பண்டார் கின்ராரா
சிலாங்கூர், பூச்சோங் பகுதியில் அமைந்து உள்ள ஒரு நகரம் From Wikipedia, the free encyclopedia
Remove ads
கின்ராரா அல்லது பண்டார் கின்ராரா (மலாய்: Bandar Kinrara; ஆங்கிலம்: Kinrara Town; சீனம்: 金銮镇); என்பது மலேசியா, சிலாங்கூர், பெட்டாலிங் மாவட்டம், பூச்சோங் பகுதியில் அமைந்து உள்ள ஒரு நகரம் ஆகும். ஆயர் ஈத்தாம் வனக் காப்பகம் (Ayer Hitam Forest Reserve) இந்த நகரத்திற்கு தெற்கே அமைந்துள்ளது.[1]
கின்ராரா வீடமைப்பு நிறுவனம் (Kinrara Housing Berhad), 1991-ஆம் ஆண்டில் கின்ராரா நகரக் கட்டுமானத்தைத் தொடக்கி வைத்தது. அந்தக் கட்டுமானத்தின் முதல் கட்டமாக, கின்ராரா 1 (Bandar Kinrara 1 - BK 1) எனும் மலிவு வீட்டு திட்டம் உருவானது. அதைத் தொடர்ந்து கின்ராரா 2 (Kinrara 2 - BK 2) எனும் மலிவு வீட்டு திட்டம் தொடக்கப் பட்டது..
அதன் பின்னர், கின்ராரா பகுதியில் புக்கிட் சாலில் நெடுஞ்சாலை (Bukit Jalil Highway) எனும் கூட்டரசு சாலை 217 (மலேசியா) (Federal route 217) உருவாக்கப்பட்டது. இந்தச் சாலைதான் கின்ராரா நகர வளர்ச்சிக்குப் பெரிதும் உதவியது என்று அறியப் படுகிறது.[2]
Remove ads
பொது
கின்ராரா நகரக் கட்டுமானம் 1991-ஆம் ஆண்டில் தொடங்கியது. 1,904 ஏக்கர் நிலப்பரப்பைக் கொண்டது. அந்த இடம் முன்பு கின்ராரா தோட்டம் (Kinrara Estate) என்று அழைக்கப்பட்டது. அது ஒரு ரப்பர் தோட்டமாக இருந்தது.[3]
கின்ராரா பி.கே 1–9 (BK 1–9) என 9 பிரிவுகளாகப் பிரிக்கப்பட்டு உள்ளது. பி.கே 1; பி.கே 2; பி.கே 3; ஆகிய மூன்று பிரிவுகளும், புக்கிட் ஜாலில் நெடுஞ்சாலையின் வடக்குப் பகுதியில், பூச்சோங் நோக்கிச் செல்லும் பகுதியில் உள்ளன. பி.கே (BK) என்றால் பண்டார் கின்ராரா எனும் கின்ராரா நகரம் (Bandar Kinrara).
பி.கே 4; பி.கே 5; பி.கே 6; பி.கே 7; பி.கே 8; பி.கே 9; ஆகிய ஆறு பிரிவுகளும், புக்கிட் ஜாலில் நெடுஞ்சாலையின் தெற்குப் பகுதியில் உள்ளன.
சுபாங் ஜெயா நகராண்மைக் கழகம்
கின்ராரா நகரம்; சுபாங் ஜெயா மாநகராட்சியின் நிர்வாகத்தின் கீழ் வருகிறது.
பெட்டாலிங் மாவட்டத்தில் இருக்கும் சுபாங் ஜெயா மாநகராட்சியின் (Subang Jaya City Council) நிர்வாகத்தின் கீழ் உள்ள இதர இடங்கள்:
- கின்ராரா (Kinrara)
- தாமான் பூச்சோங் உத்தாமா (Taman Puchong Utama)
- தாமான் சௌஜானா பூச்சோங் (Taman Saujana Puchong)
- பூச்சோங் பிரிமா (Puchong Prima)
- பூச்சோங் ஜெயா (Puchong Jaya)
- புக்கிட் பூச்சோங் 1 (Bukit Puchong 1)
- பண்டார் பூச்சோங் (Bandar Puchong)
- பண்டார் புத்திரி பூச்சோங் (Bandar Puteri Puchong)
- பூச்சோங் பெர்மாய் (Puchong Permai)
Remove ads
கின்ராரா தமிழ்ப்பள்ளி
கின்ராரா நகர்ப் பகுதியில் ஒரு தமிழ்ப்பள்ளி உள்ளது. அதன் பெயர் கின்ராரா தமிழ்ப்பள்ளி.[4] 554 மாணவர்கள் பயில்கிறார்கள். 36 ஆசிரியர்கள் பணிபுரிகிறார்கள்.[5][6]
மேற்கோள்கள்
வெளி இணைப்புகள்
Wikiwand - on
Seamless Wikipedia browsing. On steroids.
Remove ads