பாக்யோங்
From Wikipedia, the free encyclopedia
Remove ads
பாக்யோங் (Pakyong), வடகிழக்கு இந்தியாவின் சிக்கிம் மாநிலத்தின் தென்கிழக்கில் உள்ள பாக்யோங் மாவட்டத்தின் நிர்வாகத் தலைமையிடமும், நகராட்சியும் ஆகும். இமயமலையில் அமைந்த இந்நகரம், கடல் மட்டத்திலிருந்து 4646 அடி (1700 மீட்டர்) உயரத்தில் உள்ளது. சிக்கிம் மாநிலத் தலைநகரான கேங்டாக்கிற்கு தெற்கே 24.6 கிலோமீட்டர் தொலைவில் இந்நகரம் உள்ளது. இந்நகரத்தில் பாக்யோங் வானூர்தி நிலையம் அமைந்துள்ளது. இந்நகரத்தில் இந்திய வேளாண் ஆராய்ச்சிக் குழுமத்தின் தேசிய ஆர்க்கிட் மையம் உள்ளது.[3]
Remove ads
போக்குவரத்து
நெடுஞ்சாலைகள்
மேற்கு வங்காளத்தையும், சிக்கிமையும் இணைக்கும் தேசிய நெடுஞ்சாலை 717அ பாக்யோங் நகரம் வழியாகச் செல்கிறது.[4]
தொடருந்து நிலையம்
இதன் அருகே 21 கிலோமீட்டர் தொலைவில் ராங்போ எனும் ஊரில் தொடருந்து நிலையம் உள்ளது.[5]
வானூர்தி நிலையம்
இந்நகரத்தில் பாக்யோங் வானூர்தி நிலையம் உள்ளது.
பண்பாடு
இந்நகரத்தில் நேபாளி மொழி, சிக்கிமிய மொழி, லெப்சா மொழி, திபெத்திய மொழிகள் பேசும் பட்டியல் பழங்குடிகள் பெரும்பான்மையாக உள்ளது. மேலும் ஆங்கிலம் மற்றும் இந்தி மொழிகளும் பேசப்படுகிறது.
மேற்கோள்கள்
Wikiwand - on
Seamless Wikipedia browsing. On steroids.
Remove ads