கடவுளின் தாய் தேவாலயம், வெட்டுக்காடு

கடவுளின் தாய் தேவாலயம் (போர்த்துக்கேய மொழி / இலத்தீன் மொழியில் Madre de Deus Church கடவுளின் தாய் தேவாலயம்) என்று அழைக்கப்படும் கத்தோலிக்க திருச்சபையானது, இந்தியாவில் கேரள மாநிலத்தில் திருவனந்தபுரம் மாவட்டத்தில் உள்ள வெட்டுக்காடு எனும் இடத்தில் அமைந்துள்ள ஒரு தேவாலயம் ஆகும்.^[1]

கடவுளின் தாய் தேவாலயம்
கடவுளின் தாய் தேவாலயம்
8.49418°N 76.90021°E / 8.49418; 76.90021
நாடு	இந்தியா
சமயப் பிரிவு	கத்தோலிக்க திருச்சபை
வலைத்தளம்	vettucaudchurch.com

வரலாறு

இந்த தேவாலயம் சுமார் 500 ஆண்டுகள் பழமையானது.^[1] இந்த தேவாலயம் 2010 முதல் 2017 வரை புதுப்பிக்கப்பட்டு,^[2] எட்டு வருட சீரமைப்புக்குப் பிறகு 2018 சனவரி 31 அன்று லத்தீன் கத்தோலிக்க பேராயர் சூசா பாக்கியம் மீண்டும் திறந்து வைத்தார்.^[3]

திருவிழா

இந்த தேவாலயத்தில் ஒவ்வொரு வருடமும் நவம்பர் மாதத்தில் பத்து நாட்கள் திருவிழா நடைபெறுகிறது. இதில் இலட்சக்கணக்கான பக்தர்கள் கலந்து கொள்கிறார்கள்.^[4] பிற மதத்தைச் சேர்ந்தவர்களும் இந்த தேவாலயத்திற்கு வருகிறார்கள்.^[5]

நவம்பர் மாத பண்டிகையின் போது வெட்டுக்காடு, கடவுளின் தாய் தேவாலயத்தின் தோற்றம்

அமைவிடம்

திருவனந்தபுரம் சர்வதேச விமான நிலையத்திலிருந்து 3 கி.மீ. தொலைவிலும், திருவனந்தபுரம் மத்திய இரயில் நிலையத்திலிருந்து 7 கி.மீ. தொலைவிலும், கொச்சுவேலி இரயில் நிலையத்திலிருந்து 2 கி.மீ. தொலைவிலும் அமைந்துள்ளது.^[6]