வருண் சக்கரவர்த்தி

வருண் சக்கரவர்த்தி (Varun Chakravarthy) என்பவர் இந்தியத் துடுப்பாட்ட வீரர்.^[1][2] இவர் பட்டியல் அ போட்டிகளில் தமிழ்நாடு அணி சார்பாக விளையாடினார்.^[3] 2018-19 ஆம் ஆண்டிற்கான அசாரே துடுப்பாட்ட தொடரில் 9 போட்டியில் 22 இலக்குகளை கைப்பற்றினார்.^[4] 2018-2019 ஆம் ஆண்டிற்கான அசாரே துடுப்பாட்டத் தொடரில் நவம்பர் 12, 2018 இல் நடைபெற்ற போட்டியில் முதல் தரத் துடுப்பாட்டப் போட்டிகளில் அறிமுகமானார்.^[5]

வருண் சக்கரவர்த்தி

தனிப்பட்ட தகவல்கள்
முழுப்பெயர்	வருண் சக்கரவர்த்தி வினோத்
பிறப்பு	29 ஆகத்து 1991 (1991-08-29) (அகவை 34) பீதர், கருநாடகம், இந்தியா
மட்டையாட்ட நடை	வலது கை
பந்துவீச்சு நடை	நேர்ச்சுழல்
பங்கு	பந்துவீச்சாளர்
உள்ளூர் அணித் தரவுகள்
ஆண்டுகள்	அணி
2018–தற்போது வரை	தமிழ்நாடு துடுப்பாட்ட அணி
2019	கிங்ஸ் லெவன் பஞ்சாப்
2020	கொல்கத்தா நைட் ரைடர்ஸ்
வாழ்நாள் புள்ளிவிவரங்கள்
போட்டி வகை முதது பஅது இருபது20 ஆட்டங்கள் 1 9 11 ஓட்டங்கள் – 60 8 மட்டையாட்ட சராசரி – 20.00 8.00 100கள்/50கள் – 0/0 0/0 அதியுயர் ஓட்டம் – 32 7* வீசிய பந்துகள் 234 520 258 வீழ்த்தல்கள் 1 22 13 பந்துவீச்சு சராசரி 105.00 16.68 24.38 ஒரு முறையில் 5 வீழ்த்தல்கள் 0 1 1 ஒரு போட்டியில் 10 வீழ்த்தல்கள் 0 0 0 சிறந்த பந்துவீச்சு 1/105 5/38 5/20 பிடிகள்/இலக்கு வீழ்த்தல்கள் 0/– 2/– 3/–
மூலம்: , 26 அக்டோபர், 2020

ஆரம்பகால வாழ்க்கை

இவர், ஆகஸ்ட் 29, 1691 இல் கருநாடகம், பீதரில் வினோத் சக்ரவர்த்தி- மாலினி இணையருக்கு மகனாகப் பிறந்தார். இவரது தந்தை இந்தியத் தொலைத்தொடர்புப் பணியாளர் ஆவார். இவரது தந்தை தமிழர்- மலையாளி ஆவார்.^[6] இவரது தாய்கன்னடராவார்.^[7] இவர் சென்னையில் உள்ள அடையாறில் வளர்ந்தார்.^[6]

உள்ளூர்ப் போட்டிகள்

2018 தமிழ்நாடு பிரீமியர் லீக்கில 9 இலக்குகளை வீழ்த்தி மதுரை பாந்தர்சு முதல் முறையாக கோப்பையினை வெல்ல உதவினார். ^[8] செப்டம்பர் 20, 2018 இல் 2018–19 விஜய் அசாரே கோப்பையில் தமிழ்நாடு அணிக்காக பட்டியல் அ துடுப்பாட்ட அணியில் அறிமுகமானார். ^[9] 9 போட்டிகளில் 22 இலக்குகளைக் கைப்பற்றி அதிக இலக்குகளை வீழ்த்திய தமிழ்நாடு அணி வீர்ரர்கள் பட்டியலில் முதலிடம் பெற்றார். ^[10] நவம்பர் 12, 2018 இல் 2018–19 ரஞ்சிக் கோப்பையில் தமிழ்நாட்டிற்காக முதல் தரத் துடுப்பாட்டப் போட்டிகளில் அறிமுகமானார். ^[11]

இந்தியன் பிரீமியர் லீக்

டிசம்பர், 2018 இல் நடைபெற்ற 2019 இந்தியன் பிரீமியர் லீக் தொடருக்கான வீரர்கள் ஏலத்தில் இவரை 8.4 கோடி ரூபாய் மதிப்பில் கிங்சு இலெவன் பஞ்சாபு அணி ஏலத்தில் எடுத்தது.^[12][13] 2020 ஆம் ஆண்டிற்கான ஏலத்தில் இவர் கொல்கத்தா நைட் ரைடர்ஸ் அணியால் ஏலத்தில் வாங்கப்பட்டார்.^[14] அக்டோபர் 24, 2020 இல் அபுதாபில் நடைபெற்ற போட்டியில் டெல்லி கேப்பிடல்ஸ் அணிக்கு எதிராக இவர் ஐந்து இலக்குகளைக் கைப்பற்றினார்.^[15]

சர்வதேச போட்டிகள்

அக்டோபர் 26,2020 இல் ஆத்திரேலியத் துடுப்பாட்ட அணிக்கு எதிரான பன்னாட்டு இருபது20 போட்டித் தொடருக்கான இந்திய அணியில் இடம்பெற்றதாக அறிவிக்கப்பட்டார்.^[16] காயம் காரணமாக 2020 நவம்பர் 20 இல் அணியில் இருந்து விலகினார். இங்கிலாந்து துடுப்பாட்ட அணியின் இந்தியச் சுற்றுப்பயணத்திற்கான ப இ20 அணியில் இடம் பெற்றார்.^[17]

சூன் 2021 இல் இந்தியத் துடுப்பாட்ட அணியின் இலங்கைச் சுற்றுப்பயணத்திற்கான ஒருநாள் மற்றும் ப இ20 தொடரில் இடம் பெற்றார்.^[18] இலங்கை அணிக்கு எதிராக 2021 சூலை 21 இல் பனாட்டு இருபது20 போட்டியில் அறிமுகமாகி ^[19] தசுன் சானக்கவின் இலக்கினைக் கைப்பற்றினார்.^[20] செப்டம்பர் 2021 இல் 2021 ஐசிசி ஆண்கள் இருபது20 உலகக்கிண்ணத் தொடருக்கான இந்திய அணியில் இடம் பெற்றார்.^[21] மூன்று போட்டிகளில் விளையாடினாலும் இலக்குகளைக் கைப்பற்றாவில்லை.^[22]