政治正確

政治正确（英语：political correctness；缩写：PC^[1]），是指使用一些用词及施行部分政治措施，避免冒犯及歧视社会上弱势群体，譬如弗能冒犯少数族群、女性、弗同性取向、宗教信仰或政治异见人士，及残疾人士。少数族群包括以国籍、种族、宗教划分个族群，与本国主流族群相比。^[2]“政治正确”弗限于“用词正确”，也包括观点、立场、政策搭行为个“正确性”，弗能违背畀认定为“正确”个立场。“政治正确”也畀应用于非针对特定人群个范畴，譬如气候变化^[3]、动物权益^[4]。

事质丄，其执行结果却一直富有争议。在一些美国个自由意志主义者、保守主义者及弗少评论员个观点当中，政治正确一词本身“政治弗正确”，属贬义词，交假道学个意义相类^[5][6]，且会威胁社会个言论自由，对社会价值观构成威胁，而相关“政治弗正确”言论是否构成歧视存在争议。支持者则认为，倾向采用较中立语言、文明用语来包装政治正确个语句，本质丄并呒没冒犯任何人，并批评部分反对者以“反对政治正确”为理由，借此煽动仇恨及分化社会。

释义

尊重某些弱势群体，为了避免真实存在个或对伊拉弗公正个歧视而采用个变换另一种称呼个行为。政治正确个一个目的是用顶顶“中立”个字眼，防止歧视或侵害任何人。譬如为了避免出于种族、性别、性取向、身心障碍、宗教或政治观点个弗同而产生个歧视或弗满。

支持者认为，政治正确有助于唤醒公众个无意识个偏见，使得伊拉可以有一个更加正式个、无偏见个语言可以称谓与大众弗同个人群，而避免“伤害”伊拉。

反对者认为，政治正确只不过垃拉逃避问题，弗能真正、有效地解决问题。

根据科学研究，爱德华·萨丕尔搭本杰明·李·沃尔夫（Benjamin Lee Whorf）最早提出语言影响思维，因此通常用来描述人群个语言是有影响力个。虽然昰个论断仍然交关有争议，但是政治正确是基于昰只理论个。譬如政治正确认为，使用具有性别歧视个词语会促进性别歧视个思想。

用法及影响

一般语境下个政治正确个目的有得两重意义：更改由大多数人或社会全部成员认为是具有歧视性个语言，以平等地对待畀称呼个群体。一个交关显著个例子就是，美国1960年代开始使用“非裔美国人”（African American）来代替以前个“黑人”（black）、“黑鬼”（Negro）个称谓。但是昰种称谓取决于弗同个辰光、地点搭人群。譬如美国个白人搭非裔美国人个后裔侪常庄使用“黑人”昰个词，而“黑鬼”嚜畀认为是种族主义个。但是在年轻个非裔美国人与非裔美国人之间，仍然会使用“黑鬼”昰个称谓，来表示亲昵，然而如果昰个称谓畀外人使用，则会畀认为是基于种族歧视。

政治正确亦侪用来包含最多弗同阶层个人。一只例子是有些西方国家用“节日快乐”（Happy Holidays）或“季节祝福”（Season's Greetings）来代替“圣诞快乐”（Merry Christmas）来祝福弗信奉基督教或弗庆祝西方节日个人。

有英国出版商要求作者避免垃作品里向提及猪、猪肉或与猪肉有关个东西（譬如香肠），以免冒犯犹太教徒搭穆斯林，不过有犹太人团体表示虽然犹太教禁止吃猪肉，但呒没禁止提及猪或猪肉，身为穆斯林个英国国会议员Khalid Mahmood也认为在文学作品中禁止猪肉相关内容个做法是荒谬个。^[7][8]另有意见认为出版社对猪肉个避忌是出于惧怕激进穆斯林而实行自我审查，譬如印度教徒视牛为神圣，弗吃牛肉，出版社在印度个子公司却呒没要求作者避免提及牛肉以免冒犯印度教徒。^[9]英国有商场在圣诞节辰光禁止基督教组织颂唱圣诞歌，也禁止圣诞老人派送礼物，以免可能冒犯非基督教徒。^[10]2006年在英国一个对2,300位雇主个调查显示有74%受访雇主因为担心会畀指冒犯非基督教徒而禁止在办公室布置圣诞装饰，虽然实施禁令个雇主对此弗大情愿，但是为了避免招致诉讼而弗得弗寻求自保。^[11]英国教育畀指受政治正确影响，^[12]有学生因为在上宗教课个辰光拒绝进行伊斯兰教形式个祷告而遭受校方惩处；^[13]也有交关学堂为仔避免冒犯穆斯林搭犹太教徒学生而弗向非穆斯林搭非犹太教徒学生提供有猪肉个午餐^[14]。

