Рафаэль Тукаев

Рафаэль Тукаев, Рафаэль Николай улы Тукаев (Рафаэль Николаевич Тукаев; 1929 елның 1 мае, СССР, РСФСР, БАССР, Стәрлетамак ― 1995 елның 5 июне, РФ, БР, Уфа) ― инженер-механик, нефтьче, 1972―1978 елларда «Татнефть» җитештерү берләшмәсенең «Җәлилнефть» НГДУ башлыгы.

Рафаэль Тукаев
Туган телдә исем	Рафаэль Николай улы Тукаев
Туган	1 май 1929(1929-05-01) СССР, РСФСР, БАССР, Стәрлетамак
Үлгән	5 июнь 1995(1995-06-05) (66 яшь) РФ, БР, Уфа
Милләт	татар
Ватандашлыгы	СССР РФ
Әлма-матер	Уфа дәүләт нефть-техника университеты[1]
Һөнәре	инженер-механик, нефтьче, эш оештыручы
Эш бирүче	Җәлилнефть, Татнефть, Мангистаумунайгаз[d] һәм Аэропорт Красноярск[d]
Җефет	Әнисә Шакир кызы
Балалар	ике кызы, улы
Бүләк һәм премияләре

Википедиядә Тукаев фамилияле башка кешеләр турында мәкаләләр дә бар.

Тәрҗемәи хәле

Тышкы рәсемнәр
	Кызы Светлананың әтисенә багышланган шигыре(рус.)

1929 елның 1 маенда Стәрлетамакта татар гаиләсендә туган^[2].

Тимер юл техникумын, «нефть һәм газ промыселлары машиналары һәм җиһазлары» белгечлеге буенча Уфа нефть институтын (1994 елдан университет) тәмамлаган, инженер-механик квалификациясен алган^[2].

Хезмәт юлы

Хезмәт эшчәнлеген Мәскәү өлкәсенең Подольск шәһәрендә тимер юлда башлаган^[2].

1954―1956 елларда ― Красноярск шәһәре аэропортында (2019 елга кадәр «Емельяново», 2019 елдан Д. Хворостовский исемендәге Красноярск халыкара аэропорты^[d]) ягулык-майлау материаллары инженеры;

1956―1957 елларда ― комсомол юлламасы буенча Красноярск краена Абакан―Тайшет тимер юлы төзелешенә^[d] («Батырлык трассасы») күчкән. Абакан нефть базасының техник җитәкчесе;

1957―1963 елларда ― Казанда Татсовнархозның нефть сәнәгате идарәсенең матди-техник тәэмин итү бүлеге башлыгы;

1963―1965 елларда ― «Татнефть» җитештерү берләшмәсенең «Лениногорскнефть» НПУ башлыгы урынбасары;

1965―1967 елларда ― «Түбәнкаманефтехим» комбинаты директоры урынбасары;

1967―1968 елларда ― «Татнефть» җитештерү берләшмәсенең «Әлмәтнефть» НПУ башлыгы урынбасары;

1968―1972 елларда ― «Татнефть» җитештерү берләшмәсе башлыгының кадрлар һәм көнкүреш буенча урынбасары;

1972―1978 елларда ― «Татнефть» җитештерү берләшмәсенең «Җәлилнефть» нефть-газ чыгару идарәсе башлыгы^[3];

1978 елдан Казакъстанның «Мангышлакнефть» берләшмәсендә (хәзерге «Мангистаумунайгаз»^[d], аннан соң ― Төмән өлкәсе «Варьеганнефтегаз»^[4] берләшмәсендә генераль директорның көнкүреш буенча урынбасары вазыйфасында эшләгән.

1995 елның 5 июнендә 66 яшендә Уфада вафат булган^[2].

Ул шулкадәр якты һәм шат күңелле кеше иде ки, тормышта очрашырга туры килгән һәркем Рафаэль Николаевичка хас булган нәкъ менә җиңеллеген, намуслылыгын һәм принципиальлеген хәтерендә калдырды[2]

Бүләкләре, мактаулы исемнәре

• Хөрмәт Билгесе ордены
• «Фидакарь хезмәт өчен» медале. Владимир Ильич Ленинның тууына 100 ел тулу уңаеннан
• күп санлы Мактау грамоталары^[2]

Шәхси тормышы

Хатыны Әнисә Шакир кызы, ике кызы (берсе Светлана), улы, оныклары^[2]