தி. வெ. இராமகிருஷ்ணன்

திருப்பத்தூர் வெங்கடாசலமூர்த்தி இராமகிருஷ்ணன் (T. V. Ramakrishnan)(பிறப்பு: ஆகத்து 14, 1941) என்பவர் இந்திய கோட்பாட்டு இயற்பியலாளர் ஆவார். இவர் தற்போது அணு சக்தித்துறை ஓமி பாபா பேராசிரியராக பனாரசு இந்து பல்கலைக்கழகத்திலும் திரிபுரா பல்கலைக்கழகத்தின் வேந்தராகவும் உள்ளார்.

தி. வெ. இராமகிருஷ்ணன் T. V. Ramakrishnan
தி. வெ. இராமகிருஷ்ணன்
பிறப்பு	திருப்பத்தூர் வெங்கடாலமூர்த்தி இராமகிருஷ்ணன் 14 ஆகத்து 1941 (1941-08-14) (அகவை 84) சென்னை, தமிழ்நாடு, இந்தியா
தேசியம்	இந்தியர்
துறை	கோட்பாட்டு இயற்பியல் சுருங்கிய பொருள் இயற்பியல்
பணியிடங்கள்	பனாரசு இந்து பல்கலைக்கழகம் இந்திய அறிவியல் நிறுவனம் பிரின்ஸ்டன் பல்கலைக்கழகம்
கல்வி கற்ற இடங்கள்	பனாரசு இந்து பல்கலைக்கழகம் இளம் அறிவியல் முது நிலை அறிவியல் கொலம்பியா பல்கலைக்கழகம் முனைவர்
ஆய்வு நெறியாளர்	ஜாக்குலின் மசாடாக் லுத்தின்ஜெர்
முனைவர் பட்ட  மாணவர்கள்	வெங்கட் பாய்
அறியப்படுவது	கோட்பாட்டு இயற்பியல், சுருக்க பொருள் இயற்பியல், புள்ளியியல் எந்திரவியல்
விருதுகள்	ஐசிடிபி (2005) பத்மசிறீ (2001) அரசு கழகத்தின் ஆய்வுறுப்பினர் (2000) சாந்தி ஸ்வரூப் பட்நாகர் விருது(1983)

வாழ்க்கை

கல்வி

திருப்பத்தூர் வெங்கடாசலமூர்த்தி இராமகிருஷ்ணன் 1941 ஆம் ஆண்டு ஆகத்து 14ஆம் தேதி தமிழ்நாட்டில் உள்ள சென்னையில் பிறந்தார். இவர் 1959 மற்றும் 1961-ல் பனாரசு இந்து பல்கலைக்கழகத்தில் இயற்பியலில் இளம் அறிவியல் மற்றும் முதுநிலை அறிவியல் பட்டமும் முடித்தார். பின்னர் 1961 முதல் 1962 வரை பனாரசு இந்து பல்கலைக்கழகத்தில் அறிவியல் மற்றும் தொழிலக ஆய்வு மன்ற ஆய்வாளராக பணியாற்றினார். பின்னர் முனைவர் பட்டத்தினை 1966-ல் கொலம்பியா பல்கலைக்கழகத்தில் முடித்தார்.^[1]

ஆய்வுப் பணி

கான்பூரில் உள்ள இந்திய தொழில்நுட்பக் கழகத்தில் விரிவுரையாளராக தனது கல்வி மற்றும் ஆய்வுப் பணியினைத் தொடங்கினார். இவர் 1986-ல் பெங்களூரில் உள்ள இந்திய அறிவியல் நிறுவனத்தில் பணியில் சேர்ந்தார். இங்கு இவர் 2003 வரை தொடர்ந்தார். 2010 முதல் 2013 வரை இன்போசிஸ் பரிசுக்கான இயற்பியல் அறிவியல் நடுவர் குழுவிலும் பணியாற்றினார்.

எலக்ட்ரான் மயமாக்கலின் அளவிடுதல் கோட்பாட்டிற்கு இராமகிருஷ்ணன் முக்கியப் பங்களிப்பு செய்துள்ளார்.^[2] திரவம் மற்றும் திட நிலை மாற்றத்திற்கான கோட்பாடு மற்றும் கலப்பு இணைதிறன் அமைப்புகளுக்கு இவர் பங்களிப்பு செய்துள்ளார்.

விருதுகளும் கௌரவங்களும்

இராமகிருஷ்ணனுக்கு 1983-ல் சாந்தி ஸ்வரூப் பட்நாகர் விருதும், 1990-ல் மூன்றாவது நாடுகளுக்கான அறிவியல் அமைப்பின் பரிசும்^[3] 2001-ல் பத்மசிறீ விருதும் வழங்கப்பட்டது.^[4][5] 1987ஆம் ஆண்டில் இவர் அமெரிக்க இயற்பியல் கழக ஆய்வுறுப்பினராகத் தேர்ந்தெடுக்கப்பட்டார். "சீர்குலைந்த அமைப்புகளின் பல-உடல் கோட்பாட்டிற்கான இவரது பங்களிப்புகளுக்காக, குறிப்பாக இடமயமாக்கலின் அளவிடுதல் கோட்பாடு மற்றும் கலப்பு-வேலண்ட் அசுத்தங்களின் கோட்பாடு" [4 ^[6]

இராமகிருஷ்ணன் 2000-ல் அரச கழகத்தின் ஆய்வு உறுப்பினராகத் தேர்ந்தெடுக்கப்பட்டார்.^[7] இவரது தேர்தல் சான்றிதழில் கூறப்பட்டுள்ளதாவது:

“

பேராசிரியர் இராமகிருஷ்ணன் சுருக்கப்பட்ட பல உடல் அமைப்புகளைப் பற்றிய நமது புரிதலுக்கு முக்கியமான பங்களிப்பைச் செய்துள்ளார். இவரது முன்னோடி பணியானது இரண்டு முக்கிய செயல்பாடுகளில் ஆரம்பித்தது. அவை: திரவ-திட நிலை மாற்றம் அத்துடன் அடர்த்தியான பாரம்பரிய செயல்பாடு அமைப்புகளில் தொடர்புடைய நிகழ்வுகள் மற்றும் ஒழுங்கற்ற அமைப்புகளில் எலக்ட்ரான் மயமாக்கலின் தொடக்கம். இந்த ஆய்வின் வளர்ச்சிக்குப் பல குறிப்பிடத்தக்கப் பங்களிப்புகளைச் செய்துள்ளார். மூன்றாவது பகுதியில், அதாவது அரிய தனிமங்களில் கலப்பு இணைதிறன், தலைகீழ் மூலக்கூறு சுற்றுப்பாதை சீரழிவு விரிவாக்கம் குறித்த இவரது பணி களத்தில் பெரும் தாக்கத்தை ஏற்படுத்தியுள்ளது [8]

”