமாகும். 2011-ஆம் ஆண்டு மக்கள் தொகை கணக்கெடுப்பின் படி டாக்கா கோட்டம் 31177.74 சதுர கிலோ மீட்டர் பரப்பளவும், மற்றும் 4,74,24,418 மக்கள் தொகையும் கொண்டது.

டாக்கா கோட்டம் ঢাকা বিভাগ
கோட்டம்
நாடு	வங்காளதேசம்
தலைமையிடம்	டாக்கா
பரப்பளவு
• மொத்தம்	20,593.74 km2 (7,951.29 sq mi)
மக்கள்தொகை  (2011 census)
• மொத்தம்	3,60,54,418
• அடர்த்தி	1,800/km2 (4,500/sq mi)
நேர வலயம்	ஒசநே+6 (வங்காளதேச சீர் நேரம்)
ஐஎசுஓ 3166 குறியீடு	BD-C
இணையதளம்	dhakadiv.gov.bd

டாக்கா கோட்டத்தின் வடக்கில் மைமன்சிங் கோட்டமும், தெற்கில் பரிசால் கோட்டமும், தென்கிழக்கில் சிட்டகாங் கோட்டமும், கிழக்கில் சில்ஹெட் கோட்டமும், வடமேற்கில் ரங்க்பூர் கோட்டமும், மேற்கில் ராஜசாகி கோட்டம் மற்றும் குல்னா கோட்டமும் எல்லைகளாக உள்ளது.

நிர்வாகம்

டாக்கா கோட்டத்தில் இரண்டு மாநகராட்சிகளும், 13 மாவட்டங்களும், 93 துணை மாவட்டங்களும், 1,239 கிராம ஒன்றியக் குழுக்களும் உள்ளது.

பெயர்	தலைமையிடம்	பரப்பளவு (km²)	மக்கள் தொகை 1991	மக்கள் தொகை 2001	மக்கள் தொகை 2011
டாக்கா மாவட்டம்	டாக்கா	1,463.60	58,39,642	85,11,228	1,20,43,977
பரித்பூர் மாவட்டம்	பரித்பூர்	2,052.68	15,05,686	17,56,470	19,12,969
காஜிபூர் மாவட்டம்	காஜிபூர்	1,806.36	16,21,562	20,31,891	34,03,912
கோபால்கஞ்ச் மாவட்டம்	கோபால்கஞ்ச்	1,468.74	10,60,791	11,65,273	11,72,415
கிசோர்கஞ்ச் மாவட்டம்	கிசோர்கஞ்ச்	2,688.59	23,06,087	25,94,954	29,11,907
மதாரிபூர் மாவட்டம்	மதாரிபூர்	1,125.69	10,69,176	11,46,349	11,65,952
மணிகஞ்ச் மாவட்டம்	மணிகஞ்ச்	1,383.66	11,75,909	12,85,080	13,92,867
முன்சிகஞ்ச் மாவட்டம்	முன்சிகஞ்ச்	1,004.29	11,88,387	12,93,972	14,45,660
நாராயண்கஞ்ச் மாவட்டம்	நாராயண்கஞ்ச்	684.37	17,54,804	21,73,948	29,48,217
நரசிங்கடி மாவட்டம்	நரசிங்கடி	1,150.14	16,52,123	18,95,984	22,24,944
ராஜ்பாரி மாவட்டம்	ராஜ்பாரி	1,092.28	8,35,173	9,51,906	10,49,778
சரியத்பூர் மாவட்டம்	சரியத்பூர்	1,174.05	9,53,021	10,82,300	11,55,824
தங்காயில் மாவட்டம்	தங்காயில்	3,414.35	30,02,428	32,90,696	36,05,083
மொத்தம்	டாக்கா கோட்டம்	31,177.74	3,26,65,975	3,90,44,716	4,74,24,418

மக்கள் தொகையியல்

31177.74 சதுர கிலோ மீட்டர் பரப்பு கொண்ட இக்கோட்டத்தின் 2011-ஆம் ஆண்டின் மக்கள் தொகை கணக்கெடுப்பின் படி மக்கள் தொகை 4,74,24,418 ஆக உள்ளது. அதில் ஆண்கள் 2,41,72,317 ஆகவும், பெண்கள் 2,32,52,101 ஆகவும் உள்ளனர். ஆண்டு மக்கள் தொகை வளர்ச்சி 1.93 %ஆக உள்ளது. பாலின விகிதம் 104 ஆண்களுக்கு 100 பெண்கள் வீதம் உள்ளனர். மக்கள் தொகை அடர்த்தி ஒரு சதுர கிலோ மீட்டர் பரப்பளவில் 1521 நபர்கள் வீதம் வாழ்கின்றனர். மாவட்ட சராசரி எழுத்தறிவு 54.2% ஆக உள்ளது.^[2]இக்கோட்டத்தின் பெரும்பாலான மக்கள் இசுலாமிய சமயத்தைப் பின்பற்றுபவர்களாகவும், வங்காள மொழியைப் பேசுபவர்களாகவும் உள்ளனர்.

பொருளாதாரம்

இக்கோட்டம் வேளாண்மைப் பொருளாதாரத்தைச் சார்ந்து உள்ளது. இக்கோட்டத்தில் பல ஆறுகள் பாய்வதால் நீர் வளமும், மண் வளமும் கொண்டுள்ளது. எனவே இங்கு நெல், கோதுமை, கரும்பு, பருத்தி, சணல், மா, பலா, வாழை, எண்ணெய் வித்துக்கள், நவதானியங்கள், சோளம், உருளைக்கிழங்கு முதலியன பயிரிடப்படுகிறது.

போக்குவரத்து

ஆறுகளின் நீர் வழித் தடங்கள் மூலம் பயணிகள் மற்றும் சரக்கு போக்குவரத்திற்கு இயந்திரப் படகுகள் மற்றும் பாய்மரப் படகுகள் பயன்படுத்தப்படுகிறது.

டாக்கா பன்னாட்டு வானூர்தி நிலையம், உலகத்தின் முக்கிய நகரங்களுடன் இணைக்கிறது.

இந்திய இரயில்வேத் துறை, கொல்கத்தா - டாக்கா நகரங்களுக்கிடையே தொடருந்துகள் இயக்குகிறது.