நிறைவுற்ற கொழுப்பு
From Wikipedia, the free encyclopedia
நிறைவுற்ற கொழுப்புகள் (saturated fats) என்பவை நிறைவுற்ற கொழுப்பு அமிலங்களை மட்டும் கொண்ட டிரைகிளிசரைடுகளைக் கொண்டவையாகும். நிறைவுற்ற கொழுப்பு அமிலங்கள், கொழுப்பு அமிலத் தொடரியில் கார்பன் அணுக்களுக்கிடையில் இரட்டைப்பிணைப்பில்லாதவையாகும். இவ்விதம், கார்பன் அணுக்களின் தொடரியானது ஹைட்ரசன் அணுக்களினால் முற்றுமாக செறிவுற்ற நிலையில் உள்ளது. பல்வேறு வகையான நிறைவுற்ற கொழுப்பு அமிலங்கள் இயற்கையில் காணப்படுகின்றன. இவை முதன்மையாக கார்பன் அணுக்களின் எண்ணிக்கையில் [உதாரணமாக, மூன்று கார்பன்களிலிருந்து (புரோபியோனிக் அமிலம்) முப்பத்தியாறு கார்பன்கள் வரை (ஹெக்சாடிரையாகன்டனோயிக் அமிலம்)] வேறுபடுகின்றன.
உணவிலுள்ள கொழுப்பு வகைகள் |
---|
|
இவற்றையும் காண்க |
பல்வேறு கொழுப்புகளில் நிறைவுற்ற மற்றும் நிறைவுறாக் கொழுப்புகள் வெவ்வேறு அளவுகளில் உள்ளன. அதிக அளவு நிறைவுற்ற கொழுப்புகளைக் கொண்ட உணவுகளுக்கான உதாரணங்கள்: குழைவு, பாலாடைக்கட்டி, வெண்ணெய் மற்றும் நெய்; நிணம் (மாடு), மாட்டுக் கொழுப்பு, பன்றிக் கொழுப்பு மற்றும் கொழுப்பான இறைச்சிகள்; இவை தவிர சில தாவர உணவுகள்: தேங்காய் எண்ணெய், பருத்திவிதை எண்ணெய், பனை (புல்லின மர) எண்ணெய், சாக்லெட் மற்றும் பல தயாரிக்கப்பட்ட உணவுகள்[1].