Гаяз Исхакый исемендәге премия

Гаяз Исхакый исемендәге премия, Татарстан мәдәният министрлыгы һәм Татарстан Язучылар берлегенең Гаяз Исхакый исемендәге әдәби премиясе (рус. Литературная премия Республики Татарстан имени Гаяза Исхаки) ― Татарстан мәдәният министрлыгы һәм Татарстан Язучылар берлегенең күренекле әдәби әсәрләр, әдәбият тарихы һәм теориясе буенча китаплар, классиклар әсәрләрен бастыру өлкәсендәге хезмәтләр өчен бирелә торган әдәби премиясе. Татар язучысы, җәмәгать-сәясәт эшлеклесе Мөхәммәтгаяз Гыйләҗетдин улы Исхакый (Гаяз Исхакый, 1878—1954) истәлеген мәңгеләштерү өчен 1991 елда гамәлгә куелган.

Гаяз Исхакый исемендәге премия
Ил	РФ→ Татарстан Татарстан
Төр	премия
Статусы	гамәлдә
Юкка чыгару датасы	гамәлдә

Тарих

Гаяз Исхакый (1878―1954)

1991 елда Татарстан Язучылар берлеге карары белән Гаяз Исхакый исемендәге премия гамәлгә куела.

Статус

Гаяз Исхакый исемендәге премия, гадәттә, һәр ел саен язучыларга (прозаикларга, шагыйрьләргә, драматургларга), журналистларга һәм галимнәргә милләтнең рухи байлыгы үсешенә ярдәм итүче күренекле әдәби әсәрләре, әдәбият тарихы һәм теориясе буенча китаплары, классиклар (шул исәптән, беренче чиратта, Гаяз Исхакыйның) әсәрләрен бастыру өлкәсендәге хезмәтләре һәм актив иҗтимагый-сәяси эшчәнлекләре өчен бирелә ^[1].

Премия күләме ― 50 мең сум^[2].

Лауреатлар

• Моны да карагыз: Төркем:Гаяз Исхакый премиясе лауреатлары
• 1991 – Рабит Батулла^[3]
• 1992 – Ибраһим Нуруллин
• 1993 – Гомәр Бәширов, Әмирхан Еники, Әхмәт Рәшит, Рәис Даутов
• 1994 – Наҗар Нәҗми, Рахмай Хисмәтуллин
• 1995 – Гариф Ахунов, Аяз Гыйләҗев, Вахит Имамов
• 1997 – Тәлгат Галиуллин^[4]
• 1998 – Рәфкать Кәрами, Факил Сафин
• 2000 – Газинур Морат
• 2001 – Фәүзия Бәйрәмова, Гакыйль Сәгыйров
• 2002 – Рафаэль Сибат
• 2003 – Айдар Хәлим
• 2004 – Рәфикъ Юныс
• 2005 – Хатыйп Миңнегулов, Данил Салихов
• 2006 – Зәки Зәйнуллин, Адлер Тимергалин
• 2007 – Рөстәм Фәйзуллин
• 2008 – Зиннур Хөснияр, Лена Гайнанова, Харрас Әюп, Шамил Закиров^[5]
• 2009 – Искәндәр Гыйләҗев
• 2010 – Лирон Хәмидуллин
• 2011 – Флера Тарханова, Ренат Әюпов^[6]
• 2012 – Равил Фәйзуллин
• 2013 – Марсель Галиев
• 2014 – Рифә Рахман
• 2015 – Җәүдәт Сөләйманов
• 2016 – Зиннур Мансуров, Тәүфикъ Әйди
• 2017 – Мәдинә Маликова^[7]
• 2018 – Рәниф Шәрипов
• 2019 – Рәдиф Сәгъди, Тюлай Дюран^[5]
• 2020 – Хәбир Ибраһим
• 2021 – Равил Рахмани, Локман Закиров^[8]
• 2022 – Локман Закиров^[9]
• 2023 – Роза Туфитуллова^[10]
• 2024 – Нурулла Гариф, Фатих Котлу^[11]
• 2025 – Данис Хәйруллин^[12]