இசுலாமியா கல்லூரி

From Wikipedia, the free encyclopedia

Remove ads


இஸ்லாமிய கல்லூரி (தன்னாட்சி) என்பது தமிழ்நாடு திருப்பத்தூர் மாவட்டம் வாணியம்பாடியில் அமைந்துள்ள பொதுநிலை கல்லூரியாகும். 1919 ஆம் ஆண்டு நிறுவப்பட்ட இக் கல்லூரி, வாணியம்பாடி முஸ்லிம் கல்வி சங்கம் (VMES) என்பவர்களால் பராமரிக்கப்படுகிறது. நூற்றாண்டு பழமையுடைய இந்த கல்வி நிறுவனம், முதலில் 1921-ஆம் ஆண்டில் சென்னைப் பல்கலைக்கழகத்துடன் இணைக்கப்பட்டது. 1946-ஆம் ஆண்டில் இது முழுமையான முதுநிலை கல்லூரியாக வளர்ந்தது. பின்னர், 1974-ஆம் ஆண்டில் முதுகலை பாடத்திட்டங்களை அறிமுகம் செய்தது. 1986-ஆம் ஆண்டு முதல் ஆய்வுக் கூடங்களையும் கொண்டுள்ளது. அக்டோபர் 2002 முதல் இக்கல்லூரி திருவள்ளுவர் பல்கலைக்கழகத்துடன் இணைக்கப்பட்டுள்ளது. கல்வி தொடர்பான இணைப்புகளில் மவுலானா ஆசாத் தேசிய உருது பல்கலைக்கழகம், அலிகர் முஸ்லிம் பல்கலைக்கழகம், மற்றும் இந்தியக் கணக்காளர்களின் நிறுவனம் (ICAI) ஆகியவை உள்ளன.

விரைவான உண்மைகள் உருவாக்கம், Provost ...
Thumb
இஸ்லாமிய கல்லூரி (தன்னாட்சி)
இஸ்லாமிய கல்லூரி (தன்னாட்சி)
வாணியம்பாடியில் அமைந்துள்ள இஸ்லாமிய கல்லூரி (தன்னாட்சி)

இஸ்லாமிய கல்லூரி கலை, வர்த்தகம் மற்றும் அறிவியல் துறைகளில் பட்டப்படிப்புகள் மற்றும் மேல்நிலை படிப்புகளை வழங்குகிறது.

Remove ads

வரலாறு

இஸ்லாமிய கல்லூரி (தன்னாட்சி) என்பது வாணியம்பாடி முஸ்லிம்கள் கல்வி மேம்பாட்டுக்கும், கல்வி ஆர்வத்திற்கும் அர்ப்பணிப்பின் ஒரு முக்கியச் சின்னமாகும். சையத் அஹ்மத் கான் அவர்களின் தீவிரக் கருத்துக்களால் ஊக்கமடைந்து வாணியம்பாடி முஸ்லிம் கல்வி சங்கம் 1901 ஆம் ஆண்டு நிறுவப்பட்டது. இந்த சங்கம் 1905 ஆம் ஆண்டு பதிவு செய்யப்பட்டு, அதன் கீழ் இஸ்லாமிய தொடக்க பள்ளி ஆரம்பிக்கப்பட்டது. 1912 ஆம் ஆண்டில் முழுமையான இஸ்லாமிய உயர்தரப் பள்ளி உருவானது.

1915 ஆம் ஆண்டு, சங்கம் இஸ்லாமிய கல்லூரியை நிறுவ தீர்மானித்து, அதன் அடிக்கல்லைப் மதராசு ஆளுநர் லார்ட் பெண்ட்லாந்த் வைத்தார். முஸ்லிம் பெருந்துணைவோர் நன்கொடைகளால், 1919 ஆம் ஆண்டில் கல்லூரி துவங்கப்பட்டது. 1921 ஆம் ஆண்டு ஜூலை மாதத்தில் அங்கீகாரம் பெற்றது. இப்போதைய கல்லூரி கட்டிடம் சி. அப்துல் ஹகீம் திறந்தார்.

