Paliparang Pandaigdig ng Clark

Ang Paliparang Pandaigdig ng Clark^[a] (IATA: CRK, ICAO: RPLC), dating tinawag bilang Paliparang Pandaigdig ng Diosdado Macapagal^[b] mula 2003 hanggang 2014, ay isang paliparang pandaigdig na matatagpuan sa Clark Freeport Zone na napalilibutan ng mga lungsod ng Angeles at Mabalacat sa lalawigan ng Pampanga, Pilipinas. 80 kilometro (50 mi)^[6] ito pahilagang-kanluran ng Maynila. Mapupuntahan ito sa pamamagitan ng Subic–Clark–Tarlac Expressway (SCTEX).

Paliparang Pandaigdig ng Clark Pangyatung Sulapawan ning Clark Clark International Airport
Terminal Pampasahero ng Paliparang Pandaigdig ng Clark
IATA: CRK ICAO: RPLC WMO: 98327
Buod
Uri ng paliparan	Pang-militar/Pampubliko
May-ari	Korporasyon ng Paliparang Pandaigdig ng Clark
Nagpapatakbo	Luzon International Premier Airport Development (LIPAD) Corporation[1][2]
Pinagsisilbihan	Gitnang Luzon, Malawakang Maynila
Lokasyon	Clark Freeport Zone, Lungsod ng Angeles at Mabalacat, Pampanga, Pilipinas
Nagbukas	16 Hunyo 1996; 29 taon na'ng nakalipas (1996-06-16)[3][4]
Sentro para sa	PAL Express Philippine Airlines
Base para sa	Cebu Pacific Philippines AirAsia
Sona ng oras	PHT (UTC+08:00)
Elebasyon AMSL	148 m / 484 tal
Websayt	clarkinternationalairport.com
Mapa
CRK/RPLC Lokasyon sa Pilipinas
Mga patakbuhan
Direksyon Haba Ibabaw m tal 02/20 3,200 10,499 Aspalto/kongkreto
Estadistika (2022)
Pasahero 768,826 299.30% Paggalaw ng eroplano 5,664 137.39% Dami ng kargamento (sa tonelada) 49,253.85 33.21%
Sanggunian: CIAC[5]

Pinagsisilbihan ng paliparan ang Gitnang Luzon, Hilagang Luzon, at, kung tutuusin, ang Kalakhang Maynila sa mga lipad sa loob at labas ng bansa. Hango ang pangalan sa dating Baseng Panghimpapawid ng Clark ng mga Amerikano na naging pinakamalaking base ng Hukbong Himpapawid ng Estados Unidos sa ibang bansa hanggang sa isinara ito at ipinasa sa Pamahalaan ng Pilipinas noong 1991.

Pinangangasiwaan at pinapatakbo ang paliparan ng Luzon International Premier Airport Development (LIPAD) Corp., isang konsorsiyo ng JG Summit Holdings, Filinvest Development Corporation, Philippine Airport Ground Support Solutions (PAGSS) Inc., at Changi Airports Philippines Pte. Ltd.^[1][2] Ginagamit ang timog na bahagi ng pasilidad ng Hukbong Himpapawid ng Pilipinas at Baseng Panghimpapawid ng Clark.^[7]

Nanomina ang paliparan bilang pinalista ng kategoryang Paliparan ng gawad Prix Versailles 2021^[8] ngunit natalo sa Paliparang LaGuardia Terminal B bilang ang pinakamahusay na bagong paliparan noong 2021.^[9] Pero kinilala ito bilang isang laureado ng 2023 talaan ng Prix Versailles ng Pinakamagandang Paliparan ng Mundo.^[10]

Mga eroplano at mga destinasyon

Pampasahero

Mga kompanyang panghimpapawid	Mga destinasyon
AirSWIFT	El Nido
Asiana Airlines	Seoul–Incheon
Cathay Dragon	Hong Kong
Cebu Pacific	Cebu, Hong Kong, Kalibo (Simula Oktubre 30,2017)[11], Macau, Singgapur
China Eastern Airlines	Shanghai-Pudong (Simula Oktubre 18,2017)
Emirates	Dubai–International
Jetstar Asia Airways	Singgapur (Simula Nobyembre 28,2017)[12]
Jin Air	Busan, Seoul–Incheon
Philippine Airlines	Bacolod (Simula Disyembre 15,2017)[13], Cagayan de Oro (Simula Disyembre 16,2017)[14], Cebu (Pagtatapos sa Disyembre 14,2017)[15], Dabaw (Sisimulang Pagbabalik Disyembre 1,2017)[16], , Puerto Princesa, Seoul–Incheon
Philippine Airlines operated by PAL Express	Batanes (Simula Oktubre 1,2017)[17], Busuanga, Caticlan, Cebu (Simula Disyembre 15,2017)[18], Tagbilaran (Simula Disyembre 15,2017)[19]
Philippines AirAsia	Dabaw, Kalibo
Platinum Skies Aviation	Charter: Bagabag
Qatar Airways	Doha
Scoot	Singgapur

Panlulan

Mga kompanyang panghimpapawid	Mga destinasyon
FedEx Express	Guangzhou, Taipei–Taoyuan
UPS Airlines	Taipei–Taoyuan, Shenzhen

Talababa

1. Kapampangan: Pangyatung Sulapawan ning Clark, Ingles: Clark International Airport
2. Kapampangan: Pangyatung Sulapawan ning Diosdado Macapagal, Ingles: Diosdado Macapagal International Airport