满族

滿族,總體個名稱叫做滿洲族，是立在東北亞發源個一個族群。立在歷史浪建立過滿清帝國。1911年之後，滿族喪失國族個地位，1949年，畀國家正式認定成少數民族。弗過，自家個文化基本儕消失，或者融合到中原地區哉。乃朝伊拉自家個民族語言滿語基本已經死脫。

Armoured Kangxi Emperor

分布

歷史浪，滿族個分布是有偏重個。迭個情況，也對乃朝滿族個分布，有所影響。具體是滿洲分布老多，北京有交關分布，其餘立在駐防滿城集中分布。個種局面，是清朝進入山海關之後，立在戰爭當中形成個。因為後金個首都立在山海關以外，清朝又是從白山黑水發源個，所以，立在此地分布多是弗奇怪個。北京是清朝個首都，滿清皇帝有命令，讓北京內城當中個非滿族清空，只好讓滿族居住。所以，北京也是滿族聚居個城市。此外，立在明朝老早個交通要道搭重鎮，滿清朝廷也部署交關八旗居住，充當駐防軍隊，來恐嚇，威懾當地個老百姓。這些城市，就包括山東青州市、湖北荊州市、江蘇江寧府、浙江杭州市、福建福州市、廣東廣州市搭廣西桂林市。

到辛亥革命之後，滿清王朝滅亡，這種老早個分布，立在大方向高頭變化弗大，但是立在南方各地個駐防城市，有蠻大改動，具體是大量駐防滿城消失，滿族人開始往經濟中心轉移，個當中，就包括蠻多滿族人開始遷徙到個辰光個南方經濟中心上海搭北方經濟中心天津。立在滿洲國存在個期間當中，也有一些滿族人，跑到滿洲居住。乃朝，滿族主要個分布還是以中國東北搭北京市為主。弗過，自家個文化已經基本嘸留存哉，只弗過是一個戶口本民族。

族名來歷

滿族個名稱，來歷到乃朝還是一個謎團，根據滿人自家個講法，迭個詞彙是從文珠菩薩得到個，文珠菩薩個梵文是Manjusri，轉寫就是manju。