விம்கோ நகர் மெற்றோ நிலையம்
From Wikipedia, the free encyclopedia
Remove ads
விம்கோ நகர் மெற்றோ நிலையம் (Wimco Nagar metro station) சென்னை மெற்றோவின் வழித்தடம் 1இல் விரிவாக்கத்தில் உள்ள ஒரு மெற்றோ இரயில் நிலையமாகும். இந்த நிலையம் முதலாம் கட்ட வடக்கு நீட்டிப்பில் உள்ள 9 நிலையங்களில் ஒன்றாகும். மேலும் சென்னை மெற்றோவின் நீலவழித்தடம் சென்னை மெற்றோ) வழியில் உள்ள 26 நிலையங்களில் ஒன்றாகும். இந்த நிலையம் விம்கோ நகர் மற்றும் சென்னையின் வடக்கு புறநகர்ப் பகுதிகளுக்குச் சேவை செய்யும்.
Remove ads
வரலாறு
நிலையம்
விம்கோ நகர் என்பது நீல வழித்தடத்தில் (சென்னை மெற்றோ) அமைந்துள்ள ஒரு மேல்மட்ட மெற்றோ நிலையம். இது கடற்கரையிலிருந்து 600 மீட்டர் தொலைவில் உள்ள திருவெட்டியூர் அருகே அமைந்துள்ளது.
பணிமனை
விம்கோ நகர் மெற்றோ நிலையத்தில் வண்ணாரப்பேட்டை விம்கோ நகருக்கும் இடையில் இயங்கும் இரயில்களைப் பராமரிக்கவும் நிறுத்தவும் ஒரு உயர்ந்த பணிமனையினை கொண்டிருக்கும். இந்தப்பணிமனையில் 16 கோடுகள் இருக்கும். இதில் நிலையத்திற்கான ஒரு சிறிய நிலையம், பயிற்சி வசதி மற்றும் பணிமனை ஊழியர்கள் மற்றும் இரயில் இயக்குநர்களுக்கான பிற வசதிகள் இருக்கும். பணிமனை நிலையம் விம்கோ நகர் உயர்த்தப்பட்ட நிலையத்திலிருந்து தனித்தனியாக உள்ளது. மேலும் விம்கோ நகர் மெற்றோ நிலையத்திலிருந்து ஒரு கிலோமீட்டர் தொலைவில் உள்ளது. இது 15,500 சதுர மீட்டர் பரப்பளவைக் கொண்டிருக்கும் மற்றும் 12 மீட்டர் உயரத்தில் இருக்கும். 1,161 நிலத்தடி அடித்தள தூண் நெடுவரிசையின் மீது அமைக்கப்பட்டுள்ளது. இது 1.8 மீட்டர் தடிமன் கொண்ட கான்கிரீட் அமைப்பின்மீது இணைக்கப்பட்டுள்ளது. இதில் 324 நெடுவரிசைகள் மாறுபட்ட தடிமன் கட்டப்படும். இந்த நெடுவரிசைகளில் நான்கு நிலைகளில் நிறுத்தும் இடம் கட்டப்படும். 600 மீட்டர் இணைப்பு நடைபாதை இந்த வரிகளை விம்கோ நகர் உயர்த்தப்பட்ட நிலையத்தை நோக்கிச் செல்லும் பிரதான பாதையுடன் இணைக்கிறது. பணிமனையினைச் சுற்றி 7.5 மீட்டர் அகலமுள்ள உள்வட்ட சாலை, மழை நீர் வடிகால் மற்றும் 600,000 லிட்டர் (159,000 கேலன்) நீர்த் தொட்டி ஆகியவை அடங்கும். பணிமனைக்கு அருகில் 10,000 சதுர மீட்டர் பரப்பளவு வாகன நிறுத்துவதற்கு ஒதுக்கப்படும். 1,055 சதுர மீட்டர் இரயிலைச் சுத்தப்படுத்தும் தானியங்கி ஆலைத் தவிர, சொத்து மேம்பாட்டுக்கு மூன்று நிலைகள் உள்ளன. மெற்றோவின் அனைத்து 52 இரயில்களையும் கையாள வடிவமைக்கப்பட்ட இந்த டிப்போ 2020 டிசம்பருக்குள் முடிக்கத் திட்டமிடப்பட்டுள்ளது. [1]
உயர்த்தப்பட்ட நிலைய பணிமனையில் கட்டுமான பணிகள் ₹ 2,300 மில்லியன் செலவில் 2018இல் தொடங்கியது. இந்த பணிமனையில் 3.5 ஹெக்டேர் பரப்பளவில் 12 ரயில்களை நிறுத்த ஏற்பாடு செய்யப்பட்டுள்ளது. பணிமனையில் உள்ள மற்ற வசதிகளில் மூன்று ஆய்வுக்குப் பாதைகள், ஒரு அவசர பழுதுபார்க்கும் பாதை மற்றும் ரயில்களைக் கழுவுவதற்கான ஒரு சிறிய பகுதி ஆகியவை அடங்கும். மெற்றோ இரயில் 60 மீட்டர் உயரமுள்ள, 20 மாடிக் கட்டடம் உயர்த்தப்பட்ட பணிமனை நிலையத்திற்கு மேலே குடியிருப்பு அல்லது அலுவலக இடத்திற்காகக் கட்ட திட்டமிட்டுள்ளது. [1]
இணைப்பு
இரயில் சேவை
வண்ணாரப்பேட்டை விம்கோ நகர் இடையிலான மெற்றோ இரயில் பயணச் சேவையினை பொதுமக்கள் பயன்பாட்டிற்கு பிப்ரவரி 14, 2021 அன்று சென்னையில் நடைபெற்ற விழாவில் பாரத பிரதமர் நரேந்திர மோடி துவக்கிவைத்தார்.
- விம்கோ நகர் ரயில் நிலையம்
மேற்கோள்கள்
வெளி இணைப்புகள்
Wikiwand - on
Seamless Wikipedia browsing. On steroids.
Remove ads