மேற்கு மிட்னாபூர் மாவட்டம்

மேற்கு மிட்னாபூர் மாவட்டம் (West Midnapore district or Paschim Medinipur district) (Pron: pɔʃʧɪm med̪iːniːpur) (Pron: ˌmɪdnəˈpʊə) (Bengali: পশ্চিম মেদিনীপুর জেলা),இந்தியாவின் மேற்கு வங்காளம் மாநிலத்தின் 23 மாவட்டங்களில் ஒன்றாகும். வர்தமான் கோட்டத்தில் அமைந்த 9 மாவட்டங்களில் இம்மாவட்டமும் ஒன்றாகும். இம்மாவட்ட நிர்வாகத் தலைமையிடம் மிட்னாபூர் நகரமாகும். மிட்னாபூர் மாவட்டத்தை நிர்வாக வசதிக்காக 1 சனவரி 2002-இல் இரண்டாக பிரிக்கும் போது மேற்கு மிட்னாபூர் மாவட்டம் உருவானது.

மேற்கு மிட்னாபூர்மாவட்டத்தின் இடஅமைவு மேற்கு வங்காளம்
மாநிலம்	மேற்கு வங்காளம், இந்தியா
நிர்வாக பிரிவுகள்	வர்தமான்
தலைமையகம்	மிட்னாபூர்
பரப்பு	9,368 km2 (3,617 sq mi)
மக்கட்தொகை	5,913,457 (2011)
மக்கள்தொகை அடர்த்தி	631/km2 (1,630/sq mi)
நகர்ப்புற மக்கட்தொகை	11.9%
படிப்பறிவு	78.00%
பாலின விகிதம்	966
மக்களவைத்தொகுதிகள்	4
சட்டமன்ற உறுப்பினர் எண்ணிக்கை	19
முதன்மை நெடுஞ்சாலைகள்	2
சராசரி ஆண்டு மழைபொழிவு	2,111 mm
அதிகாரப்பூர்வ இணையத்தளம்

மேற்கு வங்காளத்தின் கிழக்கில் அமைந்த மேற்கு மிட்னாபூர் மாவட்டம் - எண் 15

9,368 சதுர கிலோ மீட்டர் பரப்பளவு கொண்ட மேற்கு மிட்னாபூர் மாவட்டத்தில் கரக்பூர், மிட்னாபூர் சதர், காட்தல் மற்றும் ஜார்கிராம் என நான்கு உட்கோட்டங்களை கொண்டது. மாவோயிஸ்ட் தீவிரவாதிகளால் பாதிக்கப்படும் இந்திய மாவட்டங்களில் ஒன்றாக மேற்கு மிட்னாபூர் மாவட்டம் அறிவிக்கப்பட்டுள்ளது.^[1]

மாவட்டப் பிரிவினை

4 ஏப்ரல் 2017 அன்று இம்மாவட்டத்தின் மேற்குப் பகுதியான ஜார்கிராம் உட்கோட்டத்தைப் பிரித்து ஜார்கிராம் மாவட்டம் நிறுவப்பட்டது.

மாவட்ட எல்லைகள்

இம்மாவட்டத்தின் வடக்கில், பாங்குரா மாவட்டம் வடகிழக்கில் ஹூக்லி மாவட்டம், கிழக்கில் ஹவுரா மாவட்டம், தென்கிழக்கில் கிழக்கு மிட்னாபூர் மாவட்டம் தென்கிழக்கில் பாலசோர் மாவட்டம், ஒரிசா, தென்மேற்கில் மயூர்பஞ்ச் மாவட்டம், ஒரிசா, மேற்கில் ஜார்கிராம் மாவட்டம் எல்லைகளாகக் கொண்டுள்ளது.

