ரமோன் மக்சேசே விருது

ரமோன் மக்சேசே விருது (Ramon Magsaysay Award) ராக்பெல்லர் சகோதரர்கள் நிதியம் (RBF) பொறுப்பாளர்களால் ஏப்ரல் 1957இல் நிறுவப்பட்டது. பிலிப்பைன்ஸ் அரசின் உடன்பாட்டுடன் அந்நாட்டு அதிபர் மறைந்த ரமோன் மக்சேசே நினைவாகவும், அவரது அரசியல் நேர்மை, மக்கள் சேவை இவற்றை காட்டாக வளரும் நாடுகளில் பரப்பவும் இப்பரிசு ஏற்படுத்தப்பட்டது. இது ஆசியாவின் நோபல் பரிசு என அறியப்படுகிறது.^[1][2][3]

ரமோன் மக்சேசே விருது
விளக்கம்	அரசுப்பணி, பொது சேவை, சமூக தலைமை, தாளியல்,இலக்கியம் மற்றும் மக்கள் தொடர்பு கலை, அமைதி மற்றும் பன்னாட்டு புரிதல் மற்றும் வளரும் தலைமை ஆகிய துறைகளில் தலைசிறந்தவர்களுக்கு பரிசளிக்கப்படுகிறது.
நாடு	பிலிப்பைன்ஸ்
வழங்குபவர்	ரமோன் மக்சேசே விருது அறக்கட்டளை
முதலில் வழங்கப்பட்டது	1958
இணையதளம்	http://www.rmaf.org.ph

ரமன் மக்சேசே

ஒவ்வொரு ஆண்டும் ரமோன் மக்சேசே விருது நிறுவனம் ஆசியாவில் தங்கள் துறையில் சிறந்து விளங்கும் தனிநபர்களுக்கும் நிறுவனங்களுக்கும் பரிசு வழங்கி வருகிறது. ஆறு வகைகளில் இப்பரிசு வழங்கப்படுகிறது:

• அரசுப்பணி
• பொது சேவை
• சமூக தலைமை
• தாளியல்,இலக்கியம் மற்றும் மக்கள் தொடர்பு கலை
• அமைதி மற்றும் பன்னாட்டு புரிதல்
• வளரும் தலைமை

"வளரும் தலைமை" என்ற வகை 2000ஆம் ஆண்டு ஆறாவது பகுப்பாக தொடங்கப்பட்டது. இப்பரிசு "தங்கள் சுற்றுப்புறத்தில் சமூக மாற்றங்களை ஏற்படுத்த சிறப்பாக பணியாற்றிய, ஆனால் வெளியே அதிகம் அறியப்படாத, நாற்பது வயதிற்கு குறைவான தனிநபர்களுக்கு" வழங்கப்படுகிறது.

2008 வரை வழங்கப்பட்டுள்ள 254 விருதுகளில், 49 இந்தியர்களுக்கும், 39 பிலிப்பைன் நாட்டவருக்கும், 23 ஜப்பானியருக்கும் மற்றவை ஆசியாவின் பிற நாட்டினருக்கும் அளிக்கப்பட்டுள்ளது.

பரிசு பெற்ற இந்தியர்கள்

ரமோன் மக்சேசே விருது பெற்ற இந்தியர்கள்:^[4]

1958	வினோபா பாவே
1959	சிந்தாமணி துவாரகநாத் தேஷ்முக்
1961	அமிதாப் சௌத்திரி
1962	அன்னை தெரேசா
1963	வர்கீஸ் குரியன்
1963	தாரா கரோடி
1963	திரிபுவன்தாஸ் படேல்
1964	வெல்த்தி பிசர்
1965	ஜெயபிரகாஷ் நாராயண்
1966	கமலாதேவி சட்டோபாத்தியாயா
1967	சத்யஜித் ராய்
1969	ஏ. டி. ஆரியரத்தினா, இலங்கை
1971	எம். எஸ். சுவாமிநாதன், தமிழ்நாடு
1974	எம். எஸ். சுப்புலட்சுமி, தமிழ்நாடு
1975	பூப்ளி ஜார்ஜ் வர்கிஸ்
1976	ஹென்னிங் ஹால்க் லார்சன்
1977	இலா பட்
1979	மாபெலே அரோலே
1981	கௌர் கிசோர் கோஷ்
1981	பிரமோத் கரண் சேத்தி
1982	காந்தி பிரசாத் பட்
1982	மணிபாய் தேசாய்
1982	அருண் சோரி
1984	ஆர். கே. லட்சுமண்
1985	முரளிதர் தேவதாஸ் ஆப்தே
1989	லெட்சுமி சந்த் ஜெயின்
1991	கே. வி. சுப்பண்ணா
1992	ரவி சங்கர்
1993	பன்னூ ஜெகாங்கீர் கோயாஜி
1994	கிரண் பேடி
1996	பாண்டுரங்க அதவாலே
1996	டி. என். சேஷன்
1997	மகாசுவேதா தேவி
2000	ஜாக்கின் அற்புதம்
2000	அருணா ராய்
2001	ராஜேந்திர சிங்
2002	சந்தீப் பாண்டே
2003	ஜேம்ஸ் மைக்கேல் லிங்டே
2003	சாந்தா சிங்கா
2004	லெட்சுமி நாராயணன் ராம்தாஸ்
2005	வி. சாந்தா
2006	அரவிந்த் கெஜ்ரிவால்
2007	பாலகும்மி சாய்நாத்
2008	மந்தாகினி ஆம்தே
2009	தீப் ஜோஷி
2011	நீலிமா மிஸ்ரா
2011	ஆரிசு ஆண்டே
2012	குழந்தை பிரான்சிசு
2015	சஞ்சய் சதுர்வேதி
2016	டி. எம். கிருஷ்ணா, தமிழ்நாடு[5]
2016	பெஜவாடா வில்சன், கர்நாடகா[5]
2023	இரவி கண்ணன், தமிழ்நாடு[6]