கன்னியாகுமரி அரசு மருத்துவக் கல்லூரி
இந்தியாவின் தமிழ்நாட்டில் அமைந்துள்ளது. From Wikipedia, the free encyclopedia
Remove ads
கன்னியாகுமரி அரசு மருத்துவக் கல்லூரி (Kanyakumari Government Medical College) தமிழ்நாட்டில் அமைந்திருக்கும் அரசு மருத்துவக் கல்லூரிகளில் ஒன்று ஆகும். இந்திய மருத்துவக் கழகத்தால் அங்கீகரிக்கப்பட்டுள்ள இக்கல்லூரி [1] தமிழ்நாடு டாக்டர். எம்.ஜி.ஆர். மருத்துவப் பல்கலைக்கழகத்துடன் இணைக்கப்பட்டுள்ளது. கன்னியாகுமரி மாவட்டம் நாகர்கோவிலில் உள்ள ஆசாரிபள்ளம் என்ற இடத்தில் இக்கல்லூரி அமைந்துள்ளது. [2]கன்னியாகுமரி மாவட்டம் மற்றும் அதன் அருகில் உள்ள பகுதிகளில் உள்ள துவக்க மற்றும் இரண்டாம் நிலை மருத்துவமனைகளிலிருந்து பரிந்துரைக்கப்படும் நோயாளிகளுக்கு சிறப்பு சிகிச்சை வழங்கும் மருத்துவமனையாக இது இயங்குகிறது.
Remove ads
வரலாறு
கன்னியாகுமரி மாவட்டம், நாகர்கோவிலில் உள்ள ஆசாரிபள்ளம் பகுதியில் அமைந்திருந்த அரசு காசநோய் மருத்துவமனை அரசு மருத்துவக் கல்லூரி அமைக்கப்படுவதற்கு உரிய தளமாக தேர்வு செய்யப்பட்டது. மருத்துவ கல்லூரியும் மருத்துவமனையும் ஒரே வளாகத்தில் இருக்கவேண்டும் என்ற இந்திய மருத்துவக் கழகத்தின் அறிவுறுத்தலுக்கு உட்பட்டு இக்கல்லூரியானது நிறுவப்பட்டது. 500 படுக்கைகள் கொண்ட மருத்துவமனையாக இம்மருத்துவமனை இயங்கி வருகிறது. முதல் ஆண்டு மருத்துவப் படிப்பு இங்கு 2004 ஆம் ஆண்டில் தொடங்கப்பட்டது. ஏறக்குறைய 500 மருத்துவ மாணவர்களும் பல மருத்துவ உதவியாளர் பயிற்சி மாணவர்களும் எந்த நேரத்திலும் இந்த நிறுவனத்தில் பயிற்சி பெற்று வருகின்றனர். எதிர்காலத்தில் புற்றுநோய் சிகிச்சையும் இங்கு மேற்கொள்ளப்படும்.[3][4]
Remove ads
மருத்துவமனை
பல சிறப்பு மிக்க அரசு மருத்துவமனை ஆண்டு முழுவதும் 24 மணி நேரமும் பொதுமக்களுக்கு திறந்திருக்கும். மாவட்டத்தின் மூன்றாம் நிலை பராமரிப்பு மையமாக செயல்படுகிறது. மருத்துவமனையில் பல தொகுதிகள் உள்ளன. வெளிநோயாளிகள் பிரிவுக்கு தினமும் அதிக அளவில் மக்கள் வந்து செல்கின்றனர். பல சிறப்பு மிக்க வெளிநோயாளிகள் பிரிவுக்காக அர்ப்பணிக்கப்பட்ட பாரம்பரிய பிரிவு மத்திய பூங்காவிற்குப் பின்னால் அமைந்துள்ளது. வெளிநோயாளிகள் பிரிவுக்கு பின்னால் இரண்டு பெரிய உள்நோயாளிகள் பிரிவு உள்ளன. பிரதான தொகுதியானது மகளிர் மருத்துவம் மற்றும் மகப்பேறு மருத்துவம், குழந்தை மருத்துவம், எலும்பியல், காது, மூக்கு மற்றும் தொண்டை மருத்து பிரிவு, புற்றுநோய்க்கான வார்டுகளைக் கொண்டுள்ளது மற்றும் 24 மணி நேர ஆய்வகத்துடன் இரண்டு அறுவை சிகிச்சை பிரிவுகள் கொண்டுள்ளது. சி டி மற்றும் எம் ஆர் ஐ ஸ்கேன் வசதிகள் அடித்தளத்தில் உள்ளன. கூடுதல் கட்டிடத்தில் மருத்துவ மற்றும் அறுவை சிகிச்சை பிரிவுகள் அவற்றின் தீவிர சிகிச்சை பிரிவுகளைக் கொண்டுள்ளன. இது கதிரியக்கவியல் மற்றும் மயக்க மருந்து துறைகளையும் கொண்டுள்ளது. கூடுதல் கட்டிடத்தில் சமீபத்திய கருவிகளுடன் மூன்று ஆபரேஷன் தியேட்டர்கள் உள்ளன. எக்ஸ் கதிர்கள் எக்ஸ் கதிர்கள், மீயொலி நோட்டம், மின் ஒலி இதய வரைவு, நுரையீரல் ஊடு சோதிப்பு, மூளைமின்னலை வரவு கண்டறியும் வசதிகள் தரை தளத்தில் உள்ளன.