பொருளாதாரம்

வேளாண்மை பொருளாதாரத்தை மட்டுமே நம்பியுள்ள இம்மாவட்டம், மிகவும் பின் தங்கிய மாவட்டங்களில் ஒன்றாக மேற்கு மிட்னாபூர் மாவட்டம் உள்ளது என இந்திய அரசின் பஞ்சாயத்து ராஜ் அமைச்சகம அறிவித்துள்ளது. பின் தங்கிய பகுதிகளுக்க்கான நிதியுதவி வழங்கும் திட்டப்படி, இம்மாவட்டம் இந்திய அரசிடமிருந்து நிதியுதவி பெறும், பதினொன்று மேற்கு வங்காள மாவட்டங்களில் ஒன்றாக உள்ளது. ^[2]

மாவட்ட நிர்வாகம்

வர்தமான் கோட்டத்தில் அமைந்த ஏழு மாவட்டங்களில் ஒன்றாக விளங்கும் மேற்கு மிட்னாபூர் மாவட்டத்தில் கரக்பூர், மிட்னாபூர் சதர் மற்றும் காட்தல் என மூன்று உட்கோட்டங்கள் கொண்டது.

கரக்பூர் உட்கோட்டத்தில், கரக்பூர் நகராட்சி மன்றம் மற்றும் டாண்டன்; I, டாண்டன்; II, பிங்களா, கரக்பூர்; I, சபாங், மோகன்பூர், நாராயணன்கஞ்ச், கேஷியாரி மற்றும் தேப்ரா என பத்து வட்டார வளர்ச்சி அலுவலகங்கள் இயங்குகிறது.

மிட்னாபூர் உட்கோட்டத்தில் மிட்னாபூர் நகராட்சி மற்றும் மிட்னாபூர் சதர், கார்பேட்டா;I, கார்பேட்டா;II, கார்பேட்டா;III, கேஷ்பூர் மற்றும் ஷால்போனி என ஆறு வட்டார வளர்ச்சி அலுவலகங்கள் இயங்குகிறது.

காட்தல் உட்கோட்டத்தில் இராம்ஜிபான்பூர் நகராட்சி, சந்திரகோனா நகராட்சி, கிர்பாய் நகராட்சி, காரார் நகராட்சி மற்றும் காட்தல் நகராட்சி என ஐந்து நகராட்சி மன்றங்களையும் சந்திரகோனா;I,, சந்திரகோனா;II தாஸ்பூர்;I, தாஸ்பூர்;II, காட்தல் என ஐந்து வட்டார வளர்ச்சி அலுவலகங்களையும் கொண்டுள்ளது.

மிட்னாபூர் நகரம் , மேற்கு மிட்னாபூர் மாவட்டத்தின் நிர்வாகத் தலைமையிடமாகும். இம்மாவட்டத்தில் இருபத்து ஒன்று காவல் நிலையங்களும், முப்பது ஊராட்சி ஒன்றியங்களும், ஐந்து நகராட்சி மன்றங்களும் இருநூற்று ஐம்பது ஊராட்சி மன்றங்களும் கொண்டுள்ளது. ^[3][4]

நகரங்கள்

ஜார்கிராம் அரண்மனை

மேற்கு மிட்னாபூர் மாவட்டத்தில் மிட்னாபூர், கரக்பூர், ஜார்கிராம், காட்தல், பேல்தா, சந்திரகோனா, கார்பேட்டா, பாலிசாக், தாண்டன், மோகன்பூர், கோபிவல்லபுரம், நயாகிராம், கெஷியாரி, கேஷ்பூர், நாராயணன்கஞ்ச், சபாங் மற்றும் தாஸ்பூர் நகரங்களைக் கொண்டுள்ளது.

மக்கள் வகைப்பாடு

2011 ஆம் ஆண்டு இந்திய மக்கள் தொகை கணக்கெடுப்பின் படி இம்மாவட்டத்தின் மொத்த மக்கள் தொகை 5,913,457 ஆக உள்ளது. அதில் ஆண்கள் 3,007,885 மற்றும் பெண்கள் 2,905,572 ஆகவும் உள்ளனர். பாலின விகிதம் ஆயிரம் ஆண்களுக்கு பெண்கள் 966 வீதம் உள்ளனர். மக்கள் தொகை அடர்த்தி ஒரு சதுர கிலோ மீட்டரில் 631 பேர் வீதம் வாழ்கின்றனர். இம்மாவட்டத்தின் சராசரி படிப்பறிவு 78.00% ஆகவும், ஆண்களின் படிப்பறிவு 85.26 % ஆகவும், பெண்களின் படிப்பறிவு 70.50% ஆகவும் உள்ளது. ஆறு வயதிற்குட்பட்ட குழந்தைகளின் எண்ணிக்கை 685,012 ஆக உள்ளது.^[5]

சமயம்

இம்மாவட்டத்தில் இந்து சமயத்தவரின் மக்கள்தொகை 5,056,953 ஆகவும், இசுலாமியர் மக்கள்தொகை 620,554 ஆகவும், கிறித்தவ சமயத்தினரின் மக்கள்தொகை 23,287 ஆகவும், பிற சமயத்தவர்களின் மக்கள்தொகை கணிசமாக உள்ளது.

