上海外环高速公路

上海外環高速公路，老早畀分段稱為環東一大道、環東二大道、環南二大道、環南一大道、環西一大道、環西二大道，上海高速公路網中編號S20，是環繞上海市中心個一條環形城市快速路，全長約99公里。

紅顏色粗線條顯示外環線勒上海市個位置

概況

外環高速又名外環線，原編號為A20公路。全長約99公里，分成5段建設，總投資約175億元。西南段起自S5滬嘉高速，經徐浦大橋跨越黃浦江後，到浦東楊高南路，長約35.5公里，勒1998年建成。西北段起自S5滬嘉高速，終於寶山區吳淞個外環隧道，長約18.5公里，勒2001年建成。浦東段一期西起浦東楊高南路，東交S1迎賓高速相接，長約10公里，勒2002年建成。浦東段二期北起外環隧道，南至S1迎賓高速，長約31公里，勒2002年建成。外環隧道長約3公里，勒拉黃浦江入長江處，勒2003年竣工通車，乃末實現了整個上海外環高速公路個全線貫通。

外環高速按全封閉、全立交個城市快速路標準設計，為雙向8車道，設計時速每小時80公里。外環高速主要建設勒上海城區交郊區的結合地帶，連接各條通往市郊、市外個高速公路搭幹道，對拓展上海城市規模，分流市內交通搭過境車流起着邪氣大個作用。

目前，外環高速勒五洲大道立交到郊環隧道浦東出口段交G15₀₁上海繞城高速併線。未來規劃建設會得使S20交G15₀₁分別獨立成環。

另見

• 上海環城綠帶