上海南站

铁路上海南站，亦称上海火车南站，勒拉上海市徐汇区沪闵路桂林路，是勒原沪杭铁路内环线（又称沪新线）新龙华火车站原址附近高头重新修建个铁路客运一等站，也是铁路、上海轨道交通1号线及3号线个交会站。目前除脱沪港列车外，从上海始发经由沪昆线南下个普速列车全部由该站出发。经由上海个过路普速列车也勒该站停靠。

上海南站外观

上海南站设有东北、西北、东南、西南4只方向个进站口，搭可以容纳近4000名旅客个12个候车室，以及两处软席候车室搭城际列车候车室。1至9号站台是高站台，10号搭11号站台原是低站台，因配合金山铁路而改造成功高站台。

建筑特色

上海南站是目前世界浪顶大个圆顶透光火车站^[1]，建筑意念取自东亚传统个亭子，主体结构为钢结构。

上海南站主站房搭车站南北广场东起柳州路，西至老沪闵路，北靠沪闵路，南抵石龙路^[2]。主站房设计为巨大圆形钢结构，高47米，圆顶直径200多米，总面积5万多平方米。主站房为南北贯通、高进低出、高架候车。主站房大致分为三层：中层搭地面同高，为站台层，设有13条铁轨搭6个上下客站台，另有通道交南北广场相连，还设有贵宾候车室、车站公安派出所等。上层为出发层，设有周长为800米个高架环形出发平台、可同时容纳一万余人候车个大空间候车区、检票通道等；下层为到达层，设有旅客出站地道、南北地下换乘大厅、地铁一号线、三号线、计划建设个地铁十五号线、部分长途客运搭旅游专线等，勒站内实现换乘。南站南北广场平面设计为园林绿地搭旅游集散地，占地60公顷，南北广场地下设计二层商铺、道路搭停车场，总建筑面积为12万平方米。

历史

勒上海南站建成以前，长期以来上海只有上海站一只主要铁路客运车站，单以上海站弗能完全满足紧张个铁路客运需要哉。早在廿世纪九十年代初建造上海轨道交通3号线时，上海已经有了上海南站个建设计划，当时称“上海第二客站”。1996年11月，上海市政府搭铁道部共同商议建设铁路上海南站，决定拆除原沪杭铁路内环线及担徐汇区个400多亩土地，用勒建设新个铁路上海南站。1999年底，为了尽快缓解上海站个压力，就勒一年内完成了上海南站应急工程，规模为3台7线，部分经沪杭铁路南下个列车转到临时个上海南站到发。2001年4月，进行上海南站站房设计招标，有包括来自日本、法国、德国、加拿大、美国搭中国国内个设计院等投标，同年11月，最后由法国国家铁路（AREP）公司搭上海现代集团华东建筑设计研究院有限公司联合中标^[3]。

2002年4月9号，上海铁路南站工程建设指挥部成立，标志上海南站交通枢纽工程全面展开^[4]，总投资33.8亿元人民币。2002年10月21号，因施工需要，原来勒临时上海南站到发个8对旅客列车、4对市郊列车转到属临时性质个梅陇站办理客运^[5]。

2006年6月19号，上海火车南站经上海市政府搭铁道部验收，同月20日售票处开窗售票。2006年6月25号，上海火车南站开始试运营，当日上半日8时15分，首列由上海南开往杭州个N521次列车从上海南站发车；迭歇，梅陇站停止办理客运业务并关闭^[6]。2006年7月1号，上海火车南站正式运营，伊歇，上海西站停止办理客运业务。^[7]

站线布置

北
	1号站台
	到发线（1道）
	到发线（2道）
	2号站台 3号站台
	到发线（3道）
	到发线（4道）
	4号站台 5号站台
	到发线（5道）
	到发线（6道）
	6号站台 7号站台
	到发线（7道）
	←莘庄方向——机走线（8道）——上海南客技站方向→
	到发线（9道）
	8号站台 9号站台
	到发线（10道）
	到发线（11道）
	10号站台（金山铁路专用） 11号站台（金山铁路专用）
	到发线（12道）
南	机走线（13道）

交通

上海南站为铁路、轨道交通、公交、长途汽车等多种运输方式合一个综合交通枢纽。

地铁

主文章：上海南站站

轨道交通1号线搭三号线侪连接上海火车站（新客站），方便需要勒上海火车站中转列车个旅客。外加，规划中个轨道交通15号线也勒上海火车南站设站。
上海长途客运南站勒拉2006年投入使用，铁路旅客可以换乘汽车前往火车无法直达个城市。

公交换乘

• 南广场:144、315、867、973、机场七线、南南线、南川线、上奉专线、上嘉线、上石线、上青线
• 北广场:180、180（区间）、301、303、341、729、747、763、803、虹桥枢纽1路
• 过境线路:50、111、156、157、218、326、703、704、704B、761、816、徐闵线

图片集

• 
  铁路上海南站大堂及圆形天幕
• 
  大堂售票处
• 
  上海火车南站候车室
• 
  上海火车南站北出口
• 
  车站个坐标
• 
  南站个候车室是属于敞开式个，各个候车室之间直接相通。