垃加拿大，一些人为避免作出“政治弗正确”个言行，弗敢公开庆祝圣诞节，也有政府部门明令禁止在办公室挂上圣诞装饰。^[15]

在美国，纽约市个教育部门列出来一份弗适宜在小学测验中出现个字词清单，包括“生日”，以免引起弗庆祝生日个耶和华见证人学生弗快，“恐龙”则可能引起支持创造论家庭个学生弗快，“有泳池个屋”也弗应提及，以免引起屋里呒没泳池个人弗快。该清单畀批评为政治正确作祟。^[16]

“政治弗正确”个后果

在西方，公众人物发表在种族（包括以国籍或宗教划分个族群）、性别、性倾向或残疾议题上“政治弗正确”个言论，除脱有可能畀批评为歧视外，也有可能导致失去工作^[17][18]甚至招来民事或刑事诉讼。

在中国大陆，发表批评穆斯林个言论或揭露弗公现象个文章会畀警察请吃茶，删帖处理。

批评

有观点认为，主张“政治正确”者“立垃一只特定个政治立场上，拥有道德个光环”。一些人可能是机会主义者，做出政治正确个行为是为“赢得个人个道德优越感”使然。^[19]

有看法指出，政治正确个“基本原则”是“担迫害者搭被害者个道德位置颠倒过来”，但其实弗然，因为政治正确为求个是减少社会对非主流群体个偏见。

澳大利亚，有部分基督教人士批评“政治正确”在实行个辰光出现双重标准，特别是限制基督徒表达意见个自由，使基督徒成为政治正确双重标准下个受害者。^[20]

2009年，英国一名6岁女童因为在学堂里向称一名11岁黑人女生个面孔像巧克力而畀举报，畀投诉者个家长畀告知该“种族主义事件”已畀记录在案。畀投诉者个父亲批评，校方对一名孩子个童言童语反应过度，“政治正确”已步向疯狂。校方则表示事件未畀记录于电脑数据库里向。^[21]

2015年11月，法国巴黎发生连环恐怖袭击后，一些右派人士认为西方国家多年来奉行个多元文化价值观搭政治正确纵容了伊斯兰极端主义个泛滥。^[22]

2015年跨年夜德国数个城市发生大规模性侵事件后，由于犯案者大多是北非裔搭阿拉伯裔难民，德国各级政府及媒体为仔“支持收容外国难民”个政治正确而隐暪事件，在案情曝光后招致各界强烈批评，有评论认为“德国人为确保‘政治正确’付出惨痛代价”，认为“政治正确”是“造成德国今天难民危机个根本原因”，“弗惜代价个追求‘政治正确’垃拉带畀德国、欧洲制造混乱甚至悲剧”。^[23]

2016年7月，法国尼斯发生恐怖袭击后，波兰内政部长布拉查克认为事件是欧盟多年来推行多元文化主义政策搭政治正确造成个后果，伊表示“昰种做法应该就此结束”。^[24]

2016年11月9日，美国共和党个唐纳德·川普击败民主党个希拉里·克林顿，赢得总统大选，其中个一个重要个竞选策略，就是对民主党“政治正确”个公开挑战。 川普认为“政治正确”是美国当前最大个问题之一。沈旭晖认为川普之所以在共和党党内提名初选领先群雄，“反映美国社会对‘政治正确’充满反弹”，原因包括“政治正确”畀认为已演变成“逆向歧视”，威胁言论自由。^[25]有评论认为弗少美国人已对“政治正确”生厌，只不过弗敢说出来，川普就像是《国王个新衣裳》中个小男孩，讲出来众人弗敢讲个真相。

美国著名政治学家查尔斯·默里在2016年接受美国之音专访个辰光表示“政治正确”产生个各种危害无法计量。默里认为“政治正确”严重败坏脱美国个大学系统，让美国个大学呒没发挥思想公开交流个应有个功能。伊以“未婚母亲产下儿童带来个问题”为例，虽然伊是存在于美国个一个严重问题，但是如果有人试图公开谈论昰只问题，该人会畀称为种族主义者，因为交关昰样个问题出自非洲裔美国家庭。即使现在白人家庭也发生交关昰然个问题，但无论如何，提出昰种问题个人还是会畀称为种族主义分子，及畀冠上“指责生孩子个单亲女性”、“妖魔化单亲女性”个罪名。虽然解决问题需要了解问题以及背后个原因，但是人们弗能公开谈论昰些问题个任何内容，或者讲，交关人因为害怕受指责而弗敢谈论。默里批评“政治正确”扼杀脱人们对广泛社会问题个严肃思考，辰光将会证明艺术与社会科学领域存在个交关“政治正确”意识形态立场其实是邪气愚蠢个。^[26]