1946 ஆம் ஆண்டில், கல்லூரி இரண்டு வருட பட்டப்படிப்பிற்காக இளங்கலை (பொருளாதாரம்) மற்றும் இளங்கலை (வணிகவியல்) பாடங்களை வழங்கத் தொடங்கியது. 1954 ஆம் ஆண்டு இளங்கலை அறிவியல் (கணிதம்) பாடம் அறிமுகப்படுத்தப்பட்டது. 1956 ஆம் ஆண்டில் முன்-பள்ளி மற்றும் மூன்று வருட பட்டப்படிப்பு பாடங்கள் இளங்கலை, இளங்கலை அறிவியல், மற்றும் இளங்கலை (வணிகவியல்) ஆகியவைக்கு அங்கீகாரம் வழங்கப்பட்டு 1957 இல் அவைத் தொடங்கப்பட்டன.

பல்வேறு பாடநெறிகளுக்கு பல்கலைக்கழகம் வழங்கிய அங்கீகாரம்:

மேலதிகத் தகவல்கள் எண், பட்டப்படிப்பின் பெயர் ...

சமூக தேவைகளுக்கு ஏற்ப, 2005 ஆம் ஆண்டில் இளங்கலை (தொழில்துறை அமைப்பு) பாடத்தை இளங்கலை வணிக நிர்வாகம் என மாற்றப்பட்டது; 2006 ஆம் ஆண்டில் இளங்கலை அறிவியல் (விலங்கியல்) பாடத்தை இளங்கலை அறிவியல் (உயிரித் தொழில்நுட்பம்) என மாற்றப்பட்டது.

கல்லூரி ஆதரவின்றி நடத்தப்படும் பாடங்களுக்கும் அங்கீகாரம் பெற்றுள்ளது:

மேலதிகத் தகவல்கள் எண், பட்டப்படிப்பின் பெயர் ...

மாற்றம் அடைந்த கல்வி சூழலை எதிர்கொண்டு, 2010-11 கல்வியாண்டில் இளங்கலை (வணிகவியல்) மற்றும் இளங்கலை (நிறுவன செயலாளர்) ஆகிய இரு பாடநெறிகள், இளங்கலை (நிதி மற்றும் கணக்குகள்) மற்றும் இளங்கலை (கணினி பயன்பாடுகள்) ஆக மாற்றப்பட்டு மாணவர்களின் வேலை வாய்ப்புகளை மேம்படுத்தியுள்ளதனர்.

1919 இல் சிறிய முறையில் துவங்கிய இக்கல்லூரி தற்போது முழுமையான பட்டமேற்படிப்பு மற்றும் ஆராய்ச்சி நிறுவனமாக வளர்ந்து, புறநகர் மாணவர்களின் கல்வி கனவுகளை நிறைவேற்றுகிறது.

திருவள்ளுவர் பல்கலைக்கழகம் நிறுவப்பட்ட பிறகு 2002–03 கல்வியாண்டிலிருந்து இக்கல்லூரி அதனுடன் இணைக்கப்பட்டுள்ளது. கல்வித் தரத்தை மேம்படுத்துவதற்காக 2008 இல் தன்னாட்சிக்கான விண்ணப்பிக்கப்பட்டு, 2010 மார்ச் மாதம் ஆய்வுக் குழுவின் பரிசீலனையின் பின்னர் தன்னாட்சி வழங்கப்பட்டது. 2010–11 கல்வியாண்டிலிருந்து தன்னாட்சி நடைமுறைப்படுத்தப்பட்டு, 2015–16 ஆண்டில் முதல் கட்டம் வெற்றிகரமாக முடிந்தது. இந்தியக் கல்வி ஆணையம் (UGC) 2016–17 முதல் 2021–22 வரை 6 ஆண்டுகளுக்கான தன்னாட்சி நீட்டிப்பை வழங்கியது.

2013–14 கல்வியாண்டிலிருந்து அலிகார் முஸ்லிம் பல்கலைக்கழகம் உடன் கல்வி ஒத்துழைப்பு ஆரம்பித்து, வேலைவாய்ப்பு மற்றும் கூடுதல் பாடநெறிகளுக்கு விரிவான வாய்ப்புகளை வழங்கியுள்ளது.

