தி மார்வெல்ஸ்
From Wikipedia, the free encyclopedia
Remove ads
தி மார்வெல்ஸ் (ஆங்கிலம்: The Marvels)[3] என்பது 2023 ஆம் ஆண்டு வெளியான அமெரிக்க நாட்டு மீநாயகன் திரைப்படம் ஆகும். இது மார்வெல் வரைகதை கதாபாத்திரமான கேப்டன் மார்வெல் / கரோல் டான்வர்ஸ் போன்ற கற்பனை கதாபாத்திரங்களை மையமாக வைத்து மார்வெல் ஸ்டுடியோஸ் என்ற நிறுவனம் தயாரிக்க வால்ட் டிஸ்னி ஸ்டுடியோஸ் மோஷன் பிக்சர்ஸ் என்ற நிறுவனம் விநியோகம் செய்கிறது. இது 2019 ஆம் ஆண்டு வெளியான கேப்டன் மார்வெல் என்ற திரைப்படத்தின் தொடர்ச்சியாகவும் மற்றும் 2021 ஆம் ஆண்டு வெளியான மிஸ். மார்வெல் என்ற டிஸ்னி+ தொடரின் தொடர்ச்சியாகவும் மார்வல் திரைப் பிரபஞ்சத்தின் முப்பத்தி மூன்றாவது திரைப்படமும் ஆகும்.
இந்த திரைப்படத்தை நியா டகோஸ்டா[4] என்பவர் இயக்க, கேவின் பிகே[5] தயாரிப்பில் பிரி லார்சன், தியோனா பாரிஸ் மற்றும் இமான் வேலனி[6] போன்ற பலர் நடித்துள்ளார்கள்.
மார்வெல் ஸ்டுடியோஸ்[7] ஜூலை 2019 இல் கேப்டன் மார்வெலின் இரண்டாம் பாகத்தை உருவாக்கும் திட்டத்தை உறுதிப்படுத்தியது, மேலும் 2020 ஜனவரியில் மெக்டோனல் திரைக்கதையாளராக இணைந்தார், பிரி லார்சன் மீண்டும் இதில் நடிப்பார் எனவும் அறிவிக்கப்பட்டது.[8] ஆகஸ்டில் நியா டகோஸ்டா பணியமர்த்தப்பட்டார், நடிகைகளான இமான் வேலனி மற்றும் தியோனா பாரிஸ் டிசம்பரில் ஒப்பந்தம் செய்யப்பட்டனர். இரண்டாவது கட்ட படப்பிடிப்பு 2021 ஏப்ரல் நடுப்பகுதியில் நியூ செர்சியில் தொடங்கியது, இப்படத்தின் தலைப்பு மே மாத தொடக்கத்தில் வெளியிடப்பட்டது. முதன்மை புகைப்படம் எடுத்தல் 2021 மே மாத இறுதியில் இலண்டன், லாஸ் ஏஞ்சல்ஸ், நியூ செர்சி மற்றும் பக்கிங்ஹாம்ஷையரில் உள்ள பைன்வுட் வளாகத்தில் தொடங்கும் என்று எதிர்பார்க்கப்படுகிறது.[9]
தி மார்வெல்ஸ் என்ற படம் நவம்பர் 7, 2023 அன்று லாஸ் வேகாஸில் திரையிடப்பட்டது, மேலும் மார்வெல் திரைப் பிரபஞ்சத்தின் ஐந்தாம் கட்டத்தின் ஒரு பகுதியாக நவம்பர் 10 அன்று அமெரிக்காவில் வெளியிடப்பட்டது. இது விமர்சகர்களிடமிருந்து கலவையான விமர்சனங்களைப் பெற்றது, ஆனால் அதன் கதைக்களம் பற்றி எதிர்மறையான விமர்சனம் பெற்று, உலகளவில் $198 மில்லியன் வசூலித்து வசூல் ரீதியாக தோல்வியுற்றது.
Remove ads
மேற்கோள்கள்
வெளி இணைப்புகள்
Wikiwand - on
Seamless Wikipedia browsing. On steroids.
Remove ads