ஹன்சா மாவட்டம்

ஹன்சா மாவட்டம் (Hunza District), இந்தியக் காஷ்மீரின் வடக்கில் உள்ள பாகிஸ்தான் ஆக்கிரமிப்பு ஜில்ஜிட்-பால்டிஸ்தான் பகுதியில் உள்ள 14 மாவட்டங்களில் ஒன்றாகும்.^[1] இதன் நிர்வாகத் தலைமையிடம் ஆலியாபாத் நகரம் ஆகும். 2017 பாகிஸ்தான் மக்கள்தொகை கணக்கெடுப்பின்படி 10,109 சதுர கிலோ மீட்டர் பரப்பளவு கொண்ட இம்மாவட்ட மக்கள் தொகை 50,000 ஆகும். ^[2]இம்மாவட்டட மக்கள் புருஷ்சாகி மொழி, ஷீனா மொழி மற்றும் வாக்கி மொழிகள் பேசுகின்றனர்.

ஹன்சா மாவட்டம் ضلع ہنزہ
மாவட்டம்
பாகிஸ்தான் ஆக்கிரமிப்பு ஜில்ஜிட்-பால்டிஸ்தான் வரைபடத்தில் ஹன்சா மாவட்டம் (சிவப்பு நிறத்தில்)
நாடு	பாக்கித்தான்
பிரதேசம்	ஜில்ஜிட்-பால்டிஸ்தான்
தலைமையிடம்	ஆலியாபாத்
அரசு
• வகை	மாவட்டம்
பரப்பளவு
• மொத்தம்	10,109 km2 (3,903 sq mi)
மக்கள்தொகை  (2017)
• மொத்தம்	50,000
தாலுகாக்கள்	2

அமைவிடம்

ஹன்சா மாவட்டத்தின் வடக்கிலும், கிழக்கிலும் சீனாவின் கஷ்கர் பகுதியும், தெற்கில் நாகர் மாவட்டம் மற்றும் சிகார் மாவட்டம், மேற்கில் கீசெர் மாவட்டம், வடமேற்கில் ஆப்கானிஸ்தானின் வக்கான் மாவட்டம் எல்லைகளாகக் கொண்டுள்ளது. இம்மாவட்டத்தில் காரகோரம் மலைத்தொடர்களும், பல கணவாய்களும் கொண்டது.

மாவட்ட நிர்வாகம்

ஹன்சா மாவட்டம் ஆலியாபாத் மற்றும் கோஜல் என இரண்டு தாலுகாக்கள் கொண்டது.