அரசியல்

மக்களவைத் தொகுதிகள்

இம்மாவட்டத்தில் மிட்னாபூர் மக்களவை தொகுதி, காட்தல் மக்களவை தொகுதி, ஜார்கிராம் மக்களவை தொகுதி (பழங்குடி மக்கள் (ST)), ஆரம்பாக் மக்களவை தொகுதி, (பகுதி) என நான்கு மக்களவை தொகுதிகளை கொண்டுள்ளது.

சட்டமன்ற தொகுதிகள்

இம்மாவட்டத்தில் டாண்டன் சட்டமன்ற தொகுதி, நயாகிராம் சட்டமன்ற தொகுதி, கோபிவல்லபபுரம் சட்டமன்ற தொகுதி, ஜார்கிராம் சட்டமன்ற தொகுதி, கேசியாரி சட்டமன்ற தொகுதி, கரக்பூர் சதர் சட்டமன்ற தொகுதி, நாரயண்கர் சட்டமன்ற தொகுதி, சபங் சட்டமன்ற தொகுதி, பிங்களா சட்டமன்ற தொகுதி, கரக்பூர் சட்டமன்ற தொகுதி, தேப்ரா சட்டமன்ற தொகுதி, தாஸ்பூர் சட்டமன்ற தொகுதி, காட்தல் சட்டமன்ற தொகுதி, சந்திரகோனா சட்டமன்ற தொகுதி, கார்பேடா சட்டமன்ற தொகுதி, சல்போனி சட்டமன்ற தொகுதி, கேஷ்பூர் சட்டமன்ற தொகுதி, மிட்னாபூர் சட்டமன்ற தொகுதி மற்றும் பின்பூர் சட்டமன்ற தொகுதி என பதிநான்கு சட்டமன்ற தொகுதிகளை கொண்டுள்ளது.

போக்குவரத்து

இம்மாவட்டத்தின் வழியாக தேசிய நெடுஞ்சாலை 6 மற்றும் தேசிய நெடுஞ்சாலை 60 செல்வதால் நாட்டின் அனைத்து பகுதிகளுடன் இம்மாவட்டம் தரைவழியாக இணைகிறது.

மிட்னாபூர் தொடருந்து நிலையம்^[6] மற்றும் கரக்பூர் தொடருந்து நிலையங்கள் ^[7] நாட்டின் அனைத்து பகுதிகளுடன் இருப்புப் பாதையால் இணைக்கிறது.

இம்மாவட்டத் தலைமையிட நகரமான மிட்னாபூர் நகரத்திலிருந்து 144 கிலோ மீட்டர் தொலைவில் நேதாஜி சுபாசு சந்திரபோசு பன்னாட்டு வானூர்தி நிலையம் அமைந்துள்ளது.

புகழ் பெற்றவர்கள்

• ஈஸ்வர சந்திர வித்யாசாகர்

கல்வி

பல்கலைக்கழகங்கள் & கல்லூரிகள்

• இந்திய தொழில்நுட்பக் கழகம் கரக்பூர்
• அறிவியல் மற்றும் தொழில்நுட்ப நிறுவனம், மேற்குவங்காளம்
• ஜார்கிராம் மன்னர் கல்லூரி
• கரக்பூர் கல்லூரி
• மிட்னாபூர் ஹோமியாபதி மருத்துவக் கல்லூரி
• மிட்னாபூர் சட்டக் கல்லூரி
• மிட்னாபூர் மருத்துவக் கல்லூரி மற்றும் மருத்துவமனை
• வித்தியாசாகர் பல்கலைக்கழகம்

இதனையும் காண்க

• ஜார்கிராம் மாவட்டம்