நேபாள ஜனநாயக கூட்டாட்சிக் குடியரசு

2006 மக்கள் ஜனநாயகப் போராட்டத்தின் விளைவாக ^[1] நேபாள அரசியலமைப்பு நிர்ணய மன்றம், 28 மே 2008ல் நேபாள நாட்டை சமயச்சார்பற்ற, நேபாள ஜனநாயக கூட்டாட்சிக் குடியரசு^[2] (Federal Democratic Republic of Nepal) என அறிவித்தது.^[3][4] இதனால் 240 ஆண்டுகால நேபாள மன்னராட்சி முடிவிற்கு வந்தது. மேலும் இதனை தற்காலிக நேபாள அரசியலமைப்புச் சட்டமும் உறுதிப்படுத்தியது.

நேபாள ஜனநாயக கூட்டாச்சிக் குடியரசின் முதல் பிரதம அமைச்சராக கிரிஜா பிரசாத் கொய்ராலா 28 மே 2008 அன்று பொறுப்பேற்றார்.^[5][6][7] நேபாளி காங்கிரஸ் கட்சியின் கிரிஜா பிரசாத் கொய்ராலா 18 ஆகஸ்டு 2008 அன்று பிரதம அமைச்சர் பதவியிலிருந்து விலகியதால், நேபாள கம்யுனிஸ்ட் கட்சி (மாவோயிஸ்ட்) கட்சியின் பிரசந்தா என்ற புஷ்ப கமல் தகால், 18 ஆகஸ்டு 2008 அன்று பிரதம அமைச்சராக பதவியேற்றார்.^[6][7]

நேபாள ஜனநாயக கூட்டாச்சிக் குடியரசின் முதல் குடியரசுத் தலைவராக ராம் பரன் யாதவ், 23 சூலை 2008 அன்று பொறுப்பேற்றார்.

சிறப்பம்சங்கள்

• நேபாளத்தில் 240 ஆண்டுகால ஷா வம்ச மன்னராட்சி ஒழிக்கப்பட்டது. முன்னாள் நேபாள மன்னர் மற்றும் அரச குடும்ப உறுப்பினர்கள், அரச குடும்பச் சலுகைகள் இழந்து, சாதாரண பொதுமக்களாக கருதப்பட்டனர்.
• இவ்வறிப்பு வெளியான 15 நாட்களில் நேபாள மன்னரும், மன்னர் குடும்பத்தினரும் நாராயணன்ஹிட்டி அரண்மனையை விட்டு வெளியேற அறிவுறுத்தப்பட்டனர்.
• நேபாள ஜனநாயக கூட்டாச்சிக் குடியரசின் முதல் தலைவராக ராம் பரன் யாதவ், 23 சூலை 2008 அன்று பொறுப்பேற்றார்.
• 23 சூலை 2008 அன்று நேபாளத்தின் முதல் குடியரசுத் தலைவராக ராம் பரன் யாதவ் பொறுப்பேற்றார்.
• நாராயணன்ஹிட்டி அரண்மனை வரலாற்று அருங்காட்சியகமாக மாற்றப்பட்டது.
• நேபாள அரசியலமைப்புச் சட்டப்படி, 20 செப்டம்பர் 2015 அன்று, நேபாளத்தை ஏழு மாநிலங்களாக பிரிக்கப்பட்டது.
• நாட்டின் உயர்தலைவரான குடியரசுத் தலைவருக்கு முப்படைகளின் தலைமை அதிகாரியாகவும், அரசியல் அமைப்புச் சட்டப்படி, பணிபுரிய வேண்டும். அமைச்சரவையின் பரிந்துரையின் படி முப்படைகளை திரட்ட வேண்டும்.
• 28 மே 2008 அன்று நேபாளம் தனது முதல் குடியரசு நாள் மற்றும் தியாகிகள் நாளையும் கொண்டாடியது.

