ஜிம் கவீசல்

ஜேம்சு பாட்ரிக் கவீசல் ^[1] (செப்டம்பர் 26, 1968-இல் பிறந்தவர் -- James Patrick Caviezel) ஒரு அமெரிக்க நடிகராவார். கவீசல் மெல் கிப்சனின் த பேசன் ஆப் த கிறைஸ்ட் (2004) என்ற படத்தில் இயேசு கிறிஸ்துவை சித்தரித்தார்; பெர்சன் ஆவ் இன்டரெஸ்டு என்ற அறிவியல் புனைகதை குற்ற நாடகத் தொடரில் ஜான் ரீசாக நடித்தார். ^[2]

ஜிம் கவீசல்
2013ம் ஆண்டில் கவீசல்
பிறப்பு	ஜேம்சு பாட்ரிக் கவீசல் செப்டம்பர் 26, 1968 (1968-09-26) (அகவை 57) வாசிங்டன் மாநிலம்
பணி	நடிகர்
செயற்பாட்டுக் காலம்	1991 முதல் தற்போது வரை
வாழ்க்கைத் துணை	கெரி புரோவிட் (தி. 1996)
பிள்ளைகள்	3
வலைத்தளம்
jimcaviezel.us

வாழ்வும் தொழிலும்

ஆரம்ப கால வாழ்க்கை

கவீசல் வாசிங்டன் மாநிலத்தில் மவுண்ட் வெர்னான் என்ற இடத்தில் மார்கரெட்-ஜேம்சு கவீசல் தம்பதிக்குப் பிறந்தார் ^[3]. அவருக்கு ஒரு தம்பியும் மூன்று சகோதரிகளும் உள்ளனர். அவரது தந்தை சிலோவாக்கிய-சுவிசு குடிப்பிறப்பையும் அவரது தாயார் ஐரிசு குடிப்பிறப்பையும் கொண்டவர்.

தொழில்

முதலில் கவீசல் சியாட்டில் நகரத்தில் நாடகங்களில் நடிக்கத் தொடங்கினார். 1991ஆம் ஆண்டில் மை ஓன் பிரைவேட் ஐடகோ என்ற திரைப்படத்தில் ஒரு சிறிய வேடத்தில் நடித்தார். அதன் பிறகு லாஸ் ஏஞ்சலஸ் நகரத்திற்குச் சென்றார். 1998ஆம் ஆண்டில் அவர் நடித்த த தின் ரெட் லைன் என்ற படம் அவருக்கு திருப்புமுனையாக அமைந்தது. 2000ஆம் ஆண்டில் மாடிசன் என்ற திரைப்படத்தில் முன்னணி கதாபாத்திரத்தில் நடித்தார்; ஆனால் 2005ஆம் ஆண்டு வரை இப்படம் வெளியாகவில்லை.

நடித்த பாத்திரங்களின் பட்டியல்

ஜிம் 34 திரைப்படங்களிலும் 5 தொலைக்காட்சி நாடகத் தொடர்களிலும் நடித்துள்ளார்; இது தவிர, 4 ஆவணப்படங்களில் கதை கூறுபவராகவும் செயல்பட்டுள்ளார்.

தொலைக்காட்சித் தொடர்கள்

Year	Title[4]	Role	Notes
1992	தி வொண்டர் இயற்சு	பாபி ரிடில்	அத்தியாயம்: "கீரோ"
1995	மர்டர், சீ ரோட்	டேரில் ஆர்டிங்கு	அத்தியாயம் "பிலிம் பிலாம்"
1995	சில்டிரன் ஆவ் த டஸ்டு	டெக்ஸ்டர்	குறுந்தொடர்
2009	தி பிரிசனர்	மைக்கேல் / சிக்சு	குறுந்தொடர்
2011–2016	பெர்சன் ஆப் இன்ட்ரெஸ்ட் (தொலைக்காட்சித் தொடர்)	ஜான் ரீசு	103 அத்தியாயங்கள் நியமிக்கப்பட்டார் – 40வது மக்கள் தேர்வு விருதுகளுக்கு (2014, 2015)