தாமான் வாயூ கொமுட்டர் நிலையம்

தாமான் வாயூ கொமுட்டர் நிலையம் (ஆங்கிலம்: Taman Wahyu Komuter Station; மலாய்: Stesen Komuter Taman Wahyu) என்பது மலேசியா, சிலாங்கூர், கோம்பாக் மாவட்டம் (Gombak District), தாமான் வாயூ வீடுமனைகள் அமைந்துள்ள புறநகர்ப் பகுதியில் உள்ள ஒரு கொமுட்டர் நிலையமாகும்.

தாமான் வாயூ
KC03   PY13  | கொமுட்டர் Taman Wahyu Komuter Station
தாமான் வாயூ கொமுட்டர் நிலையம்
பொது தகவல்கள்
அமைவிடம்	தாமான் வாயூ, கோம்பாக் கோலாலம்பூர்
ஆள்கூறுகள்	3°12′52″N 101°40′20″E
உரிமம்	தொடருந்து சொத்துரிமை
தடங்கள்	பத்துமலை-புலாவ் செபாங் வழித்தடம்  மேற்கு கடற்கரை
நடைமேடை	2 பக்க நடைமேடை
இருப்புப் பாதைகள்	2
கட்டமைப்பு
தரிப்பிடம்	உண்டு
துவிச்சக்கர வண்டி வசதிகள்	உண்டு
மாற்றுத்திறனாளி அணுகல்	உண்டு
மற்ற தகவல்கள்
நிலையக் குறியீடு	KC04
வரலாறு
திறக்கப்பட்டது	1905
மறுநிர்மாணம்	ஏப்ரல் 2010
மின்சாரமயம்	2009 - 2010
சேவைகள்
முந்தைய நிலையம்   கேடிஎம் கொமுட்டர்   அடுத்த நிலையம்     பத்துமலை (தொடக்கம்)   சிரம்பான் வழித்தடம்   பத்து தம்பின்

இந்த நிலையம் புலாவ் செபாங் வழித்தடத்தில், கேடிஎம் கொமுட்டர் தொடருந்து சேவையை வழங்கி வருகிறது.^[1]

மறுவடிவமைப்புக்குப் பிறகு, ஆகத்து 2010-இல் இந்த நிலையம் மீண்டும் திறக்கப்பட்டது. இருப்பினும் இதற்கு முன்னரே அங்கு ஒரு தொடருந்து நிறுத்தம் இருந்தது. பிரித்தானிய காலனி ஆட்சியின் போது இந்த நிலையம் கென்ட் ஆல்ட் (Kent Halt) அல்லது கென்ட் நிலையம் (Kent Station) என்று அழைக்கப்பட்டது.^[2]

பொது

1920-ஆம் ஆண்டுகளில், கோலாலம்பூர், செந்தூல் பகுதியில் இருந்த பத்துமலைக்குச் சென்ற தொடருந்துகள் இந்த இடத்தில் நின்று சென்றன. காலப் போக்கில் பேருந்து சேவைகள் அறிமுகப்படுத்தப்பட்டது; அதன் விளைவாகவ் பொதுமக்கள் இந்த தொடருந்து நிறுத்ததைப் பயன்படுன்படுத்துவதை நிறுத்திக் கொண்டனர்.^[3]

2010-ஆம் ஆண்டில் பத்துமலை தொடருந்து நிலையம் புனரமைக்கப்பட்டு, அங்குள்ள தொடருந்து பாதை மின்மயமாக்கப்பட்டது.

செந்தூல் - பத்துமலை வழித்தடத்தின் ஒற்றைப் பாதை இரட்டைப் பாதையாக மாற்றப்பட்டது.

புதிய நிலையங்கள்

அந்தக் கட்டத்தில்  KC04  தாமான் வாயூ,  KC03  கம்போங் பத்து மற்றும்  KC02  பத்து கென்டன்மன் ஆகிய புதிய நிலையங்கள் உருவாக்கப்பட்டன; மற்றும் நிறுத்தங்களும் கட்டப்பட்டன.^[4]

தாமான் வாயூ நகர்ப்புறம், ஈப்போ சாலையின் மையத்தில் அமைந்துள்ளது. இந்த நிலையம், ஈப்போ சாலை, கூச்சிங் சாலை, கெப்போங் சாலை வழியாக கோலாலம்பூர் நகர மையத்தை எளிதில் அணுகக்கூடிய வசதியை வழங்குகிறது.^[5]