2008 முதல் நேபாள ஜனநாயக கூட்டாச்சிக் குடியரசின் பிரதம அமைச்சர்கள் & குடியரசுத் தலைவர்கள்

வ. எண்		படம்	பெயர் (பிறப்பு-இறப்பு)	பதவிக் காலம்			அரசியல் கட்சி	அமைச்சரவை	குடியரசுத் தலைவர்கள் (1. பதவிக் காலம்) (2. அரசியல் கட்சி)
				பதவியேற்ற நாள்	விலகிய நாள்	நாட்கள்
	(32)		கிரிஜா பிரசாத் கொய்ராலா (1925–2010) ஐந்தாம் முறை	28 மே 2008[5][6][7]	18 ஆகஸ்டு 2008[6][7]	82	நேபாளி காங்கிரஸ்	2008 கொய்ராலா அமைச்சரவை	ராம் பரன் யாதவ் (1. 23 சூலை 2008-29 அக்டோபர் 2015) (2. நேபாளி காங்கிரஸ்)
	33		புஷ்ப கமல் தகால் (1954–) முதன் முறை	18 ஆகஸ்டு 2008	25 மே 2009	280	நேபாள கம்யுனிஸ்ட் கட்சி (மாவோயிஸ்ட்)	2008 பிரசந்தாவின் அமைச்சரவை
	34		மாதவ் குமார் நேபாள் (1953–)	25 மே 2009	6 பிப்ரவரி 2011	622	நேபாள கம்யுனிஸ்ட் கட்சி (மார்க்சிஸ்ட்-லெனினிஸ்ட் ஒன்றியம்)	2009 மாதவ்குமாரின் அமைச்சரவை
	35		சாலா நாத் கனால் (1950–)	6 பிப்ரவரி 2011	29 ஆகஸ்டு 2011	204	நேபாள கம்யுனிஸ்ட் கட்சி (மார்க்சிஸ்ட்-லெனினிஸ்ட் ஒன்றியம்)	2011 கனால் அமைச்சரவை
	36		பாபுராம் பட்டாராய் (1954–)	29 ஆகஸ்டு 2011	14 மார்ச் 2013	563	நேபாள கம்யுனிஸ்ட் கட்சி (மாவோயிஸ்ட்)	2011 பாபுராம் பட்டாராய் அமைச்சரவை
	—		கில் ராஜ் ரெக்மி (1949–) தற்காலிக பிரதம அமைச்சர்	14 மார்ச் 2013	11 பிப்ரவரி 2014	334	சுயேச்சை	2013 ரெக்மி இடைக்கால அமைச்சரவை
	37		சுசில் கொய்ராலா (1939–2016)	11 பிப்ரவரி 2014	12 அக்டோபர் 2015	608	நேபாளி காங்கிரஸ்	சுசில் கொய்ராலா அமைச்சரவை
	38		கட்க பிரசாத் சர்மா ஒளி (1952–)	12 அக்டோபர் 2015	4 ஆகஸ்டு 2016	297	நேபாள கம்யுனிஸ்ட் கட்சி (மார்க்சிஸ்ட்-லெனினிஸ்ட் ஒன்றியம்)	2015 கே. பி. அமைச்சரவை	வித்யா தேவி பண்டாரி (1. 29 அக்டோபர் 2015-) (2. நேபாள கம்யுனிஸ்ட் கட்சி (மாவோயிஸ்ட்))
	(33)		புஷ்ப கமல் தகால் (1954–) இரண்டாம் முறை	4 ஆகஸ்டு 2016[8][8]	31 மே 2017	300	நேபாள கம்யுனிஸ்ட் கட்சி (மாவோயிஸ்ட்)	2016 புஷ்ப கமல் அமைச்சரவை
	(32)		செர் பகதூர் தேவ்பா (1946–) நான்காம் முறை	7 சூன் 2017[9]	15 பிப்ரவரி 2018	2994	நேபாளி காங்கிரஸ்	2017 செர் பகதூர் தேவ்பா அமைச்சரவை
	38		கட்க பிரசாத் சர்மா ஒளி (1952–)	15 பிப்ரவரி 2018 [10][11]	பதவியில்		நேபாள கம்யுனிஸ்ட் கட்சி (மார்க்சிஸ்ட்-லெனினிஸ்ட் ஒன்றியம்)	2018 கே. பி. ஒளி அமைச்சரவை

இதனையும் காண்க

• 2006 நேபாள சனநாயக இயக்கம்
• நேபாளத்தின் வரலாறு
• நேபாள காலக் கோடுகள்