இமயமலை

இமயமலை
The Himalayas
இமயமலை; The Himalayas
	இமயமலையின் வளைவு: எண்ணாயிரம் மீட்டரை மீறும் மலைகள் (சிவப்பு); சிந்து-கங்கைச் சமவெளி; திபெத்திய பீடபூமி; ஆறுகள் சிந்து, கங்கை, யார்லங் சாங்போ-பிரம்மபுத்திரா; மலைத்தொடரின் இரண்டு நங்கூரங்கள் (மஞ்சள்)
உயர்ந்த புள்ளி
உச்சி	எவரெசுட்டு சிகரம், நேபாளம்/சீனா
உயரம்	8,848.86 m (29,031.7 அடி)
பட்டியல்கள்
ஆள்கூறு	Expression error: Unrecognized punctuation character ",".km 27°59′N 86°55′E
பரிமாணங்கள்
நீளம்	2,400 km (1,500 mi)
பரப்பளவு	595,000 km2 (230,000 sq mi)
புவியியல்
	இமாலய-இந்து குஃசு பகுதி
நாடுகள்	ஆப்கானித்தான்; பூட்டான்; சீனா; இந்தியா; நேபாளம்; பாக்கித்தான்; மியான்மர்;
கண்டம்	ஆசியா
நிலவியல்
மலை பிறப்பு	பனிநிலை
பாறையின் வயது	கிரீத்தேசியக் காலம் முதல் புத்துயிர் காலம்
பாறை வகை	உருமாறிய; படிவுப் பாறை;

இமயமலை (Himalayas) என்பது இந்தியத் துணைக்கண்டத்தின் சமவெளியையும் திபெத்திய மேட்டு நிலத்தையும் பிரிக்கும் ஒரு மலைத்தொடர் ஆன இது ஆசியாவில் அமைந்துள்ளது.

விரைவான உண்மைகள் இமயமலை The Himalayas, உயர்ந்த புள்ளி ...

உலகிலேயே மிகப்பெரியதும், மிகவுயர்ந்ததுமான மலைத்தொடர் இமயமலைத் தொடர்தான். இமயமலைத்தொடர் உலகின் சில மிக உயர்ந்த சிகரங்களின் இருப்பிடமாகும். இதில் எவரெசுட்டு சிகரமும் ஒன்றாகும். எப்பொழுதும் உறைபனி மூடி இருக்கும். இந்திய துணைக்கண்டத்தின் வட எல்லையாக அமைந்துள்ளது. இது மேற்கே காசுமீர்-சிங்காங் பகுதி முதல் கிழக்கே திபெத்-அருணாசல பிரதேசம் பகுதி வரை நீண்டு இருக்கிறது. இமயமலைத்தொடரில் நூற்றுக்கு மேற்பட்ட சிகரங்கள் உள்ளன. இதில் சிலவற்றின் உயரம் 7200 மீட்டருக்கு மேலாகும். இதற்கு மாறாக, ஆசியாவுக்கு வெளியே உள்ள மிகப்பெரிய சிகரம் அக்கோன்காகுவா அன்டேசு மலைத்தொடரில் உள்ளது. இதன் உயரம் 6961 மீட்டராகும்.^[3]

மூன்று இணையான உப தொடர்களைக் கொண்டுள்ள இது ஐந்து நாடுகளில் பரவியுள்ளது.பூடான், இந்தியா, நேபாளம், சீனா மற்றும் பாக்கித்தான் என்பனவான அவற்றில் முதல் மூன்று நாடுகளில் அதிகமான மலைத்தொடர் பரவியுள்ளது.^[4] இமயமலையின் வடக்கே திபத்திய பீடபூமியையும், வடமேற்கே காரகோரம் மற்றும் இந்து குஃசு மலைத்தொடரையும் தெற்கே சிந்து-கங்கை சமவெளியையும் எல்லையாகக் கொண்டுள்ளது. உலகின் சில பெரிய நதிகளான சிந்து, கங்கை, மற்றும் பிரமபுத்திரா உற்பத்தியாகிறது. இந்நதிகளின் மொத்த வடிகால் 60 கோடி மக்களின் இருப்பிடமாகும். இமயமலை தெற்காசிய மக்களின் கலாச்சாரத்தை வடிவமைத்துள்ளது. இமயமலையில் உள்ள பல சிகரங்கள் இந்து மற்றும் புத்த மதங்களில் புனிதமாகக் கருதப்படுகிறது.

இமயமலை மேற்கு-வடமேற்கு பகுதியிலிருந்து கிழக்கு-வடகிழக்கு பகுதிவரை 2400 கிலோமீட்டர் வட்டவில்லாக அமைந்துள்ளது. இதன் மேற்கில் உயர்ந்த சிகரம் நங்கா பர்பத் சிந்து நதியின் வடக்கு வளைவில் அமைந்துள்ளது, இதன் கிழக்கில் உயர்ந்த சிகரம் நமுசா பருவா பரமபுத்திராவின் பெரிய வளைவில் மேற்கே அமைந்துள்ளது. மலைத்தொடரின் அகலம் மேற்கில் 400 கிலோமீட்டரும் கிழக்கில் 150 கிலோமீட்டரும் ஆகும்.