கோட்கி மாவட்டம்
From Wikipedia, the free encyclopedia
Remove ads
கோட்கி மாவட்டம் (Ghotki District), பாக்கித்தான் நாட்டின் தெற்கில் உள்ள சிந்து மாகாணத்தின் 30 மாவட்டங்களில் ஒன்றாகும். சிந்து மாகாணத்தின் வடகிழக்கில் அமைந்த கைர்பூர் கோட்டத்தில் இம்மாவட்டம் உள்ளது. இம்மாவட்டத்தின் நிர்வாகத் தலைமையிடம் மிர்பூர் மாதேலோ நகரம் ஆகும். நகரமானது, சிந்து மாகாணத் தலைநகரான கராச்சிக்கு வடகிழக்கில் 540 கிலோமீட்டர் தொலைவிலும்; நாட்டின் தலைநகரான இசுலாமாபாத்துக்கு தென்மேற்கே 896 கிலோமீட்டர் தொலைவிலும் அமைந்துள்ளது. இம்மாவட்டம் சிந்துவின் தார் பாலைவனத்தில் உள்ளது. இம்மாவட்டத்தின் வடக்கிலிருந்து தெற்காக சிந்து ஆறு 87 கிலோமீட்டர் நீளத்திற்கு பாய்கிறது.
Remove ads
மாவட்ட நிர்வாகம்
கோட்கி மாவட்டம் 5 வருவாய் வட்டங்களைக் கொண்டுள்ளது. அவைகள் பின்வருமாறு:
மக்கள் தொகை பரம்பல்
2023 பாக்கித்தான் மக்கள்தொகை கணக்கெடுப்பின்படி 331,046 குடியிருப்புகள் கொண்ட இம்மாவட்ட மக்கள் தொகை 1,772,609 ஆகும்[5]. பாலின விகிதம் 100 பெண்களுக்கு 107.99 ஆண்கள் வீதம் உள்ளனர்[1][6]. இதன் சராசரி எழுத்தறிவு 41.38% ஆகும். இதன் மக்கள் தொகையில் 10 வயதிற்குட்பட்ட குழந்தைகள் 564,246 (32.05%) ஆக உள்ளனர்.[7]நகர்புறங்களில் 379,382 (21.40%) மக்கள் வாழ்கின்றனர்.[1]
சமயம்
இம்மாவட்ட மக்கள் தொகையில் இசுலாம் சமயத்தை 93.35% மக்களும், இந்து சமயத்தை 6.35% மக்களும், கிறித்துவம் போன்ற சிறுபான்மைச் சமயங்களை 0.3% மக்களும் பின்பற்றுகின்றனர்.[8]இம்மாவட்டத்தின் மிர்பூர் மாதேலோ வட்டத்தில் சாதானி தர்பார் எனும் இந்துக் கோயில் உள்ளது.[9][10]
மொழி
இம்மாவட்ட மக்கள் தொகையில் சிந்தி மொழியை 95.79% மக்களும், உருது மொழியை 1.79%% மக்களும் பேசுகின்றனர்.[11]
Remove ads
இதனையும் காண்க
மேற்கோள்கள்
Wikiwand - on
Seamless Wikipedia browsing. On steroids.
Remove ads