蘇州閒話
From Wikipedia, the free encyclopedia
Remove ads
苏州闲话，在苏州地区讲个，属于吴语个太湖片苏嘉沪小片，一直叫人看作吴语太湖片个代表，也是汉语方言研究中顶早畀人研究个方言之一。
苏州闲话以“嗲”出名，所谓个“吴侬软语”（“侬”作人个意思）就是从迭个方面讲个。昆曲搭仔评弹侪使用苏州闲话，并且流行扗整个吴语太湖片。
现代苏州闲话有27个声母，43个韵母，7个声调，该个声韵调系统也是吴语个一般性情况。
Remove ads
分布
泛泛讲，苏州地级市境内个闲话侪好叫苏州闲话。不过一般性狭义个苏州闲话，是指苏州市区搭附郭原吴县个闲话。
历史
苏州闲话个历史悠久，从春秋辰光开始，吴国就有扗许。吴国里丄个人用个闲话就是吴语，而苏州闲话就是吴语个代表。
现状
从廿世纪八十年代之后，因为强制个推普搭拥进穷多外来人口，苏州闲话立在苏州社会上个影响逐渐边缘化。乃朝年轻人大部分侪欢喜用普通闲话交流。中学生，本地大学生弗晓得哪亨讲苏州闲话个情形越来越普遍。苏州乃朝有超过700万外来人口，已经深刻改变当地个语言结构。立在十几年之后，苏州闲话要是彻底在社会丄消失脱，也弗算危言耸听哉。
影响
苏州个闲话是覆盖苏南、上海市搭浙江个中国第二大方言—吴语个代表闲话。由于苏州与上海搭界，苏州闲话勒上海个影响比较大。民国辰光，有蛮多个小说中有苏州闲话个痕迹。
分类
苏州闲话个分类可以从好多个方面来看。从辰光浪看，分为老派苏州闲话与新派苏州闲话，主要个区别就是新派闲话逐渐向普通闲话靠近，新派闲话弗有老派个纯正。从场所浪看，有苏州城区与苏州周边（无锡、常熟等）个口音区别。
音韵
老派标准苏州闲话侪好有28声母、49韵母搭8声调。现代苏州闲话侪好有27声母、48韵母搭7声调，该个也是吴语个一般情况。
声母
苏州闲话侪好有27个声母，完整个保留中古浊音。包括鼻音、塞音、清音、浊音、塞擦音、边音等等。下表根据《苏州方言志》（1998）列出老派苏州话个声母系统。
韵母
苏州闲话侪好有48个韵母，该个与普通闲话有顶顶大个弗同，哀𡍲48个包括部分自成音节个韵母。
声调
苏州闲话7声调：阴平、阴上、阴去、阴入、阳平、阳上、阳入。哀嗒个入声是北方官话呒不个，入声分阴阳是江淮官话呒不个。
连续变调
苏州闲话弗单单包括单字调，区别于普通闲话个顶大一点就是有蛮多个连续变调。丰富个连续变调是苏州闲话乃至吴语区别于汉语族里向其他语言个大特点。下头列出个是《苏州方言志》里向苏州话双音词连读变调个规律表。黄底表示前字变调，其他侪是后字变调。
除开个星，苏州闲话里向还有两种轻声，无喉塞音尾个是 ˨˩ (21) 调，有喉塞音尾个是 ˨ (2) 短调。比房价：心·浪（/sin55 lɑ̃21/，“心上”，与“新郎” /sin55 lɑ̃13-21/ 同音）、里·向（“里面”）、儿·子。
Remove ads
方言搭仔派别
苏州闲话一直勒浪发展，语音也有所变化。该搭拿上世纪初以来个苏州闲话分成三派，即老派、中派搭仔新派。
另外，特别拿评弹苏州闲话拿出来，分析该个特殊个相对较为固定个艺术语言个特点。
老派
该搭个老派以《苏州方言同音字汇》，也就是丁邦新《一百年前的苏州话》里向研究个苏州闲话音系为准。
中派
此地个中派苏州闲话以《汉语方言概要》里向记录个苏州闲话音系为准。
搭老派相比，音韵浪突出个特点是，中派弗再分平舌音搭仔翘舌音，“蛙”[uo]并到“丫”[o]里向，“晏”[ɛ]并到“爱”[ᴇ]里向。
新派
该面搭讲个新派苏州闲话以《当代吴语研究》里向记录个苏州闲话音系为准。
评弹苏州闲话
