杨浦区
From Wikipedia, the free encyclopedia
Remove ads
杨浦区是上海16只城区之一、中心城区之一，勒市区东北，西面是虹口区，北面是宝山区，东南是黄浦江。面积61个平方公里，人口124万（2020年）。黄浦江个支流杨树浦穿过全区南北，故咾杨浦区叫个只名字。杨浦区有交关老出名个大学，复旦大学、同济大学、上海财大、第二军医大学咾啥侪勒杨浦区。近一腔，区里北面个新五角场建好，南面东外滩老区改造开动，杨浦区发展形势邪气好。
Remove ads
历史
杨浦区北部老早是太仓州管，上世纪三十年代，国民政府看重江湾，想打造新城搭租界对抗，搞了一个“大上海计划”，修仔好几条大马路，也搞仔点有东方色彩个建筑。今朝个杨浦还留勒当时个市政府、博物馆、图书馆等遗迹。
杨浦区个南部老早是英美公共租界东区，后手来畀日本人占领脱。1942年，日本人才拿上海侪部个租界还畀勒汪精卫政府。租界东区成立仔榆林区搭仔杨树浦区，是市区廿只区里向个两只。解放之后，榆林区搭杨树浦区合并，成立仔杨浦区。之后个几十年里向，杨浦区区境弗断调整、合并，变成仔现在个副样子。
Wikiwand - on
Seamless Wikipedia browsing. On steroids.
Remove ads