லியுதேத்தியம்(III) நைட்ரேட்டு
வேதிச் சேர்மம் From Wikipedia, the free encyclopedia
Remove ads
லியுதேத்தியம்(III) நைட்ரேட்டு (Lutetium(III) nitrate) என்பது Lu(NO3)3 என்ற மூலக்கூற்று வாய்ப்பாட்டால் விவரிக்கப்படும் ஒரு கனிம வேதியியல் சேர்மமாகும். லியுதேத்தியமும் நைட்ரிக் அமிலமும் சேர்ந்து இவ்வுப்பு உருவாகிறது. லியுதேத்தியம்(III) நைட்ரேட்டு நிறமற்ற படிகங்களாகும்.[1] தண்ணீரில் இது கரையும். நச்சுத்தன்மை கொண்ட இச்சேர்மம்[2] படிக நீரேற்றுகளாகவும் உருவாகிறது.
Remove ads
தயாரிப்பு
90 பாகை செல்சியசு வெப்பநிலையில் லியுதேத்தியம்(III) ஆக்சைடு நைட்ரிக் அமிலத்தில் கரைந்து லியுதேத்தியம்(III) நைட்ரேட்டு உருவாகிறது.
- Lu2O3 + 6HNO3 --> 2Lu(NO3)3 + 3H2O
எத்தில் அசிட்டேட்டில் கரைக்கப்பட்ட [[நைதரசனீரொட்சைடு|நைட்ரசன் ஈராக்சைடை 77 பாகை செல்சியசு வெப்பநிலையில் லியுதேத்தியம் தனிமத்துடன் சேர்த்து வினைபுரியச் செய்தால் நீரற்ற லியுதேத்தியம்(III) நைட்ரேட்டு கிடைக்கும்:
- Lu + 3N2O4 --> Lu(NO3)3 + 3NO
Remove ads
இயற்பியல் பண்புகள்
லியுதேத்தியம்(III) நைட்ரேட்டு நிறமற்ற நீருறிஞ்சும் படிகங்களாகக் காணப்படுகிறது.
நீர் மற்றும் எத்தனாலில் கரையக்கூடியது.
Lu(NO3)3•nH2O என்ற பொது வாய்பாட்டில் சேர்மத்தின் படிக நீரேற்றுகளாக உருவாகிறது. இங்குள்ள n = 3, 4, 5, 6 என்ற மதிப்புகளை கொண்டதாகும்.[3]
வேதிப் பண்புகள்
நீரேற்றப்பட்ட லியுதேத்தியம்(III) நைட்ரேட்டு வெப்பத்தால் சிதைந்து LuONO3 சேர்மத்தை உருவாக்குகிறது. மேலும் சூடாக்கும்போது இது லியுதேத்தியம் ஆக்சைடாக சிதைகிறது.[4]
அம்மோனியம் புளோரைடுடன் சேர்ந்து அம்மோனியம் அறுபுளோரோலியுதேனேட்டு சேர்மத்தை கொடுக்கிறது.
- Lu(NO3)3 + 6 NH4F --> (NH4)3[LuF6] + 3NH4NO3
பயன்கள்
லியுதேத்தியம்(III) நைட்ரேட்டு உலோக லியுதேத்தியம் தயாரிக்கவும் ஒரு வினையாக்கியாகவும் பயன்படுத்தப்படுகிறது.
சீரொளி படிகங்களின் உற்பத்திக்கான பொருட்களின் ஓர் அங்கமாகவும் லியுதேத்தியம்(III) நைட்ரேட்டு திகழ்கிறது.
மேற்கோள்கள்
Wikiwand - on
Seamless Wikipedia browsing. On steroids.
Remove ads