பண்டைய எகிப்தின் எட்டாம் வம்சத்தினர் (Eighth Dynasty -Dynasty VIII) பழைய எகிப்திய இராச்சியத்தை கிமு 2181 முதல் கிமு 2161 முடிய 20 ஆண்டுகள் மட்டுமே, மெம்பிஸ்சை தலைநகராகக் கொண்டு ஆண்டனர். இவ்வம்சத்தினர் ஆட்சியின் துவக்கத்தில், அரசியல் குழப்பங்களால் எகிப்தின் முதல் இடைநிலைக் காலம் நிலவத் துவங்கியது. இதனால் பழைய எகிப்து இராச்சியம் முடிவிற்கு வந்ததது. இவ்வம்சத்தவர்களுடன், ஏழாம் வம்சத்தவர்கள் மேல் எகிப்து மற்றும் கீழ் எகிப்தை தனித்தனியாகப் பிரித்துக் கொண்டு ஒரே நேரத்தில் ஆண்டனர்.

விரைவான உண்மைகள் எகிப்தின் முதல் இடைநிலைக் காலம் எட்டாம் வம்சம், தலைநகரம் ...

எகிப்தின் முதல் இடைநிலைக் காலம் எட்டாம் வம்சம்
கிமு 2181–கிமு 2160
தலைநகரம்	மெம்பிசு
பேசப்படும் மொழிகள்	எகிப்திய மொழி
சமயம்	பண்டைய எகிப்திய சமயம்
அரசாங்கம்	முடியாட்சி
வரலாற்று சகாப்தம்	வெண்கலக் காலம்
• தொடக்கம்	கிமு 2181
• முடிவு	கிமு 2160
முந்தையது பின்னையது [[எகிப்தின் ஏழாம் வம்சம்]] [[எகிப்தின் ஒன்பதாம் வம்சம்]]

மூடு

எட்டாம் வம்சத்தவர்கள் ஆட்சியில் பண்டைய எகிப்து இராச்சிம் மாகாணங்களாகப் பிரிக்கப்பட்டு, நொமார்க் (nomarch) எனும் ஆளுநர்களால் ஆளப்பட்டது. இதனால் நிலப்பிரத்துவம் முறை நடைமுறைப்படுத்தப்படது. இதனால் பார்வோன்களுக்கும், அதிகாரம் மிக்க ஆளுநர்களுக்கும் இடையே நெருங்கிய தொடர்பு ஏற்பட்டது. ஆளுநர்கள் மற்றும் நிலப்பிரபுகளின் கை ஓங்கியது.

எட்டாம் வம்ச பார்வோனை, அதிகாரம் மிக்க கோப்டோஸ் மாகாண அளுநர், கிமு 2161-இல் எட்டாம் வம்ச பார்வோனை அரியணையிலிருந்து விரட்டியடித்து, தான் எகிப்தின் பார்வோனாக முடிசூட்டுக் கொண்டு ஒன்பதாம் வம்சத்தை நிறுவினான்.