Daniel Razon

Si Daniel Soriano Razón (Daniel "Kuya" Razon ipinanganak 11 Oktubre 1967) ay isang brodkaster at mang-aawit sa Pilipinas. Siya rin ang Pangalawang Lingkod Pangkalahatan (dating tawag na Pangalawang Tagapangasiwang Pangkalahatan) ng Members Church of God International. Pinapangunahan niya ang pag-aalaga at pagpapanatili ng ADD Convention Center sa Apalit, Pampanga.

Daniel S. Razon
Kapanganakan	(1967-10-11) 11 Oktubre 1967 (edad 57) Bulacan, Philippines
Nasyonalidad	Filipino
Trabaho	Television host, Singer, Vice-Presiding Minister
Kilalang kredit	Gising Pilipinas anchor Compañero Y Compañera co-host Unang Hirit co-host (2001 - 2005) Frontpage: Ulat ni Mel Tiangco alternate anchor (2001 - 2004) SAKSI alternate anchor (2001 - 2005) 24 Oras alternate anchor (2004-2005) Ang Dating Daan co-host Good Morning Kuya main anchor
Titulo	Mr. Public Service
Asawa	Arlene Ruga Razon
Anak	Daniel S. Razon Jr.
Kamag-anak	Eliseo Soriano
Website	http://www.danielrazon.com/

Background

GMA-7

Si Daniel Razón ay dating naging host ng Unang Hirit at Saksi (kasama si Arnold Clavio) sa himpilang GMA.

Buhay sa UNTV-37

Si Daniel Razon na minsan tinatawag na Mr. Public Service ay may klinikang libre at sa UNTV studio sa Quezon City.

Kontrobersiya

Alyansa sa Bagong Henerasyon Party-list

Noong 2025, nasangkot sa kontrobersiya si Daniel Razon dahil sa umano'y tahimik ngunit sistematikong pagsuporta ng Members Church of God International (MCGI), ang grupong kanyang pinamumunuan, sa Bagong Henerasyon Party-list. Ayon sa mga ulat mula sa grupong MCGI Exiters, ginamit umano ang mga resources ng simbahan—kabilang ang mga volunteer, sasakyan, at media platforms gaya ng UNTV—para isulong ang kandidatura ni Roberto Nazal Jr., isang negosyanteng konektado sa DV Boer farm scheme, bilang pangunahing nominee ng BH Party-list.^[1]

Pinuna rin sa mga ulat ang umano'y pagkakaroon ng "quid pro quo" o palitan ng pabor sa pagitan ng simbahan at ng BH Party-list, kabilang ang pag-endorso kapalit ng koneksyon sa pondo ng pamahalaan. Iniuugnay din si Razon sa mga aktibidad ng kampanya sa pamamagitan ng kanyang presensya at impluwensiya sa mga event na pinangungunahan ng mga kaalyadong personalidad mula sa parehong grupo.^[2]

Pagbabago ng Nilalaman at Estilo ng Pangangaral

Matapos ang pagkamatay ni Bro. Eli Soriano noong 2021, si Razon ang naging pangunahing lider at tagapagsalita ng MCGI. Sa ilalim ng kanyang pamumuno, iniwan ng grupo ang tradisyonal na istilo ng pangangaral gaya ng Bible Expositions at doktrinal na debate, at nag-shift sa mga programang pang-aliw tulad ng *Serbisyong Kapatiran* at *Kristiano Drama* na ipinalalabas sa UNTV. Ang pagbabagong ito ay tinukoy ng ilang tagamasid bilang "Kuyanomics," o ang estratehiya ni Razon upang mapanatili ang atensyon ng publiko sa gitna ng bumababang interes sa doktrina.^[3]

Tinuligsa ng mga dating miyembro ang pagbabagong ito, at ayon sa kanila ay hindi kayang tularan ni Razon ang istilo ni Soriano, na kilala sa matalas at bukas na diskusyong doktrinal. Itinuturing ito ng ilan bilang indikasyon ng krisis sa pananalapi at pamumuno sa loob ng organisasyon.

Isyu ng Sekularismo at Pampublikong Pondo

May mga ulat na ipinapakita rin ang paggamit ng MCGI ng mga pampublikong lugar, tulong mula sa mga lokal na opisyal, at mga programang may kahalintulad sa proyekto ng pamahalaan na ipinapakita sa UNTV. Pinuna ito ng mga grupo para sa transparency, dahil sa diumano’y pagsasanib ng relihiyosong impluwensiya sa gawaing sibiko o pampamahalaan. Bagaman walang direktang reklamo laban kay Razon sa korte ukol dito, nagpahayag ang ilang legal experts na maaaring magkaroon ng pagsuway sa prinsipyo ng separation of church and state sa ilalim ng 1987 Konstitusyon ng Pilipinas.