Август

А́вгуст (tat.lat. Avgust (Uraq) (үле сылтама)) (аугыс,^[1] шулай ук Урак, Урак ае, иске төрки тәкъвимдә Сөнбелә ^[2])— Милади тәкъвиме буенча елның сигезенче ае. Искерим тәкъвимендә алтынчы ай. Үз исемен рим императоры Октавиан Август хөрмәтенә алды. Август безнең климат зонасында җәйге кызу айларның берсе булып исәпләнә. Халык календарендә аны, июль шикелле үк, «челлә ае» дип тә атыйлар. Телебездәге «уттай кызу урак өсте» дигән гыйбарәдә дә эшнең кызулыгы гына түгел, бәлки кояшның нык кыздыруы да күздә тотыла. Августны тагын «казларның сусыз ае» дип сыйфатлау да очрый. Монда кызулыктан елга-күлләрнең, буаларның кибеп-саегып калуына ишарә барлыгын аңлау читен түгел. Әмма җәй күп кенә яклары белән үз көчендә калса да, август инде якынлашып килүче көзнең кайбер галәмәтләрен дә сиздерә башлый.

← август →
Дш	Сш	Чш	Пҗ	Җм	Шм	Як
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30	31
2025 ел

	Тарих порталы
	Вакыт порталы
	Бәйрәмнәр порталы

Инкыйлабка кадәр татар иске дәверлеге буенча Урак ае (21.7-21.8, Ындыр ае (21.8-21.9) дип йөртелә.^[3]

• 1.8 — 21.8 дәвере — Агам Урак
• 21.8 — 31.8 дәвере — Энем Ындыр дип йөртелә

Дөньяви бәйрәмнәр һәм истәлекле вакыйгалар

Халыкара

Милли

• Айның өченче якшәмбесе:
  • Аргентина — балалар көне (исп. Día del Niño).^[4]
• Айның беренче дүшәмбесе:
  • Барбадос — Карнавал көне (ингл. Kadooment Day).^[5][6]
  • Канада — Ватандаш җәмгыяте көне (ингл. August Civic Holiday, фр. Premier lundi d'août).
  • Кирибати — Яшьләр көне (ингл. Youth Day).^[7][8]
  • Самоа — Хезмәт көне (ингл. Labor Day).^[9]

Һөнәри, җәмгыяви һәм өлкә бәйрәмнәре

• Айның беренче якшәмбесе:
  • Украина — Милли һава хәрби көчләре көне (укр. День Повітряних Сил Збройних Сил України).^[10]
• Айның беренче дүшәмбесе:
  • Тувалу — Милли балалар көне (ингл. National Children's Day, тувалуча Aso Tamaliki).
• Айның беренче җомгасы:
  • Халыкара сыра көне (ингл. International Beer Day, фр. Journée internationale de la bière, рус. Международный день пива).
• Айның икенче якшәмбесе:
  • Чили — Балалар көне (исп. Día del Niño).^[11]
• Айның өченче якшәмбесе:
  • Россия Федерациясе — Һава флоты көне (рус. День Воздушного Флота России).

Татар дөньясы

• 30 август — Татарстан суверенитеты көне.

Дини бәйрәмнәр һәм истәлекле даталар

Исем бәйрәмнәре

Сынамышлар

• Август аенда аяз булса, көз пычрак килер.
• Августта кара әрем тамырының тармаклары юан булса, киләсе ел арыш уңар.

Шулай ук карагыз

Commons

Викиҗыентыкта бу тема буенча

медиафайллар тупланмасы