நாய் சேகர்

நாய் சேகர் ( Naai Sekar ) என்பது 2021ஆம் ஆண்டு தமிழ் மொழியில் வெளியான அறிவியல் புனைகதை நகைச்சுவைத் திரைப்படமாகும். இதை அறிமுக இயக்குநர் கிஷோர் ராஜ்குமார் எழுதி இயக்கியுள்ளார்.^[1] ஏஜிஎஸ் என்டர்டெயின்மென்ட் பதாகையின் கீழ் கல்பாத்தி எஸ். அகோரம் தயாரித்துள்ளார். இப்படத்தில் சதீஸ், பவித்ரா லட்சுமி (அறிமுகம்)^[2][3], ஜார்ஜ் மரியன், சங்கர் கணேஷ், லிவிங்ஸ்டன், இளவரசு, சிறீமன் உள்ளிட்ட துணை நடிகர்களுடன் நடித்துள்ளனர். ஒரு லாப்ரடர் ரெட்ரீவர் நாயும் ஒரு முக்கிய பாத்திரத்தில் நடித்துள்ளது.^[4] படம் நாயுடன் தனது ஆன்மாவை மாற்றிக்கொள்ளும் ஒரு மனிதனின் கதையைச் சுற்றி வருகிறது. ஒலிப்பதிவில் அனிருத் ரவிச்சந்திரன் இசையமைத்த ஒரு பாடலுடன் மூன்று பாடல்கள் இடம்பெற்றன.^[5] இப்படம் விமர்சன ரீதியாகவும் வணிக ரீதியாகவும் வெற்றி பெற்றது.^[6][7]

நாய் சேகர்
இயக்கம்	கிஷோர் ராஜ்குமார்
தயாரிப்பு	கல்பாத்தி எஸ். அகோரம் கல்பாத்தி எஸ். கணேஷ் கல்பாத்தி எஸ். சுரேஷ்
கதை	கிஷோர் ராஜ்குமார் பிரவீன் பாலு
இசை	பாடல்கள்: அஜீஸ் அனிருத் ரவிச்சந்திரன் ஒலிப்பதிவு: எம்.எஸ். யோன்ஸ் ருபெர்ட்
நடிப்பு	சதீஸ் பவித்ரா லட்சுமி
ஒளிப்பதிவு	பிரவீன் பாலு
படத்தொகுப்பு	இராம் பாண்டியன்
கலையகம்	ஏஜிஎஸ் என்டர்டெயின்மென்ட்
வெளியீடு	13 சனவரி 2022 (2022-01-13)
ஓட்டம்	131 நிமிடங்கள்
நாடு	இந்தியா
மொழி	தமிழ்
மொத்த வருவாய்	₹ 1.3 கோடி

தலைப்பு சர்ச்சை

லைக்கா தயாரிப்பகம் தயாரிப்பில் இயக்குநர் சுராஜ் இயக்கத்தில் நடிகர் வடிவேலு நடிக்கும் படத் தலைப்பை 'நாய் சேகர்' என்று திட்டமிட்டனர். 2006இல் வெளியான தலைநகரம் படத்தில் வடிவேலுவின் கதாபாத்திரமான 'நாய் சேகர்' மிகப்பெரிய வெற்றியைப் பெற்றது.^[8] ஆனால் தலைப்பு ஏற்கனவே ஏஜிஎஸ் என்டர்டெயின்மென்ட் மூலம் பதிவு செய்யப்பட்டிருந்தது. பல விவாதங்களுக்குப் பிறகு, ஏஜிஎஸ் என்டர்டெயின்மென்ட் படத்திற்கு 'நாய் சேகர்' என்றே தலைப்பிட்டு வெளியிட்டது.^[9] எனவே வடிவேலுவின் படத்தின் தயாரிப்பாளர்கள் படத்தலைப்பை நாய் சேகர் ரிட்டர்ன்ஸ் என மாற்றம் செய்தனர்.^[10][11]

வெளியீடு

படத்தின் முன்னோட்டம் 1 சனவரி 2022 அன்று வெளியானது.^[12] படத்தை தைப்பொங்கல் விடுமுறையை முன்னிட்டு சனவரி 13, 2022 அன்று வெளியிட தயாரிப்பாளர்கள் திட்டமிட்டனர்.^{[13] [14]}

திரையரங்குகளுக்குப் பிந்தைய தொலைக்காட்சி செயற்கைக்கோள் மற்றும் டிஜிட்டல் ஸ்ட்ரீமிங் உரிமைகளை முறையே சன் தொலைக்காட்சி மற்றும் நெற்ஃபிளிக்சு வாங்கியுள்ளது.

நடிகர்கள்

• சேகர் லட்சுமிபதியாக சதீஷ்
• புருனோ - படையப்பா
  • சிவா படையப்பாவின் பின்னணிக்குரல்
• லொள்ளு சபா மாறன் - மாலி
• பூஜா நீலகண்டனாக பவித்ரா லட்சுமி
• விஞ்ஞானி ராஜராஜனாக ஜார்ஜ் மேரியன்
• "தண்ணி தொட்டி" சுகுமாராக ஷங்கர் - கணேஷ்
• தங்கராஜ் போலீஸ் அதிகாரியாக லிவிங்ஸ்டன்
• இளவரசு - பூஜாவின் அப்பாவாக
• சேகரின் தந்தையாக ஞானசம்பந்தம்
• சேகரின் அம்மாவாக நித்யா ரவீந்திரன்
• சுவாமிநாதன் - மண்டல மேலாளர்
• நிறுவன இயக்குநராக வினோதினி வைத்தியநாதன்
• பூஜாவின் அழகுக்கலைஞராக சுனிதா கோகோய்
• மருத்துவராக புஜ்ஜி பாபு