மருத்துவமனை அதன் சொந்த அறுவை சிகிச்சை அரங்குடன் கண் மருத்துவத்திற்காக ஒரு பிரத்யேக வார்டுகளைக் கொண்டுள்ளது. விபத்து மற்றும் அவசர சிகிச்சை பிரிவுகளுக்கான தனித் தொகுதிகள், நெஞ்சுக்கூடு சார்ந்த மருந்து வார்டு, தோல் மருத்துவம், மனநோய், அழுகச் செய்கிற , இரைப்பை குடல் நோய், தனிமைப்படுத்தல், எச்.ஐ.வி/எய்ட்ஸ் மேலாண்மை மையம், திருத்தப்பட்ட தேசிய காசநோய் கட்டுப்பாட்டு திட்டம் மையம், ரத்த வங்கி ஆகியவை பரந்த வளாகத்திற்குள் உள்ளன.
24 மணி நேர காவல் நிலையம் வளாகத்திற்குள் ஒரு பிணவறையுடன் உள்ளது. மருந்துகள் மருந்தகம் பின்புற வாயிலுக்கு அருகில் அமைந்துள்ளது
Remove ads
கற்பிக்கப்படும் பாடங்கள்
ஆண்டிற்கு மருத்துவப் பட்டப்படிப்பில் 100 இளநிலை மருத்துவ மாணவர் சேர்க்கைகளுக்கான இடங்களைக் கொண்ட இக்கல்லூரியில், மருத்துவம் சார்ந்த பல்வேறு பட்டயப்படிப்புகளும் வழங்கப்படுகின்றன.[5]
கல்லூரியில் 5.5 ஆண்டு இளநிலை மருத்துவம் மற்றும் அறுவையியல் (MBBS) பட்டம், அத்துடன் டிப்ளமோ செவிலியர் (GNM), டிப்ளமோ மருத்துவம், டிப்ளமோ ஆய்வகம் தொழில்நுட்பம் (DMLT), 4 ஆண்டு பட்டப்படிப்பு சிறுநீரக டயாலிசிஸ் தொழில்நுட்பத்தில் இளங்கலை அறிவியல் (B.Sc Paramedical). (2018 முதல்) 2018 -2019 ஆம் ஆண்டில் முதுகலை படிப்புகள் தொடங்கப்பட்டுள்ளன.
கல்லூரி பொது மருத்துவத்தில் முதுகலை படிப்புகளை வழங்குகிறது. பொது அறுவை சிகிச்சை, மயக்க மருந்து, மகப்பேறியல் மற்றும் மகளிர் மருத்துவம், குழந்தை மருத்துவம், எலும்பியல், அவசர மருத்துவம், கண் மருத்துவம் மற்றும் தலை & கழுத்து மருத்துவம்.
இணைக்கப்பட்டுள்ள ஆரம்ப சுகாதார நிலையங்கள்
இந்த மருத்துவக் கல்லூரியுடன் கீழ்கண்ட ஆரம்ப சுகாதார நிலையங்கள் இணைக்கப்பட்டுள்ளன.
- இராஜாக்கமங்கலம் துறை மேம்படுத்தப்பட்ட ஆரம்ப சுகாதார நிலையம்
- செண்பகராமன் புதூர் மேம்படுத்தப்பட்ட ஆரம்ப சுகாதார நிலையம்
- வட்டவிளை நகர்ப்புற சுகாதார நிலையம்
- கோதநல்லூர் மேம்படுத்தபட்ட ஆரம்ப சுகாதார நிலையம்
மேற்கோள்கள்
Wikiwand - on
Seamless Wikipedia browsing. On steroids.
Remove ads