评弹苏州闲话是苏州评弹里向用个艺术化个闲话。有星人拿渠看成是所谓“正宗”个苏州闲话。俚弗像一般口头闲话样能随便，是评弹演员个基本功，为之讲比较稳定，发展呒拨一般苏州人个口头闲话来得快。
评弹苏州闲话是比较老派个苏州闲话，搭今朝个多数苏州人讲闲话是弗一样个。凡是要说唱苏州评弹个人，头一个要学个就是评弹苏州闲话。
登语音浪来讲，评弹苏州闲话有几只比较突出个特点：
- 带翘舌声母
今朝个苏州市区闲话，已经呒拨翘舌音哉。勒拉民国初年个辰光，老派个苏州闲话里向还有翘舌音。该歇只有登郊区搭仔评弹艺人个嘴里向还听得见翘舌音，市区个苏州闲话已经呒拨哉。评弹苏州闲话就保留着实梗一只老派苏州闲话个特点。尚况因为已经呒拨群众基础哉，所以评弹艺人嘴里向个翘舌音也开始弗哪亨整足。实际浪向，评弹苏州闲话个翘舌音个分布搭仔普通闲话是两样个，据赵元任先生讲是搭天津闲话差弗多。苏州闲话个“翘舌音”搭仔普通闲话个还是有一定区别个，苏州个“翘舌音”搭仔英语法语里头个一样，舌头是弗卷个。必过现在推广普通闲话，为之讲也有人按照普通闲话个分法来分。
- 文白异读比较多
评弹勒唱词里向，因为基本浪用个侪是古代官话白话个句子，为之讲文白异读比平常辰光讲张要来得多。交关平常辰光已经几乎弗用个文读，勒弹词里向还有。
再一个，对于像曹操啊刘备啊该种身份个人，俚笃讲闲话侪要用所谓个“中州韵”，用个侪是苏州官话，所以文读就外加多哉，连调头也像唱戏里向个。
登用词造句浪来讲，评弹苏州闲话交替用苏白（私白）搭仔官白，来适应弗同个人物身份个需要。再一个呢评弹里向个说表也就是叙述描写个部分，一般性也侪是用苏白个。
Remove ads
语法
词汇
人称代词
苏州闲话个人称代词是：
别样
- 名词
- “宝货”：无能的人
- “门腔”：舌头
- “迷露”：雾
- “跌失铺盖”：松松垮垮
- “铜钿”：钱
- “猪头三”：不识好歹的人
- “汤吾子”：热水袋
- “皮头”：被子
- “赤佬”：鬼魂，或多别人的鄙称
- “么事”：东西
- 动词
- “牵记”：牵挂
- “钝卵”：意气用事
- “勿碍”：无妨
- “白相”：玩
- “吃伤活”：打
- “轧闹猛”：凑热闹
- “两搡半”：用手吃
- “搞百叶节”：乱搞
- “相骂”：吵架
- “钆闹猛”：凑热闹
- “钆朋友”：谈恋爱
- 形容词
- “下作”：下流
- “老茄”：少年老成
- “热络”：亲热
- “洋盘”：不识货
- “难板”：难得
- “破诸落蓑”：破破烂烂的
- “贼吊呣咄”：猥琐的样子
- “投五投六”：没目标
- “摸老太”：形容做事情慢吞吞
- “小毕扬子”：骂人的粗话
- “结棍”：厉害
- “筋筋拉拉”：肉中带筋咬不动
- 副词
- “齐巧”：恰巧
- “纯(尽)光”：仅仅
- “本生”：本来
- “板要”：偏要
- “特为”：故意
- “刚巧”：刚才
- 感叹词
- “哦哟歪”：感叹词，表惊讶
Remove ads
另外看看
相关参考文献
- 《苏州方言志》 叶祥苓 江苏教育出版社 1988
- 《苏州方言词典》 李荣主编 江苏教育出版社 1998
- 《苏州方言地图集》 叶详苓主编 龙溪书会 1981
- 《江苏省志·方言志·吴语苏州方言篇》 鲍明炜主编 南京大学出版社 1998
- 《苏州话音档》 叶详苓、盛毓青主编 上海教育出版社 1996
- 《苏州方言语音研究》 汪平 武汉：华中理工大学出版社 1996
- 《苏州方言语法研究》 李小凡 北京：北京大学出版社 1998
外部链接
Wikiwand - on
Seamless Wikipedia browsing. On steroids.
Remove ads