கல்லூரியின் நோக்கம், ஆசிரியர்களிலும் மாணவர்களிலும் மற்றும் அவர்களின் வழியாக சமூகத்திலும் "நல்ல வாழ்வு" என்பதற்கான மனப்பான்மைகளையும், மதிப்புகளையும் வளர்ப்பதாகும்.

இஸ்லாமிய கல்லூரி வாணியம்பாடிக்கு இந்தியக் கல்வி வரைபடத்தில் பிரபலமான இடத்தை பெற்றுத்தந்துள்ளது, அனைத்து சமுதாய உறுப்பினர்களுக்கும் திறந்த வாயிலாக இருந்து வருகிறது.

Remove ads

பார்வையும் பணி நோக்கமும்

பார்வை

  • ஏழைகள், பின்தங்கியோர் மற்றும் சிறுபான்மையினர் மாணவர்களுக்கு தரமான, தொடர்புடைய கல்வியை வழங்கி சமூக முன்னேற்றத்திற்கு மற்றும் நாட்டின் வளர்ச்சிக்காக பங்களிப்பது.

பணி நோக்கம்

  • உயர்கல்வி மற்றும் ஆராய்ச்சிக்கான அதிகமான மற்றும் சிறந்த வாய்ப்புகளை உருவாக்குதல்.
  • சமுதாய மற்றும் தொழிற்துறை தேவைகளுக்கு ஏற்ப பாடநெறிகளை விரிவுபடுத்தி அவற்றை நவீன காலத்துக்கு பொருந்தும் வகையில் மாற்றுதல்.
  • கலை மற்றும் அறிவியல் துறைகளை நவீன தொழில்நுட்ப முன்னேற்றங்களுடனும் புதிய திட்டங்களுடனும் ஒருங்கிணைத்தல்.
Remove ads

துறைப்பிரிவுகள்

அறிவியல்

  • இயற்பியல்
  • வேதியியல்
  • கணிதம்
  • உயிர்வேதியியல்
  • உயிர்தொழில்நுட்பம்
  • கணினி அறிவியல்

கலை மற்றும் வணிகவியல்

  • உருது மற்றும் அரபு
  • ஹிந்தி
  • தமிழ்
  • ஆங்கிலம்
  • வரலாறு
  • தொழில்நிறுவன நிர்வாகம்
  • வணிகவியல் - பொது
  • வணிகவியல் - நிதி மற்றும் கணக்கியல்
  • வணிகவியல் - கணினி பயன்பாடுகள்

மற்றவை

  • கணினி பயன்பாடுகள் மற்றும் தரவியல் அறிவியல் (BCA & Data Science)
  • உடற்கல்வி

தர மதிப்பீடு

இந்தக் கல்லூரி இந்தியப் பல்கலைக்கழக மானியக்குழுவால் அங்கீகரிக்கப்பட்டது.

இந்தக் கல்லூரி, பெங்களூருவில் அமைந்துள்ள தேசிய மதிப்பீடு மற்றும் மாண்பீட்டுக் கழகம் (NAAC) மூலம் மீளாய்வுப் பெற்றது. மூன்றாவது சுற்றுக்கான மதிப்பீட்டில், 'A++' தரம் பெறப்பட்டுள்ளது, மேலும் 4-இல் 3.55 CGPA பெற்று உயர்ந்த தரமடையப்பட்டது. இம்மாண்பீடு ஏழு ஆண்டுகளுக்கு செல்லுபடியாகும்: 21 மார்ச் 2024 முதல் 20 மார்ச் 2031 வரை.

இந்தியப் பல்கலைக்கழக மானியக்குழு இந்தக் கல்லூரிக்கு தன்னாட்சி இடைநிறுத்தமின்றி மேலும் பத்து ஆண்டுகளுக்கு (2022–23 கல்வியாண்டிலிருந்து 2031–32 வரையிலான காலத்திற்கு) நீட்டித்துள்ளது.

Remove ads

இக்கல்லூரியுடன் தொடர்புடையவர்கள்

மேற்கோள்கள்

  • "Welcome to Islamiah College (Autonomous) - Vaniyambadi". islamiahcollege.edu.in. Retrieved 2017-09-24.
  • http://www.islamiahcollege.in/csdept


Loading related searches...

Wikiwand - on

Seamless Wikipedia browsing. On steroids.

Remove ads
Remove ads